Matìù 24:31 - Mundani

³¹ Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Matìù 24:31 ပူးပေါင်းရင်းမြစ်များ

Matìù 13:41

Waã Wòt naa li tsà bɔntu̧ bi, bea kɨꞋɨ etsǐ èghɨ ègème àa ngɨ̀a kàbɔ̀ŋ la, nè bòt bàgème bɔ̀ɔ ngɨa kàbɔ̀ŋ la a èbem kèfɔ̧̀ vi.

Matìù 24:22

È kà chɨɨme ngu na Mbɔ̧ɔ̧mà lo̧o̧ne èli mbɔŋ tè ndɔ̀Ꞌ la, ko wòt kǒ tàa li peme la ntsě, ka tàà ghǎ ambo bòt bu tà làa ane bi la elo̧o̧ne èli mbɔŋ.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 24:32

“Bɨ̀ nɨ nkɨà ane àyɨt a fik yaa. Nàa ngɨ̀ è wu àfɨꞋa mèntaãaã tò fen, tà bùꞋ me kɔke tèfəꞋte fi la, bɨ ko nê mènkwenà nàà nkɨ̀Ꞌa.

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Ntu̧ Ntsɔ̧̀ MAK 13:27

Taa li tsàà bɔntu̧ Mbɔ̧ɔ̧mà bɔɔ ghǎ fete bòt bu tà làa ane ebi la, a bètɔ̀Ꞌa ngɔ̀ŋ bàgème nè bètɔ̀Ꞌa ègwelebuule tègème.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Jɔ̌n 11:52

Ka tà kà lem ngua nga epfə wuê àtsəa bòt àlaꞋ a mbɔŋ. Tà wua nga epfə mbɨ̀Ꞌɨ̀ efete bɔ̧ Mbɔ̧ɔ̧mà bu bɔ taatè me tseke a èdziꞋ èdzìꞋ la, bɔɔ tsiꞋi mbɨ̀Ꞌɨ̀ wòt wemɔ̀Ꞌ.

Lûm 10:18

Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”

1 Kɔlìn 15:52

Àyaa aa li wu kwàꞋ ngò̧ yemɔ̀Ꞌ, mbɨ̀Ꞌɨ̀ bɔ̀ɔ ngwèlà èghɨ la, àfɨꞋa bɔ tɔ èsɔndɨk e lìa la. Bɔɔ li ntɔ lùà, bòt bɔ pfəꞋte la e yu̧u̧mè ntsìꞋi bòt kà wu tsi pfə, baa wu bà bele e be yu̧ la e kubtè.

Efesɔ̀s 1:10

Tà li ngua ntàŋka nê àfɨꞋa ngaa aa ghɨ̌ nkùꞋ ye fète èghɨ ègème è wu a ègwet nè sitsǎꞋ la ndzi a èten Yesò Klistò.

1 Tèsàlonikà 4:16

Naa li ngu ane àlia mbɔŋ, bòt è zə àtɔŋ a ŋȩ la, tǎt bɔntu̧ Mbɔ̧ɔ̧mà ŋȩ, bòt e zə èsɔndɨk Mbɔ̧ɔ̧mà e làꞋà la, Tè Yesò Klistò zìambɔŋ bɔ̂ nchu a ègwet. Bòt bu bɔ li ndzì mèntɨ̧ɨ̧ mɔb ane Yesò ka mpfəèꞋte la e bɨ̀ njù̧ù̧mê.

2 Tèsàlonikà 2:1

È me wu ane ànəa Yesò Klistò Lefɨ̀Ꞌ wa, ndɨ tàa mèe gheble avi ekɨꞋɨ la, nè ndɨ bàa li ebù̧ù̧te ewu ne tò la, ko e ngua shù̧ù̧ta wɨ̧ à bɔnyɨ nê,

Ebùlù 12:19

èsɔndɨk e làꞋ, bɔ zə àtɔŋ Mbɔ̧ɔ̧mà. Bòt mbɔŋ e zə ànəa tà shu la, shù̧ù̧te nê, bɔɔ kà tsi nkɨ ezə ànəê.

Ètsə 1:20

È me wu ànəa ndò̧ yu ane těnto̧ tu tesà̧à̧mbe mâ bèa àbualu̧ am la, nè èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la, ko tsiꞋ è shu awê lə èghɨ mbɔŋ. Těnto̧ tu tesà̧à̧mbe la wu bɔntu̧ bu basà̧à̧mbe bɔ̀ɔ ndȩ̀à bèchɔsì bu basà̧à̧mbe la. Èghɨ bu bɔ̀ɔ ntsìta mèkàꞋa adù̧ besà̧à̧mbe la, è wu bèchɔsì ngaa basà̧à̧mbe la.

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Ètsə 7:1

ÀfɨꞋa mbɔŋ e ndze bɔntu̧ Mbɔ̧ɔ̧mà bakwì bɔ tɨ̧ɨ̧te a bètɔꞋɔ sitsǎꞋ bakwì la. Bɔ tɨ̧ɨ̧te ale, me baãaã èfeme bu a sitsǎꞋ bekwì la, mbɨ̀Ꞌɨ̀ e me tsě a sitsǎꞋ kò a èbem èdzî, kò adù̧ èyɨt leꞋ.

Ètsə 8:2

AfɨꞋa mbɔŋ e ndze bɔntu̧ Mbɔ̧ɔ̧mà bu basà̧à̧mbe bèa ntɨ̧̀ɨ̧̀ta a mbì tò la, bɔ ŋa tèsɔnkendɨk tesà̧à̧mbe abua yɔb.