Matìù 24:24 - Mundani

²⁴ Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 24:24 ပူးပေါင်းရင်းမြစ်များ

Matìù 22:14

“Yesò ghɨ̀ ale, ndià nê, ‘Bɨ̀ ko nê bɔ̀ɔ ngɨ̀ bɔ tɔ bòt nyaŋ, ka mbɔ̂ ndàà wu èbe mpiꞋa nɨŋ.’ ”

Matìù 24:11

Bòt nyaŋ aa li lɔ̀Ꞌte a si àfɨꞋa mbɔŋ e me fɨta shua nê bɔ wu bèndàꞋàtɔŋ Mbɔ̧ɔ̧mà, ngɨ̀à bòt e fà̧à̧tà èka bɔb.

Matìù 24:22

È kà chɨɨme ngu na Mbɔ̧ɔ̧mà lo̧o̧ne èli mbɔŋ tè ndɔ̀Ꞌ la, ko wòt kǒ tàa li peme la ntsě, ka tàà ghǎ ambo bòt bu tà làa ane bi la elo̧o̧ne èli mbɔŋ.

Matìù 24:25

Bɨ̀ zə na mâ shua wɨ̧ àfɨꞋa ntsɔ̧̀ tè ndɔ̀Ꞌ la.

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Matìù 24:5

nkàà nê bòt nyaŋ aa li kɨꞋɨ nɨ èlen laã e me shu nê bɔ wu Fɔ̧̀ wu Mbɔ̧ɔ̧mà yɔꞋ ntsà la, efɨte bòt nyaŋ.

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Lûk 18:7

Tè a wu anè ko bɨ mɨɨtè nê betsiꞋa Mbɔ̧ɔ̧mà kà laŋkè mènəè bòt bi bu tà làà wɔb bɔ̀ɔ ndɨ̀à mènəè mɔb abua tò àli àgème la à?”

Jɔ̌n 4:48

Tà làꞋ ale Yesò shuê abua tò nê “Bɨa anè ngu bòt bɔ bakà ye am ngɨ̀à èghɨ àa nyɨ̀Ꞌta mètàŋ Mbɔ̧ɔ̧mà la, nè ngɨŋa mènəè, wòt ane yɨ̧ ka zî èntɨ̧ɨ̧ vi ane yaã la.”

Jɔ̌n 6:37

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

Jɔ̌n 6:39

Eyaa wu àghɨa tòà wu tà tsàà am la nàa nkɨà la, nê è nka sàŋ wòt kǒ ane bòt bu yê ŋa abua am la è nyɔ̂, nê è ndi ngɨ̀ wuê ndɨ bɔ̀ɔ yu̧u̧me àlia ngɔ̀ŋ nàa lìà la.

ÀfaꞋa 20:16

Pɔ̂l li taŋke tsè a ngèt Efesɔ̀s mbɨ̀Ꞌɨ̀ ye tsòke àfɨ̀Ꞌ àbâ àlaꞋ a Esìà. Tà li ngua ntèmna enyi a Jèlusalèm ka àlia èghɨjɨ Pentekɔ̀s aa kùꞋu.

Lûm 12:18

Bɨ̀ ghɨ̌ àghɨa àgème betsiꞋa bɨ ko ngɨ̀ la ndze nê bɨa ntsèka ane àlàŋkè nè waa waa.

Gàlashìà 4:15

Bɨ li ngùꞋtè àwɨ̧ ale eghǎ tseke tè ngɨ̀ à? Mâ bê ndâ nko nê è lè ghɨ̂ ale nguê àghɨa betsiꞋa wɔ̀bȩ̂ koê ngɨ̀ la ko bɨ tsɔꞋte àghɨ ayɨ̧ ŋa abua am.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

2 Pità 3:17

Bèshu̧ bɔ̧, ndɨ̀ waa bɨ ko mènəè maa tè ndɔ̀Ꞌ la, bɨ̀ me baabe awɨ̧ mbɨ̀Ꞌɨ̀ ka bòt kàbɔ̀ŋ baa bɔ fà̧à̧tè èka bɔb la, e tsòkè ètsə bɨ̧ ngɨ̀ èka bɨ̧ e lɔŋ, èntɨ̧ɨ̧ wɨ̧ wu bɨ zi ane Mbɔ̧ɔ̧mà la è ka tsi ngua nkwèèla.

1 Jɔ̌n 2:18

Bɔ̧ bɔ̧, ngɔ̀ŋ bele yàŋe elìa. Bɨ li ndzə nê, wɔ̀mbù̧ Yesò Klistò naa li ekɨꞋɨ. Ka nè àfɨ̀Ꞌ yaa bɔmbù̧ tò e taꞋa saꞋa a si tè àyea mbɔŋ a ghɨ̂ ba ko nê ngɔ̀ŋ bele yàŋe elìa.

1 Jɔ̌n 2:22

Wòt mèfà̧ nàa nè ngu wàà? Wu wòt tà laꞋnê Yesò Klistò ntsě Fɔ̧̀ wu Mbɔ̧ɔ̧mà li ndzɔꞋ ntsà la. Èwuu wòt waa wu wɔ̀mbù̧ Yesò Klistò. Tà tu̧u̧ a Tǎt wa Mbɔ̧ɔ̧mà mè ntù̧u̧ Waã tò.

1 Jɔ̌n 5:18

Ba ko nê waa waa tà tsiꞋi Waã Mbɔ̧ɔ̧mà la nàà kà ghɨa kàbɔ̀ŋ, nkàà nê Waã Mbɔ̧ɔ̧mà zìambɔŋ nàà mbààba ŋut mbɨ̀Ꞌɨ̀ Satàn wòt kàbɔ̀ŋ zì àlɔꞋ ane tò.

Ètsə 19:20

Bɔ nù ale mbà̧aã nyà̧mɔ̀Ꞌ yu mbɨ̀Ꞌɨ̀ àbùꞋ a èbet, mè baãaã ndàꞋàtɔŋ fɨ̀te wu tà li ngua ngɨ̀à mènəè ngɨŋa a mbì tò fɨ̀ta bòt la. Tà li ngua fɨ̀ta bòt bu bɔ bɔ àlȩê nyà̧mɔ̀Ꞌ yu ane yɔb, mè me kukte a wamâlem tò wu la. Bɔ ghɨ̀ ale, màꞋà nyà̧mɔ̀Ꞌ yu bɔ̂ ndàꞋàtɔŋ fɨ̀te wu èyu̧ a èbem èwet ko àa mbɨ̀Ꞌɨ̀ èlemè nkòòla nè èkem adù̧ la.