Matìù 22:3 - Mundani

³ Tà li ntsà bètsoêꞋ bi nê bɔ gha ntɔ bòt bu bɔ yaã nkàꞋà wɔb a èpǎ̧ wu la, bɔ tu̧ ekɨꞋɨ.

Matìù 22:3 ပူးပေါင်းရင်းမြစ်များ

Matìù 21:34

ÀfɨꞋa mànkaaba tètaãaãte vȩn tu a tseke te nkùꞋ, tà tsà bɔfàꞋ bi nê bɔ̀ gha ngɨ̀ bèlentà bu è ŋa evi ne èghàb ane èghɨ bɔ fùꞋù la.

Matìù 23:37

“Àfɨ̀Ꞌ àko a tseke tè me wu, Yesò bùꞋ me ŋȩa shua nê, ‘Bòt Jèlusalèm, bòt Jèlusalèm leꞋ! Bɨà mbùŋà bèndàꞋàtɔŋ Mbɔ̧ɔ̧mà ndɔ̀Ꞌ ŋèꞋnà bɔntu̧ Mbɔ̧ɔ̧mà tà tsàà abua yɨ̧ la, ane àti. Mâ nyɔ̀Ꞌtè a ngo̧ a ngò̧ nê e nkɨ enɨ èbu bɔ̧ efete awɨ̧ mbɨ̀Ꞌɨ̀ nkɔ̀Ꞌ nàa ngɨ̀ tà fète bɔ̧ bi ndzì a èten tèbààbè ti la, ka bɨ̀ ka bɨ̧ɨ̧ne!’

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 9:15

Yesò shu abua yɔb nê, “Tê betsiꞋa bègɨ̧̌ ndzɔꞋɔ etɔ̧ɔ̧ èbu bɔb àfɨꞋa lu̧ ndzà bèlè bɔ̂ tò ba la à? Àfɨ̀Ꞌ aa ghɨ̌ nkùꞋ bɔ tsì lu̧ ndzà yu ayɔɔ yɔb, e ye wu àfɨꞋa bɔ̀ɔ me tseke kà jɨ àghɨ la.

Lûk 13:34

“Bòt Jèlusalèm, bòt Jèlusalèm leꞋ, èghǎ ghɨ̂ ka àfɨ̀Ꞌ àgème Mbɔ̧ɔ̧mà tsàà bèndàꞋàtɔŋ bi abua yɨ̧ la, bɨ me temte awɔb ane àti mbùŋè àwɔb à? Mâ laꞋnê e nkɨ efete awɨ̧ ngò̧ nyaŋ ebaabe awɨ̧ mbɨ̀Ꞌɨ̀ nyɨ̌nkɔ̀Ꞌ nàa ngɨ̀ efete bɔ̧ bi a èten tèbààbè ti la, ka bɨ̀ ka bɨ̧ɨ̧nè.

Lûk 15:28

“Waã mbì wu bê ntso tè è ntu̧ nyi a lob. Tǎt tò dzəè àbȩ shù̧ù̧te atò nê tà nyi a lob.

Lûk 19:27

Ka è me wu bɔmbù̧ bɔ̧ bu bɔ̀ le kaꞋa wua nkɨ̀a nê e ngu fɔ̧̀ wɔb la, bɨ̀ səèŋnè àwɔb nɨŋ nkɨ̀Ꞌɨ̂ nkɨ̧̀ɨ̧̀me a mbì laã.’ ”

Jɔ̌n 5:40

ka bɨ bɔ̂ ntu̧ ekɨꞋɨ abua am mbɨ̀Ꞌɨ̀ e la peme.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

Lûm 10:21

Mbɔ̂ ngà ane ànəa bòt Izəèlȩê nê, “Maà shù̧ù̧ta bòt bɔ̧ àlia àgème nê bɔ̀ kɨꞋɨ bàà ghɨ̌ àlàŋkè, ka bɔ wu bòt àtsəa kekweelè, bɔ̀ ka wua nkɨ e zə èngǎ̧ am.”

Ebùlù 12:25

Bɨ̀ ko mbɨ̀Ꞌɨ̀ ka bɨ tu̧u̧ eyute wòt wu ndàꞋà la. Bòt bu bɔ li ntù̧u̧ eyute wòt wu a sitsǎꞋ tà li ndàꞋà èngǎ̧ Mbɔ̧ɔ̧mà la e li bɔ̀ ka ko ndùùlà. A wu wu anè ane bòt baà, ko bàa wu ba tu̧u̧ eyute wòt wu tà dzə a ègwet la è ka li ko elùùlà a.

Ebùlù 9:15

Ale, Yesò wu wòt tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi, mbɨ̀Ꞌɨ̀ bòt bu bɔ̀ tsiꞋi e be Mbɔ̧ɔ̧mà la, aa ye a ntsɔ̧̀ Mbɔ̧ɔ̧mà ane àlia nè àlia, mbɨ̀Ꞌɨ̀ tà kàꞋà la. BetsiꞋa àyaa a wu ale nkàà nê, Yesò Klistò li ŋà àtsəa zi mbɨ̀Ꞌɨ̀ e ghɨ̌ bòt aa peme ane mènəè kàbɔ̀ŋ mu bɔ li ngua ngɨ̀a àfɨꞋa bɔ li mbèle a èten mènkàꞋa kèkweelè mu Mbɔ̧ɔ̧mà li ngɨ a mbì la.

Ètsə 22:17

Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.