Matìù 21:19 - Mundani

¹⁹ Tà ye àyɨt a fik a ngèt alu̧, nga a mbɨ̧̀ tà kà ye àghɨ a ègwet, tà ye wuê tèfəꞋtsə. Ale, tà tsɔ̧̀ àyɨt ngaa nê “À ka lɔ̀Ꞌ àlia tsi kɔɔle tetaãtsə a.” A bê ntɨ̧ kwàꞋ àfɨꞋa mbɔŋ mpfə.

Matìù 21:19 ပူးပေါင်းရင်းမြစ်များ

Matìù 21:20

Bɔkatè tò e ye ale, a bê ntsè àwɔb tè bɔ tsiꞋi biite nê “Àyɨt yàa a ghɨ̀ na ka mbê njù̧ anè à?”

Ntu̧ Ntsɔ̧̀ MAK 11:14

Yesò tsɔ̧̀ àyɨt yu nê, “Wòt ka lɔ̀Ꞌ àlia emě jɨ kètaã a ègwet lè a.” Bɔkatè tò e li ndzəâ ndɨ tà làꞋà la.

Ntu̧ Ntsɔ̧̀ MAK 11:20

Bɔ li saꞋa ntɔtetsɔ̌Ꞌ me ghȩ̀ȩ̀ne alu̧, ndzè àyɨt a fik yu a yu̧ àgème tè ngà ndzə ane tèghaŋtsə la.

Lûk 3:9

Bɨ wu mbɨ̀Ꞌɨ̀ èyɨt bu adzà̧ wu a tèghàŋtsə ekòꞋo dèbe a si la. Àyɨt yu àa ka kɔ̀ɔ̀le tètaãaãte ntsɔ̧̀ la, bɔ̀ɔ kòꞋo ayùà emàꞋa a èbem èwet.”

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

Jɔ̌n 15:6

Wòt bakà wu àghɨ yeamɔꞋ nè nà̧, tà ko nê ye wu mbɨ̀Ꞌɨ̀ èntaãaã àyɨt yu bɔ̀ɔ ngɨ̀ bɔ lo ngwaꞋ e yu̧ la. Bɔ̀ɔ ngɨ̀ bɔ fetè èwuu mèntaãaã màa, maꞋa èwet ntò̧.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.

Ètsə 22:11

Waa waa tàa ngɨa kàbɔ̀ŋ la, me ghɨ̀à ngà wuê nè mbì, we tàa ngɨ̀à èbɨꞋte ènəê la, me ghɨ̀à ngà wuê nè mbì. Wòt tàa ngɨ̀à mènəè ntsɔ̧̀ la, me ghɨ̀à ngà wuê nè mbì. Wòt tà wu wòt Mbɔ̧ɔ̧mà la, mě me ŋa avi wuê abua Mbɔ̧ɔ̧mà.”