Matìù 20:24 - Mundani

²⁴ ÀfɨꞋa bɔkatè ko bu èghem e zə ànəê yaa la, bɔ taꞋa tsoo ane bɔnyɨ bu babe la.

Matìù 20:24 ပူးပေါင်းရင်းမြစ်များ

Matìù 20:23

Yesò mè shu nê “Wu nkûŋ nê bɨa li ko enu ndɔŋ yaã, ka e tseke àbâ àbualu̧ am kò a yea ntɔŋ leꞋ è ntse mmɔ̌ màa ghɨ̀ la. ÈdziꞋ baa e wu abua bòt bu Tǎt am taŋkè nê bɔ̀ tseke abot la.”

Matìù 20:25

Ale, Yesò tɔ awɔb bàgème àdziꞋ yeamɔꞋ shu abua yɔb nê “Bɨ̀ ko nê bèfɔ̧̀ bòt kà ko a Mbɔ̧ɔ̧mà àa ngɨ̀ bɔ me ghɨɨle bòt bɔb, bèkěm bɔb, e mè me tseke àtsəa bòt bɔb.

Ntu̧ Ntsɔ̧̀ MAK 10:14

Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Ntu̧ Ntsɔ̧̀ MAK 10:41

Bɔkatè Yesò ko bu èghem la e zə ànəa ngaa, ntàꞋa tsoo ane Jimsì bɔ̂ Jɔ̌n.

Lûk 13:14

Wòt tà wu àtsəa lob Mbɔ̧ɔ̧mà yu la bùꞋ me tsoo nê, Yesò bə wòt àliapfəèa Bèjuê. Wòt wu ghɨ̀ ale, shu abua bòt bu bàgème abot la nê, “Ba bɔ èli bentùa ba bɔ̂ ndɨ bàa ghɨ̌ àfàꞋ la, bɨ̀ kɨꞋɨ ane èli ngaa bɔ̀ bə awɨ̧, bɨ̀ ka nkɨ̀Ꞌɨ̂ ane àliapfəè.”

1 Kɔlìn 13:4

Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”