Matìù 20:23 - Mundani

²³ Yesò mè shu nê “Wu nkûŋ nê bɨa li ko enu ndɔŋ yaã, ka e tseke àbâ àbualu̧ am kò a yea ntɔŋ leꞋ è ntse mmɔ̌ màa ghɨ̀ la. ÈdziꞋ baa e wu abua bòt bu Tǎt am taŋkè nê bɔ̀ tseke abot la.”

Matìù 20:23 ပူးပေါင်းရင်းမြစ်များ

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 20:24

ÀfɨꞋa bɔkatè ko bu èghem e zə ànəê yaa la, bɔ taꞋa tsoo ane bɔnyɨ bu babe la.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Ntu̧ Ntsɔ̧̀ MAK 10:40

Ka e tseke àbâ àbualu̧ am kò a yea ntɔŋ leꞋ, è ntsě mmɔ̌ maa ghɨ̀ la. ÈdziꞋ baa e wu abua bòt bu Tǎt am taŋkè nê bɔɔ tseke abot la.”

ÀfaꞋa 12:2

Tà li ngɨ̀ bɔ sɔɔbe a Jimsì wanyɨ Jɔ̌n mbùŋè.

Lûm 8:17

Ndɨ̀ wu bà wu bɔ̧ Mbɔ̧ɔ̧mà la, baa li bɔ èghɨ ntsɔ̧̀ bu tà nɔ̀ŋe abua bòt bi la, mè ngu fɔte nê Yesò Klistò èbɔ èghɨ bu Mbɔ̧ɔ̧mà nɔ̀ŋe abua tò la. Mbɨ̀Ꞌɨ̀ bàa ndzèa ngoꞋ mbɨ̀Ꞌɨ̀ Yesò li ndze la, baa li bɔ ènɨ̧ tò mɨ̧̂.

1 Kɔlìn 2:9

Mbɨ̀Ꞌɨ̀ Àkata Mbɔ̧ɔ̧mà a shu la, “Àghɨa kà èghɨ e li mè ye, Nè àghɨa kà àtû̧ a li mè zə Nè àghɨa kà èntɨ̧ɨ̧ e li mè mɨ̀ɨ̀te, Wu àghɨa Mbɔ̧ɔ̧mà taŋke abua bòt bu bɔ̀ɔ nkɔ̀ŋkà tò la.”

2 Kɔlìn 1:7

Ntɨ̀ ya ane yɨ̧ nàà nkwèèlâ. Ba koê nê bɨ yea ngoꞋ mbɨ̀Ꞌɨ̀ ba li ndze la, ko Mbɔ̧ɔ̧mà naa zì mèntɨ̧ɨ̧ mɨ̧ wuê mbɨ̀Ꞌɨ̀ tà zǐ ma la.

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ètsə 1:9

Mmɔ̌ Jɔ̌n wanyɨ wɨ̧, ba nɨ̧̀ ba è tsìꞋi àghɨ yeamɔꞋ ane Yesò Klistò la. Ba nɨ̧̀ ba e kuule mèntɨ̧ɨ̧ ma a èbem ngoꞋ tu ndzèa wa la, nkàà nê ba nɨ a Yesò Klistò mbɨ̀Ꞌɨ̀ fɔ̧̀ wa. Bɔ li mbà̧ am ntsàà a èbem àdziꞋa si àyuube ako a èbem *èdzî bɔɔ ntɔ nê Patmɔ̀s la, nkàà ndɨ mâ làꞋa èngǎ̧ Mbɔ̧ɔ̧mà, Yesò Klistò nyɨ̀Ꞌte nê wu nkûŋ la.