Matìù 20:19 - Mundani

¹⁹ E bɔ ghɨ̀ ale, e zǐ atò a tèkitebu bòt kà wu Bèjuê, bɔɔ wȩ̀ȩ̀te atò, eshu̧u̧ atò e lɔ̀Ꞌɔ wu̧u̧te atò a mbɨ̧̀ mbasa taa pfə, mbɔ̂ naa me wu ane èlibȩ betat taa yu̧u̧me.”

Matìù 20:19 ပူးပေါင်းရင်းမြစ်များ

Matìù 12:40

Ndɨ Jɔnà li ntsèke a èbem taꞋa asəâ ènɨ̧ ane èlibȩ betat la, wu ndɨ Waã Wòt nàa li tseke azi a èbem èntɨ̧ɨ̧ sitsǎꞋ ane èlibȩ betat la.

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Matìù 17:23

bɔɔ bùŋe atò, ka naa me wu ane èlibȩ betat, taa yu̧u̧me.” Tà làꞋ ale a taꞋa saa awɔb.

Matìù 27:26

Ale, Pȩlèt sa Bàlabasì abua yɔb; tà ghɨa bɔ̀ shu̧u̧ a Yesò; tà ŋǎ atò bɔɔ wu̧u̧te a mbɨ̧̀ Mbasa.

Matìù 27:63

nê “Tê, ba ku̧u̧te ndɨ wòt mèfà̧ waa li mbèle yû̧ nê, yea li mpfə è me wu ane èlibȩ betat ye yu̧u̧mè la.

Ntu̧ Ntsɔ̧̀ MAK 14:65

Bòt ko ane yɔb e bùꞋ me tsəètè mattsə ane Yesò, nkùùlè àghɨ atò, ndèbe atò, mbɔ̂ shu abua tò nê, “Shu awa wòt wu tà dèbè àwê la.” Bòt bu bɔ wua mbààba Yesò la e nɨ atò nden.

Ntu̧ Ntsɔ̧̀ MAK 15:1

ÈtsəꞋ è tsi kwàꞋ a ntɔtetsɔ̌Ꞌ bètǎt bèntsìà mèpɨ̧̀ Mbɔ̧ɔ̧mà bàgème nè bɔɔjuŋ Bèjuê e tseke a si tàŋke ndɨ bɔ̀ɔ ghɨ̌ ka ebuŋe a Yesò la. Bɔ kuule atò ane fȩtsə nɨŋ ngà ndzì a tèkitebu Pȩlèt.

Ntu̧ Ntsɔ̧̀ MAK 15:15

Ndɨ̀ wu Pȩlèt li ngua nkɨà nê ènɔ̧̂ bòt bu è me kɔ̀ŋkè àvi la, tà sa Bàlabasì. È me wua Yesò, tà ghɨ̀ bèshujà e shu̧u̧ atò mbɔ̂ ŋa atò nê bɔ̀ wu̧u̧te a mbɨ̧̀ mbasa.

Lûk 18:32

Bɔɔ li e zǐ atò a tèkitebu bòt kà wu Bèjuê, bɔɔ wȩ̀ȩ̀te atò, etsɔ̧̀ɔ̧̀te atò, e mèe tsəètè mattsə ane tò.

Lûk 23:11

Elɔ̀d bɔ̂ bèshujà bi e wȩ̀ȩ̀tè a Yesò, mbɔ̂ mè ntàꞋa eghɨ̧̀ɨ̧̀ne atò. Mbɔ̂ ndzì taꞋà èmǎ̧ èkab a mbɨ̧̀ tò, ka mbɔ̂ mè ntsaa atò abua Pȩlèt.

Lûk 24:46

Mbɔ̂ shuê abua yɔb nê, “Eyaa àghɨa bɔ shɨ la, nê, Fɔ̧̀ wu Mbɔ̧ɔ̧mà li ndzɔꞋ etsàà la è bɔ ndɨ tàa ye ngoꞋ ebɔ epfə, ka naa me wu ane èlibȩ betat taa yu̧u̧me la.

ÀfaꞋa 2:23

Mbɔ̧ɔ̧mà zìambɔŋ li ndzaŋe làŋke mè nko ndɨ bòt kàbɔ̀ŋ aa li ŋa Yesò abua yɨ̧ la. Bɨ li ngɨ̀ bòt kàbɔ̀ŋ e wu̧u̧te atò a mbɨ̧̀ mbasa, mbùŋè.

ÀfaꞋa 21:11

Tà kɨꞋɨ tà kwene ane ya, tà nɨ nkànda Pɔ̂l, nkùùle èbu bi bɔ̂ èka bi, mbɔ̂ nê, “Fo Kèfə laꞋnê, Bèjuê bu a Jèlusalèm la aà nga ekuule wòt wu tà bɔ nkànda yaa la, ebɔ ŋa atò abua bòt kà wu Bèjuê.”

ÀfaꞋa 4:27

Ane nkûŋ, Fɔ̧̀ Elɔ̀d bɔ̂ Pontìùs Pȩlèt nè bòt kà wu Bèjuê e li ngɨ̀ tè mbù̧ù̧tè àpfəèà nɨ̧ ŋàa, bɔ̂ bòt Izəèlȩê nê, bɔ kɨ etsɔꞋɔ Ngule Waã wè wu è wu Fɔ̧̀ wu à li ndzɔꞋ ntsà la.