Matìù 2:13 - Mundani

¹³ ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 2:13 ပူးပေါင်းရင်းမြစ်များ

Matìù 1:20

Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

Matìù 2:12

Bɔ ghɨ̀ ale, bɔ̀ nɔ̀ŋke a si, Mbɔ̧ɔ̧mà kɨ̀Ꞌɨ̂ a ndzò̧ səèŋkè ètû̧ bɔb nê bɔ̀ ka tsi ngà abua Elɔ̀d. Mbɨ̀Ꞌɨ̀ bɔ zə ale la, bɔ tsiꞋi nɨ èlu̧ tsa ngwènè àlaꞋ ayɔb.

Matìù 2:14

Jòsêb zə ale, ndɔ̀Ꞌ a si nɨ̀ waã wu bɔ nyɨ̌ vi ètsəꞋ wu mbà̧à̧ èlu̧ Ejìb.

Matìù 2:16

Mbɨ̀Ꞌɨ̀ Elɔ̀d tseke te ndze nê bòt èyì bu e fɨte avi la, ànəa mbɔŋ a lu̧u̧me atò kwàꞋ ànyaꞋne. Ale, tà tsà bòt nê bɔ̀ ghǎ a Betèlèghêm nè èdziꞋ ègème a ngèt və mbùŋè bɔmbâ̧ bàgème be lu̧u̧ èngùꞋebȩ yebe la, nè ebe kà zìꞋ ndù̧ èngùꞋebȩ yebe. Tà le me shu ale, nko laꞋ nê ye kwaꞋtè ebuꞋu ane àfɨ̀Ꞌ yu bòt èyì bu e le shua vi nê bɔ ye kěnto̧ fu la.

Matìù 2:22

Ka àfɨꞋa Jòsêb zə nê Akèlaɔ̀ jɨ lob tǎt vi Elɔ̀d tè ntsiꞋi fɔ̧̀ Jùdià la, tà me bɔa e ghǎ abàꞋ və. Tà ghɨ̀ ale, Mbɔ̧ɔ̧mà mè nkɨ̀Ꞌɨ̂ a ndzò̧ ŋǎ tò nkɨ̀a, tà tsiꞋi e ghǎ ne àbâ àlaꞋ a Galìlî,

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 10:7

Wantu̧ Mbɔ̧ɔ̧mà wu tà wua ndàꞋa abua tò la è ghǎ, Kɔ̀nelìà tɔ ndaŋe bɔfàꞋ bi babe nè shujà kǒ, tà kǒ a Mbɔ̧ɔ̧mà mè ngu wòt tàa fàꞋà ngule mènəè Kɔ̀nelìà la.

ÀfaꞋa 12:11

ÀfɨꞋa mbɔŋ, Pità ko àghɨa a ghɨ̂ ngɨ ane zi la, mbɔ̂ nê, “Ye am e wàa ka mâ koê nê ànəê yaa wu nkûŋ la. Mbɔ̧ɔ̧mà è tsàà wantu̧ vi nê tà kɨꞋɨ ntsì am àbu fɔ̧̀ Elɔ̀d nè mènəè mu Bèjuê aà wua ntàŋka e ghɨ̌ ane yaã la.”

ÀfaꞋa 12:7

KwàꞋ àfɨꞋa mbɔŋ, wantu̧ Lefɨ̀Ꞌ saꞋ abot, èkaꞋà ko e bùꞋ me beꞋe a lob tèfȩ yu. Wantu̧ wu nyiꞋtè a Pità ane èkwȩ tò, ndɔ̀ke atò, mbɔ̂ è shu abua tò nê, “Lɔ̀Ꞌɔ a si kwàla.” Fȩ tu bɔ nɨŋ nkùùle èbu Pità la, te bê ndòòtê.

ÀfaꞋa 16:36

Tà shu abua Pɔ̂l àfɨꞋa mbɔŋ nê, “Bèkěm bu e tsɔ̀te ntu̧ nê bɔ̀ sà àwɨ̧ bɨ Sȩlàs bɨ̀ me ghǎ. È wu ale, bɨ me ghà àwɨ̧ bò̧ bò̧.”

ÀfaꞋa 5:19

ÈtsəꞋ ngaa wantu̧ kǒ Mbɔ̧ɔ̧mà tsàà la kɨ̀Ꞌɨ̂ ntsɔ̀Ꞌɔ ètsələèꞋ lob tèfȩ yu, ngɨ̀ bɔntu̧ bu e dzəè nga àbȩ. Mbɔ̂ shu abua yɔb nê,

ÀfaꞋa 7:19

Tà jɨ àtɨ̧ yu ale, me ghɨɨle bòt ba mè ngɨ̧̀ɨ̧̀nà bètǎt nyaꞋ ba bu, ŋwèèlè àwɔb nê bɔ̀ me nɔ̀ŋè bɔkefi bɔb àbȩ mbɨ̀Ꞌɨ̀ bea pfəꞋte.

Ètsə 12:14

Ka bɔ ŋa tèbaabe taꞋa èfaã kekweelè ko àa ndèa a ègwet la tebe nê tà nɨŋ nde ndùùla dlagɔ̀n wu nga àbâ àlaꞋ àyuube, àdziꞋa bɔ taŋke ejɨɨ atò ane èngùꞋebȩ yetat nè àtem la.

Ètsə 12:4

Tà nɨ èku̧ li səè àbâ těnto̧ yeamɔꞋ ntsàà a si, ane těnto̧tsə tègème a ègwelebuule bɔ ghàbte ane èdzìꞋ betat la. Dlagɔ̀n wu tɨ̧ɨ̧ a mbì àvi wu nkɨ bi la, me chɨ̀Ꞌɨ àvi wu naa bi waã wu yea kwele.

Ètsə 12:6

Àvi wu lùùlà nga àbâ àlaꞋ àyuube, àdziꞋa Mbɔ̧ɔ̧mà e taŋke abua tò, ejɨ atò ane èlibȩ tɔsì nè ènkɨ̀ yebe nè èghem yentùa la.