Matìù 2:12 - Mundani

¹² Bɔ ghɨ̀ ale, bɔ̀ nɔ̀ŋke a si, Mbɔ̧ɔ̧mà kɨ̀Ꞌɨ̂ a ndzò̧ səèŋkè ètû̧ bɔb nê bɔ̀ ka tsi ngà abua Elɔ̀d. Mbɨ̀Ꞌɨ̀ bɔ zə ale la, bɔ tsiꞋi nɨ èlu̧ tsa ngwènè àlaꞋ ayɔb.

Matìù 2:12 ပူးပေါင်းရင်းမြစ်များ

Matìù 1:20

Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 2:19

ÀfɨꞋa Elɔ̀d li mpfə la, wantu̧ Mbɔ̧ɔ̧mà kɨ̀Ꞌɨ̂ a ndzò̧ abua Jòsêb mbɨ̀Ꞌɨ̀ tà bele a Ejìb la shu abua tò nê,

Matìù 2:22

Ka àfɨꞋa Jòsêb zə nê Akèlaɔ̀ jɨ lob tǎt vi Elɔ̀d tè ntsiꞋi fɔ̧̀ Jùdià la, tà me bɔa e ghǎ abàꞋ və. Tà ghɨ̀ ale, Mbɔ̧ɔ̧mà mè nkɨ̀Ꞌɨ̂ a ndzò̧ ŋǎ tò nkɨ̀a, tà tsiꞋi e ghǎ ne àbâ àlaꞋ a Galìlî,

Matìù 27:19

Mbɨ̀Ꞌɨ̀ Pȩlèt è tseke a ègwet atɨ̧ kèfɔ̧̀ vi la, vi tò tsà ntu̧ abua tò nê, “Mbê wu bakà ko ànəê, è wu ale à ka ngɨ̀ àghɨa ko ane tò. Mâ me li ndzě ndzò̧ ko ane tò è taꞋa saa am.”

Lûk 2:26

Fo Kèfə li nkàꞋ atò nê, tàa li ye wòt wu Mbɔ̧ɔ̧mà li ndzɔꞋ etsàà a sitsǎꞋ la, ka pfə.

ÀfaꞋa 10:22

Bɔ bɨ̀ɨ̀lè nê, “Kɔ̀nelìà, tǎt bèshujà è tu̧u̧ awa. Tà wu wòt tàa nguꞋta Mbɔ̧ɔ̧mà la. Bèjuê bàgème e taꞋa wua nkùkta atò. Wantu̧ Mbɔ̧ɔ̧mà kǒ shu abua atò nê, tà kàꞋà àwê à kɨꞋɨ a lob tò, mbɨ̀Ꞌɨ̀ taa zə ànəa àa shu la.”

ÀfaꞋa 4:19

Ka Pità bɔ̂ Jɔ̌n e shu abua yɔb nê, “Bɨ̀a mbɔŋ bɨ̀ kwàꞋta nê àyea ŋa àa mbɔ̀ a mbì Mbɔ̧ɔ̧mà à? Wu màndzəa abua yɨ̧, kò màndzəa abua Mbɔ̧ɔ̧mà à?

ÀfaꞋa 5:29

Pità bɔ̂ bɔntu̧ ko bu e bɨ̀ɨ̀lè nê, “Ba bɔ̂ ndɨ bàa ghɨ ànəa Mbɔ̧ɔ̧mà shu la. BetsiꞋa bà ka sa àyea tò, ngɨ̀ wuê àyea wɔ̀bȩ̂.

1 Kɔlìn 3:19

Nkàà nê, àghɨa bòt ngɔ̀ŋ àa ntɔ nê wu èyì la, Mbɔ̧ɔ̧mà nàà nɨa nê wu àghɨ̧̀ɨ̧̀nè. Àkata Mbɔ̧ɔ̧mà a laꞋnê, “Mbɔ̧ɔ̧mà nàà nɨa bèyuŋ bòt èyì nɨa ntà̧aã awɔb.”

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

Ebùlù 8:5

ÀfàꞋ yu bèntsìà mèpɨ̧̀ Mbɔ̧ɔ̧mà ba àa ngɨ̀à la, wu àfəa àghɨa à wu a ègwet la. Àa mbɨ̀Ꞌɨ̀ a li ngu ane Musì la. È li ngu àfɨꞋa tàa nkɨ e ghɨ̀ àdziꞋa ntsèm yu a èbem lob Mbɔ̧ɔ̧mà la, Mbɔ̧ɔ̧mà səèŋkè àtû̧ atò nê, “Ye nê, à ghɨ̌ àghɨ àgème wuê mbɨ̀Ꞌɨ̀ e ndi nyɨ̀Ꞌte awê a ègwet èbȩ la.”