Matìù 2:11 - Mundani

¹¹ Ale, bɔ nyi a lob ndzè waã wu bɔ̂ nyɨ̌ vi Màlià, ŋɔ̀Ꞌne a si, ngùꞋtè atò, mbɔ̂ ngàꞋte bambě bɔb ntsì a goêl, bɔ̂ èwuu èlȩê ko e bɔ àghaa ntsɔ̧̀ la, nè èghɨbə ko bɔ̀ɔ ntɔ nê məə la ŋǎ abua tò.

Matìù 2:11 ပူးပေါင်းရင်းမြစ်များ

Matìù 1:18

Eyaa wu ndɨ bɔ li mbi a Yesò Klistò la. Nyɨ̌ tò Màlià lè wu èleè Jòsêb, me laꞋ nê yeà nkɨ̀Ꞌa a lob tò bɔ tùꞋ nê tà tɨ̧ɨ̧ èbêm tè ndɔ̀Ꞌ. Me bɔ èbêm lu ale, è ghɨ̀à Fo Kèfə.

Matìù 12:46

MbɨꞋɨ Yesò bèla ndàꞋà bɔ̂ bòt bu la, nyɨ̌ tò bɔ̂ bɔnyɨ tò e kɨꞋɨ ntɨ̧ɨ̧ àbȩ me kɨa e mù bɔ̂ tò ba.

Matìù 14:33

bòt bu a èbem ànkànuꞋ yu la e wùꞋte atò me shu nê, “Ane nkûŋ, à wu Waã Mbɔ̧ɔ̧mà.”

Matìù 2:2

Bɔ kɨꞋɨ ale, me biite nê, “Waã wu bɔ bi, tàa wu Fɔ̧̀ Bèjuê la nàa wa à? Baa ye kěnto̧ tò àbâ yu nyèm nàa sàꞋa la ka nkɨ̀Ꞌɨ̂ ewùꞋte atò.”

Lûk 2:16

Ale, bɔ temnè ngà kwàla ndze a Màlià bɔ̂ Jòsêb mè ndze waã wu tà nɔ̀ŋkè a èbem èpfəêꞋ lu la.

Lûk 2:38

Mbɨ̀Ꞌɨ̀ Màlià bɔ̂ Jòsêb e nɨ waã mbɔŋ nkɨ̀Ꞌɨ̂ la, tà kɨ̀Ꞌɨ̂ a ngèt tò ŋa mènkɔ̀ŋke abua Mbɔ̧ɔ̧mà, mè ndàꞋ ane èlen waã mbɔŋ abua bòt bu bàgème bɔ wua nchɨ̀Ꞌà nê, Mbɔ̧ɔ̧mà naa li etsǐ bòt Jèlusalèm a èbem ngoꞋ tɔb la.

Jɔ̌n 19:39

Nìkòdemòs wu tà li ngà ètsəꞋ ndzea Yesò la li ngà bɔ̂ Jòsêb mɨ̧̂. Me ghǎ mbèà èghɨbə ko bɔ ghɨ ane tèfəꞋte məə bɔ̂ alɔ̀s la. Èghɨbə mbɔŋ li ngu mbɔ̀ŋè bèkilò èghem yetat ntsɔ̀b batat.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 5:8

Mbɨ̀Ꞌɨ̀ tà ghà tê nɨ àkatè yu la, èghɨ bu bekwì è wu yu̧ la, nè bɔɔjuŋ bu èghem yebe ntsɔ̀b bakwì la, bɔ bɔ̀tè a si a mbì Wanjɨ̀ wu. Wòt ègème ane yɔb bèà àkalàku, nè èpfəèꞋ ko bɔ ghɨ̀ ane goêl la. Mèwet ko li ngu a èbem èpfəèꞋ lu nàa nəꞋa mbɔ̀, è wu àtsaꞋta bòt Mbɔ̧ɔ̧mà la.