Matìù 18:7 - Mundani

⁷ “Aa bɨɨ àbâ bòt ngɔ̀ŋ yaa. Èghɨ e taꞋa wu àa ngɨ̀à bòt e tsìà mèntɨ̧ɨ̧ mɔb ane Mbɔ̧ɔ̧mà la. A bɔ ndɨ àa wu ale la, ka ngoꞋ wu ye wòt wu tàa ngɨ̀à bòt e tsìà mèntɨ̧ɨ̧ mɔb a èlɨ mbɔŋ la.

Matìù 18:7 ပူးပေါင်းရင်းမြစ်များ

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Ntu̧ Ntsɔ̧̀ MAK 13:7

Naa wu àfɨꞋa bɨ zə nê mèbet dzəâ a ngèt yɨ̧, mè ndzəa èlaꞋ a ko la, mèntɨ̧ɨ̧ mɨ̧ ka mbènte. Èghɨ mbɔŋ e bɔ ndɨ àa bɨ̌ ghɨ la. Ka è ka wua nyɨ̀Ꞌta nê àfɨꞋa ngɔ̀ŋ nàa lìà la a kùꞋ.

Lûk 17:1

Yesò ghɨ̀ ale, è shu abua bɔkatè bi nê, “Èghɨ àa ngɨ̀à bòt e ghɨa kàbɔ̀ŋ la e bɔ ndɨ àa kɨꞋɨ la. Ka aa li bɨɨ àbâ wòt wu tà ghaꞋa èlu̧ ka e kɨꞋɨ la.

Jɔ̌n 17:12

Mâ nɨ mètàŋ mu à ŋa abua am la mbààbe awɔb ane àfɨ̀Ꞌ yu maa wu ba tò ba la. Maa bà̧à̧ wɔb ntsɔ̧̀ tè wòt ane yɔb ka nyɔ̂, tè è bəa wòt wu tà bɔ ndɨ tàa nyɔ la, mbɨ̀Ꞌɨ̀ e ghɨ̌ ànəa bɔ shɨ a èbem Àkata Mbɔ̧ɔ̧mà la aa te.

ÀfaꞋa 1:16

“Bɔnyɨ bɔ̧, èngǎ̧ Mbɔ̧ɔ̧mà wu Fo Kèfə li ngɨ̀ Fɔ̧̀ Dàbid làꞋà ane ànəa Judàs la, e li mbɔ̌ ndɨ àa wu nkûŋ la. Fɔ̧̀ Dàbid li shu ndɨ Judàs wu wòt tàa li tɨ̧ɨ̧ a mbì e ghɨ̌ ka bɔɔ baãaã a Yesò la.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

1 Tɔ̀màtià 6:1

È me wu bòt bu bɔ wu èbùꞋ la, bɔ bɔ ndɨ bɔ̀ɔ me nèèta ndzəèa bòt bu bɔ bɔ awɔb la, mbɨ̀Ꞌɨ̀ wòt kǒ làꞋà kàbɔ̀ŋ ane èlen Mbɔ̧ɔ̧mà nè mènəè tò mu bàa nyɨ̀Ꞌta la.

Tȩtɔ̀s 2:5

Bɔ̀ nyɨꞋte bèzi techɨɨle baa ndɨ̀ bɔ̀ɔ me koa mbà̧aã mèntɨ̧ɨ̧ mɔb ka ngɨ̀à mènəè la, mbààba ènyit yɔb, nko ndɨ bɔ̀ɔ me mbà̧aã lob tɔb ntsɔ̧̀, ngɨa ntsɔ̧̀ abua bòt, mè ndzəa bèlu̧ bɔb la. Bɔ̀ me ghɨ̀ anè mbɨ̀Ꞌɨ̀ wòt kǒ làꞋa kàbɔ̀ŋ adù̧ èngǎ̧ Mbɔ̧ɔ̧mà.

Tȩtɔ̀s 2:8

LàꞋà wuê mèngǎ̧ ntsɔ̧̀ ane ndɨ betsiꞋa wòt kà koê ndaꞋa kàbɔ̀ŋ adù̧ la, mbɨ̀Ꞌɨ̀ ètsə bɔmbù̧ bê aa kɔꞋɔ ndɨ̀ wu bɔ̀ baka ye ànəa kàbɔ̀ŋ elàꞋa adù̧ ya la.

Jûd 1:4

E shɨa ale nkàà nê, bòt ko bɔ tu̧u̧ a Mbɔ̧ɔ̧mà la e yɨ̧ɨ̧tè nyi a kètsìà wɨ̧. Bɔɔ ngèbla èngǎ̧ tò wu àa nyɨ̀Ꞌta èkɔŋ tò la, mbɨ̀Ꞌɨ̀ ebɔ èlu̧ e me ghɨ̌ èbɨꞋte ènəê, mè ntù̧a Yesò Klistò Lefɨ̀Ꞌ wu tà wu Tǎt wa mè ngu ndàꞋ wòt ba bɔ ndɨ bàa me zə atò la. Mbɔ̧ɔ̧mà li ndzaŋe saꞋa ànəa bòt baa, tè nê aa li ebɨɨ abà yɔb.