24 ÀfɨꞋa tà buêꞋ me kwàꞋtè la, bɔ nɨ wekǒ èkab tò aa bua ŋut kwàꞋ ànyaꞋne la nɨŋ nkɨ̀Ꞌɨ̂ a mbì tò.
“È wu ale, betsiꞋa bɔ fɨ̀Ꞌnè a kèfɔ̧̀ Mbɔ̧ɔ̧mà ane ànəa fɔ̧̀ kǒ tà li ngua kɨ ekwàꞋtè èkatè ekabe bòt ètsə fàꞋ bi la.
Mbɨ̀Ꞌɨ̀ tà kɨꞋɨ tà kà bɔ èkab wu evəâ la, fɔ̧̀ wu nê bɔ baãaã tò bɔ̂ vi tò nè bɔ̧ tò fɨ̧̀ɨ̧̀nè ane èbùꞋ, fɔ̀ɔ̀le nè èghɨ ègème tà bɔ la mbɨ̀Ꞌɨ̀ ètsə njû yu.
Tà li ŋà bètɔsì batà̧â̧ abua wekǒ, ŋà bètɔsì babe abua wekǒ, mè ŋà tɔsì wemɔ̀Ꞌ abua wekǒ, mbɔ̂ ŋa ndɨ mètàŋ wòt ègème ane yɔb nyɨꞋte la. Mbɔ̂ ndzəè ngà à lèghȩ̀ȩ̀nè wu.
WafàꞋ wu bɔ yaã ŋà bètɔsì batà̧â̧ abua tò la, ghà ndzì ane èwen, bètɔsì batà̧â̧ e mè nyî a ègwet.
WafàꞋ wu bɔ yaã ŋǎ tò bètɔsì batà̧â̧ la kɨꞋɨ nè beko batà̧â̧ be kwèꞋne a ègwet la nê, ‘Tê, à li ŋà bètɔsì batà̧â̧ abua am, mâ ta èwen tè beko batà̧â̧ be nyi a ègwet.’
“È wu bɔ yaã ŋǎ atò bètɔsì babe la kɨꞋɨ nê ‘Tê, à li ŋà bètɔsì babe abua am, mâ ta èwen tè beko babe be nyi a ègwet.’
“È wu bɔ yaã ŋǎ tò tɔsì wemɔ̀Ꞌ la kɨꞋɨ̀ nê ‘Tê, mâ ko nê àbu àyê a kweelè nge, à mè me fùꞋu àdziꞋa kà liꞋ, mè nɨa àdziꞋa kà nɔ̀ŋè.
Kò bɨa laꞋnê ghǎ ane ànəa bòt bu èghem ntsɔ̀b bafà̧aã a Silòàm, lob li nkwen a ègwet lɔb bɔ pfəꞋtè la à? Bɨ mɨɨtè nê bɔ li ngɨa kàbɔ̀ŋ tè ntsè bòt bàgème a Jèlusalèm?
“Tà ghɨ̀ ale, ntɔ bòt njûte tǎt àfàꞋ vi wemɔ̀Ꞌ wemɔ̀Ꞌ, mbììte wòt mbì nê, ‘Njû tǎt àfàꞋ am abua yè wu ghà à?’
“Tà mè ntɔ wekǒ nê, ‘Njû yè wu ghà à?’ “Ŋut wu nê, ‘Mâ bɔ atò bakaŋ ntsəè tɔsì’. “Wòt àtsəa àfaꞋ wu mè shu abua tò nê, ‘Nɨ àkata njû yu, shɨ bakaŋ ntsəè ènkɨ̀ yefà̧aã’.