Matìù 18:10 - Mundani

¹⁰ “Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 18:10 ပူးပေါင်းရင်းမြစ်များ

Matìù 1:20

Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

Matìù 12:20

Tàa ngɨ̀ tà ye keshùŋ ke bəꞋa la, tà kà paa loo. Tà ye èkaꞋà àa ndèmta la, tà kà paa eliime. Taa me ghɨ̀ wu ale, tè bòt e ghɨ̀ bɨ̧ɨ̧ne àghɨa Mbɔ̧ɔ̧mà saꞋ nê aa wu la.

Matìù 18:14

Ale, wu wuê a èlɨ mbɔŋ Tǎt am wu a ègwet la nàa ka kɨ nê, waã kǒ ane ebe techɨɨle bàa nyɔ la.

Matìù 18:6

Ka wòt tà ghɨ̂ watèchɨɨle kǒ ane baa waꞋa ntɨ̀ yu tà bɔ ane yaã la, a bɔ̂ŋ nê bɔ̀ sèlè taꞋà èti àmî atò maꞋa tò tea èbem *èdzî.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

Matìù 2:19

ÀfɨꞋa Elɔ̀d li mpfə la, wantu̧ Mbɔ̧ɔ̧mà kɨ̀Ꞌɨ̂ a ndzò̧ abua Jòsêb mbɨ̀Ꞌɨ̀ tà bele a Ejìb la shu abua tò nê,

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Lûk 1:19

Wantu̧ Mbɔ̧ɔ̧mà wu nê, “E ngu Ngableyà wu tàa ntɨ̧̀ɨ̧̀ a mbì Mbɔ̧ɔ̧mà la. Wu tòà zìambɔŋ ka tà tu̧u̧ am nê è nkɨꞋɨ ndàꞋà abua yê mè shù awê Ntu̧ Ntsɔ̧̀ yaa la.

Lûk 10:16

Yesò shu abua bɔkatè bi nê, “Wòt me zə awɨ̧, tà wua ndzəa am, we tà teme kwèn zi ŋǎ abua yɨ̧ la, wua ntèma kwèn zi ŋǎ abua am, wòt tà teme kwèn zi ŋǎ abua am la, wua ntèma kwèn zi ŋǎ abua wòt wu tà tsàà am la.”

Lûk 16:22

“Àfɨ̀Ꞌ a me wu, wòt ntseb wu pfə, bɔntu̧ Mbɔ̧ɔ̧mà e kɨꞋɨ̀ ŋèꞋe atò nɨŋ ngà a ngèt Abàlàghâm. Wòt èkab wu tseke tè mpfəè àzi mɨ̧̂, bɔ tu atò.

ÀfaꞋa 10:3

È me wu ane nyèm tetat ane àlia ko tà yè àtsə, mbê ndâ me ye wantu̧ Mbɔ̧ɔ̧mà kǒ nyi a lob, shu abua tò nê “Kɔ̀nelìà!”

ÀfaꞋa 12:15

Bɔ shu abua tò nê “À be”, ka tà me shu wuê shu nê wu nkûŋ. Ale, bɔ tsiꞋi bɨ̀ɨ̀le nê, “Naa wu wantu̧ Mbɔ̧ɔ̧mà tò.”

ÀfaꞋa 12:23

KwàꞋ àfɨꞋa mbɔŋ, wantu̧ Mbɔ̧ɔ̧mà kǒ ghɨ̀ àghɔ̧ a baãaã atò nkàà nê, tòà zìambɔŋ è nɨ mèngùꞋte è wu ghà ne abua Mbɔ̧ɔ̧mà la. Bèwâm be kwele atò tè tà pfə.

ÀfaꞋa 27:23

Aa wu ale nkàà nê, nàà wu ètsəꞋ Mbɔ̧ɔ̧mà wu è ngu waã tò mè me wùꞋte atò la, tsàà wantu̧ vi tà kɨ̀Ꞌɨ̂ èshu abua am nê,

ÀfaꞋa 5:19

ÈtsəꞋ ngaa wantu̧ kǒ Mbɔ̧ɔ̧mà tsàà la kɨ̀Ꞌɨ̂ ntsɔ̀Ꞌɔ ètsələèꞋ lob tèfȩ yu, ngɨ̀ bɔntu̧ bu e dzəè nga àbȩ. Mbɔ̂ shu abua yɔb nê,

Lûm 14:10

À ghɨ̀ na ka me tsǐ mpəəte wanyɨ wè à? À ghɨ̀ na mè me waa wanyɨ wè à? À ka ngɨ̀ ale ndɨ̀ wu bàagème àa li tɨ̧ɨ̧ a mbì èsaꞋa Mbɔ̧ɔ̧mà la.

Lûm 14:21

Wu ànəa ntsɔ̧̀ e tseke ka kwele nyà̧, kò nu mèlùꞋ, kò àghɨa ko tsa leꞋ, àa ghɨ̌ wanyɨ wè naa kwene la.

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

1 Kɔlìn 11:22

Eyaa wu kǎ èwuu ànəê à? Bɨ bakà bɔ lobtsə me jɨa nua a èbèm? Bɨ ghɨ̀ na me waa chɔsì Mbɔ̧ɔ̧mà tè ntsìꞋa ngɨ̀à bòt kà bɔ ayɔb e bɔ àtsəa kɔꞋɔ à? È ngu ane shu abua yɨ̧ nê ghà à? Tè betsiꞋa e ngùꞋtè àwɨ̧ ane àghɨ yaa bɨ ghɨ̀ la à? ChaꞋ, è nka ghɨ̀ ale a.

1 Kɔlìn 16:11

Ale, wòt ka ngwàa tò, ka bɨ̀ tɨŋe atò ntsaa tò tà ghȩ̀ȩ̀ne ane àlàŋkè, mè nkɨ̀Ꞌɨ̂ abua am nkàà nê, maà nchɨꞋa tò bɔ̂ bɔnyɨ ba ko bu.

1 Kɔlìn 9:22

Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

2 Kɔlìn 10:1

Mmɔ̌ Pɔ̂l, mâ shu̧u̧te awɨ̧ ane èlen Yesò Klistò wu tà wu mbɔɔlà wòt, mè me yu ane mènəè mi la. Wu mmɔ̌ wu bòt àa shua nê màa ngɨ̀ è ngu ba nɨ̧̀ ba, èngǎ̧ am e me yu, ka è ngu a endɨ̌ è me shɨ àkatè abua yɨ̧ e me shɨ ne nkȩ la.

2 Kɔlìn 10:10

Bɔɔ shua nê, màa ngɨ̀ è me shɨ letà am, e me tsoote a èbèm mè ngɨ̀ a bɔ nkȩ, ka è ngu ba nɨ̧̀ ba e me yu, mèngǎ̧ mɔ̧ ka wua nkwèèla.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

1 Tèsàlonikà 4:8

È wu ale, wòt tù̧a èngà̧ waa ba nyɨꞋtà la, tà ko nê ye tu̧a Mbɔ̧ɔ̧mà wu tà ŋa Fo Kèfə abua yɨ̧ la, tà kà ntu̧a wɔ̀bȩ̂.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

Ebùlù 9:24

Yesò Klistò li tà kà nyi àtsəalob ntsèm a Mbɔ̧ɔ̧mà yu wɔ̀bȩ̂ è ghɨ̂, a fəə ngule a yu a ègwet la. Tà li nkɔꞋ ngà a ègwet, àdziꞋa tà wu a mbì Mbɔ̧ɔ̧mà àfɨ̀Ꞌ yaa ambo ya la.

Ètsə 8:2

AfɨꞋa mbɔŋ e ndze bɔntu̧ Mbɔ̧ɔ̧mà bu basà̧à̧mbe bèa ntɨ̧̀ɨ̧̀ta a mbì tò la, bɔ ŋa tèsɔnkendɨk tesà̧à̧mbe abua yɔb.