Matìù 17:20 - Mundani

²⁰ Yesò bɨ̀ɨ̀lè nê, “Wu ndɨ̀ wu bɨ̀ baka zi èntɨ̧ɨ̧ wɨ̧ ane Mbɔ̧ɔ̧mà ntsɔ̧̀ la.” Ane nkûŋ, tsiꞋ è shua wɨ̧ nê, bɨ ghɨ̀ ale, mbɔ ntɨ̀, ka è màa nkoa ngu wuê mbɨ̀Ꞌɨ̀ èsaãaãme maŋkaŋa, ko betsiꞋa bɨ shu abua èbȩ làa nê, “LɔꞋɔ adzìꞋ yaa nga àzia, e ghà. Àghɨa ko à ka meè ngu tsè àwɨ̧.”

Matìù 17:20 ပူးပေါင်းရင်းမြစ်များ

Matìù 13:31

Yesò li mè ntème èngà̧ ko abua yɔb nê, “Kèfɔ̧̀ Mbɔ̧ɔ̧mà wu mbɨ̀Ꞌɨ̀ èsaãaãme èwuu maŋkaŋa kǒ wòt kǒ sǎ a mbȩ zi la.

Matìù 14:29

Yesò shu abua tò nê, “KɨꞋɨ.” Ale, Pità dzə a èbem ànkànuꞋ yu mbùꞋ me ghȩ̀ȩ̀ne a ègwet mèleb mu eghǎ kwene ane tò.

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 17:19

Bɔkatè Yesò e kɨꞋɨ̀ mbììte atò a ntsèm nê, “Ghǎ a yaãaã ngɨ̀ ka bà ka ko fəè fo kàbɔ̀ŋ yu à?”

Matìù 17:9

Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”

Matìù 21:21

Yesò bɨ̀ɨ̀lè nê “Ane nkûŋ, tsiꞋ è shu awɨ̧ nê bɨ zìà èntɨ̧ɨ̧ wɨ̧ ane Mbɔ̧ɔ̧mà tè mbakà wua màkà, ko betsiꞋa bɨ ghɨ̀ àghɨa mâ ghɨ ane àyɨt a fik yaa la. È ntsě wuê ndàꞋà yùà, bɨ màà shu wuê abua èbȩ la nê ‘ŊeꞋe awê ndebe a èbem *èdzî,’ ko aa ŋeꞋe avi.

Matìù 8:26

Yesò bɨ̀ɨ̀lè nê, “Bɨ̀ bɔa ghàà, bɨ ghɨ̀ na ka bɨ̀ ka zǐ èntɨ̧ɨ̧ wɨ̧ ane yaã ntsɔ̧̀ à?” Tà shu ale, ndɔ̀Ꞌ a si ŋȩ̂ àfeme yu bɔ̂ mèleb, èdziꞋ e fi bɔ̀ɔl.

Ntu̧ Ntsɔ̧̀ MAK 11:22

Yesò bɨ̀ɨ̀lè nê, “Bɨ̀ zi èntɨ̧ɨ̧ wɨ̧ ane Mbɔ̧ɔ̧mà.

Ntu̧ Ntsɔ̧̀ MAK 11:23

Ane nkûŋ, mâ shu awɨ̧ nê wòt shu abua èbȩ la nê, ‘Kȩ ngà nkwene a èbem *èdzî’, mbɔ̂ ntɨ̀ nê ànəa ye shua la aa wu ale, mbakà màkè, ko Mbɔ̧ɔ̧mà naa ghɨ̌ abua tò.

Ntu̧ Ntsɔ̧̀ MAK 4:31

Nàà mbɨ̀Ꞌɨ̀ èsaãaãme èwuu maŋkaŋa kǒ, bɔ̀ɔ ngɨ̀à bɔ̀ me sǎ a mbȩ, e koote tè ntsè èsaãaãme ègème àa sitsǎꞋ la.

Ntu̧ Ntsɔ̧̀ MAK 9:23

Yesò bɨ̀ɨ̀lè nê, “À wu bɨ̧ɨ̧ne! Ko àghɨa ko à ntsě àa tsě wòt tà zǐ èntɨ̧ɨ̧ vi ane Mbɔ̧ɔ̧mà la.”

Lûk 1:37

Ale, àghɨa ko a ntsě betsiꞋa Mbɔ̧ɔ̧mà kà ko ngɨ̀ la.”

Lûk 17:6

Yesò bɨ̀ɨ̀lè nê, “Bɨ bɔ ntɨ̀ mbɨ̀Ꞌɨ̀ èsaãaãme maŋkaŋa kǒ e taꞋa wua nkòòta la, ko betsiꞋa bɨ shu abua àyɨt yaa nê, ‘ŊeꞋe awê nè tèghàŋ adzìꞋ yaa ngà ntsèmè a èbem *èdzî’, ko àyɨt a ngaa aa ghɨ̌ mbɨ̀Ꞌɨ̀ bɨ shu la.”

Lûk 18:27

Yesò bɨ̀ɨ̀lè èngǎ̧ wɔb nê, “Aà nkwèèla abua bɔbȩ, ka è wu ne Mbɔ̧ɔ̧mà, ko àghɨa àgème aà njùa.”

Jɔ̌n 11:40

Yesò shu abua tò nê, “Mâ yaã è nka shu abua yê nê, à zìà èntɨ̧ɨ̧ wê ane Mbɔ̧ɔ̧mà ko àa ye mètàŋ tò?”

1 Kɔlìn 12:9

Fo yu mè ngɨ̀ wekǒ lâ mbɨ̧̀ɨ̧̀ne a Mbɔ̧ɔ̧mà ntsɔ̧̀, mè ngɨ̀ wekǒ nè wòt bɔ mètàŋ a màmbəa èghɔ̧.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

Ebùlù 3:19

Ale, ba ye nê bɔ li bɔ̀ ka nyi a èbem àdziꞋa mbɔŋ nkàà nê bɔ li bɔ̀ ka bɨ̧ɨ̧ne ànəa Mbɔ̧ɔ̧mà shu la.