Matìù 17:2 - Mundani

² Bɔ me ye, èsi Yesò e kubtè ntsìꞋa nkàꞋtà kàꞋte mbɨ̀Ꞌɨ̀ àtaãnyèm, ndìte tò te mè ntsìꞋa fəèəèta fəəte mbɨ̀Ꞌɨ̀ àtaã èŋu.

Matìù 17:2 ပူးပေါင်းရင်းမြစ်များ

Matìù 17:1

Èlibȩ è tsè bentùa, Yesò nɨa Pità nè Jimsì bɔ̂ wanyɨ vi Jɔ̌n bɔ kɔꞋ nga a ègwet èbȩ èseè ko ntsèke bɔ̀ɔ ndziꞋne.

Matìù 17:3

KwàꞋ àfɨꞋa mbɔŋ bɔ me ye Musì bɔ̂ Èlȩjà, e puule a mbì lɔb, me làꞋà bɔ̂ Yesò ba.

Matìù 28:3

Tà li ngua nkàꞋtà mbɨ̀Ꞌɨ̀ nyèm, ndìte tò te mè me fəə mbɨꞋɨ̀ èŋu.

Ntu̧ Ntsɔ̧̀ MAK 9:3

ndìte tò te tsiꞋa fəèa nyɨ̀ɨ̀mnà nyɨ̀ɨ̀mne. Mbê ndâ fəèəète tè ntsè ndɨ betsiꞋa wɔ̀bȩ̂ shùù tè te wu la.

Lûk 9:29

Mbɨ̀Ꞌɨ̀ Yesò bùꞋ te me tsàꞋtè la, èsi tò e kubtè, ndìte tò te tsiꞋa fəèa mbɨ̀Ꞌɨ̀ èŋu.

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 17:24

“Lefɨ̀Ꞌ, maà nkɨà nê, bòt baa à ŋa abua am la, è li nkɨ̀Ꞌɨ̂ adzìꞋ yaa e nga la, mbɨ̀Ꞌɨ̀ eye ènɨ̧ am, è wu ènɨ̧ wu à li ŋa abua am, nkàà nê à li nkɔ̀ŋkè am, ka ngɔ̀ŋ naa li ebùꞋu la.

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Ètsə 10:1

E mè ndze wantu̧ Mbɔ̧ɔ̧mà kǒ tà taꞋa bɔ mètàŋ la nchua ègwet. MbàꞋ è kàba atò mbɨ̀Ꞌɨ̀ ndǐ, nàmbəabaŋ la èghààle àtsəa tò. Èsi tò e me kàꞋtè mbɨ̀Ꞌɨ̀ àntaãnyèm, èka tò e mè nɔ̀ŋkè mbɨ̀Ꞌɨ̀ àlo̧a èwet nkɔ̀Ꞌa la.

Ètsə 20:11

ÀfɨꞋa mbɔŋ e ndze taꞋa àtɨ̧a kèfə. Wòt kǒ wu a ègwet tà tseke la. SitsǎꞋ bɔ̂ ègwet e nyɔ̂ a mbì ŋut tè bɔ̀ ka tsi ndze.