Matìù 17:17 - Mundani

¹⁷ Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 17:17 ပူးပေါင်းရင်းမြစ်များ

Matìù 13:58

Tà li tà kà ghɨ ènəê kà ye fɨ̀Ꞌ abot nyaŋ ndɨ̀ wu bɔ li bɔ̀ ka zi èntɨ̧ɨ̧ wɔb ane tò la.

Matìù 16:8

Yesò è ko ànəa bɔ làꞋà la, tà bììte awɔb nê, “Bɨ̀a bòt kà zi èntɨ̧ɨ̧ wɨ̧ ane yaã ntsɔ̧̀, bɨ ghɨ̀ na ka me làꞋa kètsìà wɨ̧ shua nê bɨ bakà bɔ bled à?

Matìù 17:16

Mâ yaã nɨa tò nga abua bɔkatè bê, ka bɔ̀ ka ko mbəa tò.”

Matìù 17:18

Yesò ŋȩ̂ fo kàbɔ̀ŋ yu, è dzəè, tà bê ntɨ̧̌ kwàꞋ àfɨꞋa mbɔŋ mpem.

Matìù 6:30

Tè Mbɔ̧ɔ̧mà wu ewèè mèfəèꞋ mu a èbemebàꞋ la anè, e mu àa ngɨ̀ à ye laane wàa, ètsəꞋ e me tsi bɔ to̧ maꞋa èwet la, è me wu awɨ̧ tà kà ghɨ̂ ale tè ntsě? Bɨ wu kwàꞋ bòt àlȩ̀ȩ̀tè a màndzia mèntɨ̧ɨ̧ mɨ̧ ane Mbɔ̧ɔ̧mà.

Matìù 8:26

Yesò bɨ̀ɨ̀lè nê, “Bɨ̀ bɔa ghàà, bɨ ghɨ̀ na ka bɨ̀ ka zǐ èntɨ̧ɨ̧ wɨ̧ ane yaã ntsɔ̧̀ à?” Tà shu ale, ndɔ̀Ꞌ a si ŋȩ̂ àfeme yu bɔ̂ mèleb, èdziꞋ e fi bɔ̀ɔl.

Ntu̧ Ntsɔ̧̀ MAK 16:14

A li ngà me lìa, Yesò puula a mbì bɔkatè bi bu bɔ̀ le tsiꞋi èghem ntsɔ̀b wemɔ̀Ꞌ la àfɨꞋa bɔ̀ le wua njɨ̀a èghɨjɨ la. Tà li ŋȩ̀te awɔb ndɨ̀ wu bɔ li bɔ̀ ka wua mbɨ̧̀ɨ̧̀na nê betsiꞋa tà yu̧u̧mè la, mè nè ndɨ̀ bɔ li bɔ̀ kà bɨ̧ɨ̧nè ànəa bòt bu bɔ li ndzèa atò àfɨꞋa tà yu̧u̧me la.

Ntu̧ Ntsɔ̧̀ MAK 9:19

Yesò bɨ̀ɨ̀lè nê, “Bɨ̀a waa bɨ wu àndǎ̧ kà koa Mbɔ̧ɔ̧mà. Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ nɨ waã mbɔŋ nkɨ̀Ꞌɨ̂ àdzìꞋ yaa ŋǎ abua am!”

Lûk 24:25

ÀfɨꞋa mbɔŋ Yesò shuê abua yɔb nê, “Ye bòt èyì tentem ko, bɨ taꞋa wua nkua èlɔŋ a màmbɨ̧ɨ̧na mènəè bèndàꞋàtɔŋ Mbɔ̧ɔ̧mà e li shuê la.

Lûk 9:41

Yesò bɨ̀ɨ̀lè nê “Bɨ̀a waa bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Ale, tà shu abua wòt wu nê, Nɨ waã wè nɨŋ nkɨ̀Ꞌɨ̂ adzìꞋ yaa!”

Jɔ̌n 20:27

Tà làꞋ ale mbɔ̂ shu abua Tɔmasì nê, “Zì kèti fê a si ŋàa mbɔ̂ ndȩ̀ èbu bɔ̧ ndze, mè ntsàà àbu ayê mbà̧à̧te àbâ mbɨ̧̀ am. Bɨ̧ɨ̧ne, à ka tsi màkè.”

ÀfaꞋa 13:18

bɔ me ghɨ̀ mènəè kà kuêꞋ, ka tà bɔ̂ nkùùle èntɨ̧ɨ̧ vi ntsèke bɔ̂ tò ba ane èngùꞋ èghem yekwì àbâ àlaꞋ àyuube.

ÀfaꞋa 2:40

Pità làꞋà mènəè nyaŋ nɨŋ shù̧ù̧te awɔb, mè səèŋkè ètû̧ bɔb nê, bɔ̀ kubte ane mènəè kàbɔ̀ŋ mɔb mbɨ̀Ꞌɨ̀ ngoꞋ yaa nga ekwene a ègwet bòt kàbɔ̀ŋ la, è kwene a ègwet lɔb mɨ̧̂.

2 Kɔlìn 11:1

Mâ shu̧u̧te awɨ̧ nê bɨ̀ nyaꞋa njùte èngǎ̧ am, ka e màà ndzì àdziꞋa àkèghɨ̧̀ adù̧. Bɨ̀ kuule mèntɨ̧ɨ̧ mɨ̧ njùte!