Matìù 16:28 - Mundani

²⁸ Ane nkûŋ, tsiꞋ è shu awɨ̧ nê bòt ko aa adzìꞋ yaa betsiꞋa èvə è ka nɨ awɔb kà bɔ ye Waã Wòt nkɨ̀Ꞌa nè Kèfɔ̧̀ Mbɔ̧ɔ̧mà la.”

Matìù 16:28 ပူးပေါင်းရင်းမြစ်များ

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

Matìù 16:13

ÀfɨꞋa Yesò li nga a Sìsalìà Filìpȩ la, tà bììte bɔkatè bi nê “Bòt àa shua nê Waã Wòt wu wà à?”

Matìù 24:3

Mbɨ̀Ꞌɨ̀ Yesò tseke a ègwet èbȩ Olìf la, bɔkatè tò e kɨꞋɨ shu abua tò a ntsèm nê, “Shu awa àfɨꞋa mènəè maa ègème nàa li ghɨ̀ la, mè nè àghɨa àa nyɨ̀Ꞌtâ nê à bèle yàŋe ekɨꞋɨ, ngɔ̀ŋ mè ngu lìà la.”

Matìù 24:34

Ane nkûŋ, tsiꞋ è shua wɨ̧ nê, bòt ngɔ̀ŋ àfɨ̀Ꞌ yaa aa me laꞋ nê bɔɔ ndèma, èghɨ bàagème e ghɨ̌.

Matìù 24:42

“È wu ale, bɨ̀ ghaꞋte àghɨ ayɨ̧ ntsɔ̧̀ nkàà nê, bɨ bakà ko àlia tǎt wɨ̧ nàa kɨꞋɨ la.

Matìù 26:64

Yesò bɨ̀ɨ̀lè nê, “Wuê mbɨ̀Ꞌɨ̀ à shu la, ka tsiꞋ è shua wɨ̧ bɨ̀agème nê, ebuꞋu àfɨ̀Ꞌ yaa me ghà ne mbì, bɨa ye Waã Wòt, tà tseke àbâ àbualu̧ a Mbɔ̧ɔ̧mà Àtsèàngɔ̀ŋ la, e mě ye atò nchua a ègwet a èbem mbàꞋ la!”

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Ntu̧ Ntsɔ̧̀ MAK 13:26

“ÀfɨꞋa mbɔŋ, ko Waã Wòt naa dzə a èbem mbàꞋ a ègwet, nè mètàŋ bɔ̂ mèngùꞋte ènɨ̧ Mbɔ̧ɔ̧mà.

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Ntu̧ Ntsɔ̧̀ MAK 9:1

Yesò li mè shu abua bɔkatè bi nê, “Ane nkûŋ, bòt aà àdzìꞋ yaa, betsiꞋa bɔ̀ ka pfə kà ye ndɨ kèfɔ̧̀ Mbɔ̧ɔ̧mà è kɨ̀Ꞌa nè mètàŋ la.”

Lûk 18:8

TsiꞋ è shu awɨ̧ nê, ko taa nàŋe mènəè mɔb naa tɨ̧ɨ̧ ndɨŋndɨ̀ŋ kwàla kwàla. Ka la, tè Waã Wòt naa li me kɨꞋɨ àfɨꞋa tà kɨꞋa la, te mèe ye bòt bɔ zi mèntɨ̧ɨ̧ mɔb ane tò a sitsǎꞋ ŋàa la à?

Lûk 2:26

Fo Kèfə li nkàꞋ atò nê, tàa li ye wòt wu Mbɔ̧ɔ̧mà li ndzɔꞋ etsàà a sitsǎꞋ la, ka pfə.

Lûk 9:27

Yesò shu abua bɔkatè bi nê, ‘Ane nkûŋ, bòt aà və adzìꞋ yaa, betsiꞋa èvə è ka baãaãtè awɔb kà bɔ ye Kèfɔ̧̀ Mbɔ̧ɔ̧mà la.’ ”

Jɔ̌n 21:22

Yesò bɨ̀ɨ̀lè nê, “E nkɔ̀ŋkè nê, tà tseke yû̧ tè e ndi nkɨ̀Ꞌɨ̂, àyê adù̧ wu ghà à? Kùŋè am.”

Jɔ̌n 8:51

KwàꞋ ane nkûŋ tsiꞋ è shua wɨ̧ nê, wòt tàa ndzəa èngǎ̧ am ngɨ̀à mbɨ̀Ꞌɨ̀ e shu la ka li epfə a.”

Jɔ̌n 8:52

Bèjuê bu e shu abua tò nê, “Ba lâ nko àfɨ̀Ꞌ yaa nê, à bɔ fo kàbɔ̀ŋ ane yê. Abàlàghâm li mpfə, bèndàꞋàtɔŋ Mbɔ̧ɔ̧mà e pfəꞋtè àyɔb mɨ̧̂, ka à bɔ̂ me shu nê, wòt tàa ngɨ̀à àghɨa à shu la ka li epfə a.

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

1 Kɔlìn 15:23

Mbɔ̧ɔ̧mà bɔ̂ ngu ghɨ waa waa naa yu̧u̧me ane vi ne akɔ̀Ꞌ. Yesò Klistò bɨɨ njù̧ù̧mê, bòt bu è wù èbe tò la e wu li yu̧u̧me mɨ̧̂ ane àli yu tàa li kɨꞋɨ la.

1 Tèsàlonikà 1:10

Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

Ebùlù 2:9

Mbɔ̂ baa ndzèa Yesò wu Mbɔ̧ɔ̧mà li shùke atò a si ane àtem àfɨ̀Ꞌ àko tè ntsè bɔntu̧ bi la. Tà bɔ ènɨ̧ àfɨ̀Ꞌ yaa bɔ mè ŋa kènuke abua tò nkàà èlɨ tà li ndze ngoꞋ mpfə la. Mbɔ̧ɔ̧mà li nkɔ̀ŋkè bòt ngɨ̀ Yesò pfə ambo waa waa.

Jimsì 5:7

Bɔnyɨ bɔ̧, bɨ̀ kuule mèntɨ̧ɨ̧ mɨ̧ tè Yesò li nkɨ̀Ꞌɨ̂. Bɨ̀ ye ndɨ wòt tàa faꞋa a mbȩ la nàa ngɨ̀ tà kùùle èntɨ̧ɨ̧ vi nchɨ̀Ꞌ tè èghɨjɨ tò e ghɨ̀ nkwèèlê nkùꞋ a màfuꞋa la. Tàa ngɨ̀ tà chɨ̀Ꞌ tè mbɨ̀ŋ mbì lu, èye kwèn mè ndi ndu.

2 Pità 1:16

Ba li me shu awɨ̧ ndɨ Yesò Klistò Lefɨ̀Ꞌ wa nàa li kɨꞋɨ ane mètàŋ mi la ale, è kà wu mènəè ba dèbè mètaã ma è kɔꞋ baa shu la, ba li ndâ nɨ̀ àghɨa ya ndze ènɨ̧ tò.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.