Matìù 16:20 - Mundani

²⁰ Yesò ghɨ̀ ale, mbɔ̂ səèŋkè ètû̧ bɔkatè bi nê bɔ̀ ka shu wòt nê ye wu Fɔ̧̀ wu Mbɔ̧ɔ̧mà yɔꞋ ntsà la.

Matìù 16:20 ပူးပေါင်းရင်းမြစ်များ

Matìù 1:16

Jàkɔ̂b wu tǎt Jòsêb lu̧ Màlià wu tà lè bia Yesò wu bɔ̀ le wua ntɔ̌ tò nê Klistò la.

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 17:9

Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”

Matìù 8:4

Yesò bɔ̂ shu abua tò nê, “Ko mbɨ̀Ꞌɨ̀ à shu wòt àghɨa a ghɨ̀ la, ka ghǎ nyɨ̀Ꞌte awê abua ntsìà mèpɨ̧̀ Mbɔ̧ɔ̧mà. À me ghǎ à nɨ èghɨ àa nɨ kɔ̀ŋke a Mbɔ̧ɔ̧mà mbɨ̀Ꞌɨ̀ Musì li shu la, enɨ ghɨ̌ waa waa naa ko nê à pem.”

Ntu̧ Ntsɔ̧̀ MAK 8:30

Yesò ghɨ̀ ale, mbɔ̂ səèŋkè ètû̧ bɔb nê wòt ka ndàꞋ ànəa zi abua wòt.

Ntu̧ Ntsɔ̧̀ MAK 9:9

Bɔ̀ lɔ̀Ꞌɔ a ègwet èbȩ lu bɔ̀ me chu, Yesò səèŋkè ètû̧ bɔb nê, “Ko mbɨ̀Ꞌɨ̀ wòt wɨ̧ shu wòt àghɨa bɨ ye la tè Waã Wòt ghɨ̀ mpfə mè njù̧ù̧me.”

Lûk 2:11

Bɔ bi waã ètsəꞋ wàa a èbem àpfəèa Fɔ̧̀ Dàbid, è wu Mpemnà wɨ̧ la. Tà wu Klistò Lefɨ̀Ꞌ.

Lûk 9:21

Yesò ghɨ̀ ale, mbɔ̂ səèŋkè ètû̧ bɔb nê bɔ̀ ka shu wòt ànəa ngaa.

Lûk 9:36

Àtɔŋ yu à buŋ, Yesò tsiꞋi zia ndziꞋne. Bɔkatè bu ye ale, mbuŋ ntsèke awɔb. Bɔ̀ ka shu wòt ànəa èghɨ bu bɔ ye la, àfɨꞋa mbɔŋ.

Jɔ̌n 1:41

Ale, tà bê ngà nkɨ wanyɨ vi Simùn shu abua tò nê, “Ba yea Klistò, Fɔ̧̀ wu Mbɔ̧ɔ̧mà li ndzɔꞋ etsàà la.”

Jɔ̌n 1:45

Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Jɔ̌n 11:27

Tà bɨ̀ɨ̀lè nê, “Oò Tè, mâ bɨ̧ɨ̧ne, nê à wu Waã Mbɔ̧ɔ̧mà, à wu Fɔ̧̀ wu tà li ndzɔꞋ etsàà la, ye wu tà bɔ ndɨ tàa kɨꞋa sitsǎꞋ la.”

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

1 Jɔ̌n 2:22

Wòt mèfà̧ nàa nè ngu wàà? Wu wòt tà laꞋnê Yesò Klistò ntsě Fɔ̧̀ wu Mbɔ̧ɔ̧mà li ndzɔꞋ ntsà la. Èwuu wòt waa wu wɔ̀mbù̧ Yesò Klistò. Tà tu̧u̧ a Tǎt wa Mbɔ̧ɔ̧mà mè ntù̧u̧ Waã tò.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.