Matìù 16:13 - Mundani

¹³ ÀfɨꞋa Yesò li nga a Sìsalìà Filìpȩ la, tà bììte bɔkatè bi nê “Bòt àa shua nê Waã Wòt wu wà à?”

Matìù 16:13 ပူးပေါင်းရင်းမြစ်များ

Matìù 12:32

Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.

Matìù 12:40

Ndɨ Jɔnà li ntsèke a èbem taꞋa asəâ ènɨ̧ ane èlibȩ betat la, wu ndɨ Waã Wòt nàa li tseke azi a èbem èntɨ̧ɨ̧ sitsǎꞋ ane èlibȩ betat la.

Matìù 12:8

Bɨ̀ ko nê, Waã Wòt wu wòt tà bɔ àtɔŋ a ègwet àliapfəèa Bèjuê la.”

Matìù 13:37

Yesò bɨ̀ɨ̀lè nê, “Wòt wu tà sà èsaãaãme ntsɔ̧̀ la, wu mbɨ̀Ꞌɨ̀ Waã Wòt,

Matìù 13:41

Waã Wòt naa li tsà bɔntu̧ bi, bea kɨꞋɨ etsǐ èghɨ ègème àa ngɨ̀a kàbɔ̀ŋ la, nè bòt bàgème bɔ̀ɔ ngɨa kàbɔ̀ŋ la a èbem kèfɔ̧̀ vi.

Matìù 15:21

Yesò lɔ̀Ꞌ abot nga àbâ àlaꞋ a Tȩê nè Sidɔ̀n.

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 16:28

Ane nkûŋ, tsiꞋ è shu awɨ̧ nê bòt ko aa adzìꞋ yaa betsiꞋa èvə è ka nɨ awɔb kà bɔ ye Waã Wòt nkɨ̀Ꞌa nè Kèfɔ̧̀ Mbɔ̧ɔ̧mà la.”

Matìù 25:31

“Naa li ngu àfɨꞋa Waã Wòt kɨꞋɨ ane ènɨ̧ tǎt vi, nè bɔntu̧ Mbɔ̧ɔ̧mà bàgème la, tà tseke a ègwet àtɨ̧a Kèfɔ̧̀ Mbɔ̧ɔ̧mà.

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Matìù 9:6

Ka e nɨ enyɨꞋte awɨ̧ nê Waã Wòt bɔ àtɔŋ a sitsǎꞋ à màngwaꞋa kàbɔ̀ŋ.” Tà shu abua wòt wu àbâ ènyit tò a pfə la nê, “Lɔ̀Ꞌɔ a si ŋèꞋe àkwàŋkè àyê me ghǎ àpfəè.”

Ntu̧ Ntsɔ̧̀ MAK 10:45

Ka wuê Waã Wòt lè kaꞋa wua nkɨ̀Ꞌa e ghɨ̌ bòt aa me fàꞋa abua atò. Tà li ngua nkɨ̀Ꞌa e me fàꞋa abua bòt e lɔ̀Ꞌɔ e ŋà àtsəa zi mbɨ̀Ꞌɨ̀ bòt nyaŋ aa peme.”

Ntu̧ Ntsɔ̧̀ MAK 8:38

Ale, àtsəa wòt a me kɔꞋɔ ambo yaã nè mèngǎ̧ mɔ̧, a èbem ngɔ̀ŋ èbɨꞋte mènəè laane, ko àtsəa Waã Wòt aa li kɔꞋɔ ane tò mɨ̧̂ àfɨꞋa tàa li kɨꞋɨ ane ènɨ̧ Tǎt vi bɔ̂ bɔntu̧ bi la.”

Jɔ̌n 1:51

Yesò mè shu abua tò nê “TsiꞋ è shua wê ane nkûŋ nê, àa ye ègwet e ghaꞋa bɔntu̧ Mbɔ̧ɔ̧mà e me ghȩ̀ȩ̀na nchua ndzea Waã Wòt mè nkɔ̀Ꞌa ngà la.”

Jɔ̌n 12:34

Ale, ènɔ̧̂ bòt bu e bɨ̀ɨ̀lè èngǎ̧ tò nê, “Ba ko aya nê, Àkata Mbɔ̧ɔ̧mà a laꞋnê Fɔ̧̀ wu Mbɔ̧ɔ̧mà li ndzɔꞋ etsàà la naa li ewu ane àlia nè àlia. Ale, à ghɨ̀ na ka nê bɔɔ lɔ̀kè Waã Wòt a si etsoŋa ègwet à? Waã Wòt nàa ně ngu wà à?”

Jɔ̌n 3:14

Mbɨ̀Ꞌɨ̀ Musì li ndɔ̀kè nyà̧kàbɔ̀ŋ yu àlaꞋ a yuube ntsòŋà a ègwet ayɨ̌t la, wu wuê ndɨ bɔ̀ɔ lɔ̀kè Waã Wòt etsoŋa la.

Jɔ̌n 5:27

Tà ŋa tò àtɔŋ ane ndɨ tàa saꞋa mènəè bòt te lià la, nkàà nê, tà wu Waã Wòt.

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 7:56

Tà nê, “Bɨ̀ ye àghɨa ko; Mâ ye ègwet e ghaꞋa la, mè ndzè Waã Wòt tà tɨ̧ɨ̧ àbâ àbualu̧ a Mbɔ̧ɔ̧mà la.”