Matìù 13:23 - Mundani

²³ È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la tè ntsìꞋi mbɨ̀Ꞌɨ̀ èsaãaãme wu e kɔɔle tètaã ènkɨ̀, è weko èghem yentùa nè weko èghem yetat la.

Matìù 13:23 ပူးပေါင်းရင်းမြစ်များ

Matìù 12:33

“À me kɨ tètaãaãte àyɨt a ntsɔ̧̀, à kɨ àyɨt àa mbèꞋnà la. À bɔ àyɨt kàbɔ̀ŋ ko tètaãaãte tò tea me bɨɨ. Bɔɔ̀ nkoà àyɨt àgème ane tètaãaãte tò.

Matìù 13:8

Ka è weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le, è weko tètaã ènkɨ̀, è weko èghem yentùa, è weko èghem yetat.

Matìù 3:10

Adzà̧ tsiꞋi a tèghàŋke àyɨt bɔ nɔ̀ŋè la. Àyɨt àgème kà wua nkɔ̀ɔ̀la tètaãaãte ntsɔ̧̀ bɔ̀ɔ ngà ekòꞋo ayùà emàꞋa a èbem èwet.

Matìù 3:8

Bɨ̀ ghɨ̌ èghɨ bu àa nyɨ̀Ꞌta nê bɨ waꞋa mènəè kàbɔ̀ŋ mɨ̧ la.

Ntu̧ Ntsɔ̧̀ MAK 10:15

TsiꞋ è shu awɨ̧ ane nkûŋ nê, wòt bakà bɨ̧ɨ̧ne a Kèfɔ̧̀ Mbɔ̧ɔ̧mà mbɨ̀Ꞌɨ̀ watèchɨɨle, ŋut li tà kà nyi a èbem wùà.”

Ntu̧ Ntsɔ̧̀ MAK 4:20

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la, tè bɔ tsiꞋi mbɨ̀Ꞌɨ̀ èsaãaãme wu e kɔɔle tetaã èghem yetat, weko èghem yentùa nè weko ènkɨ̀ la.

Lûk 13:9

È me wu ane èngùꞋebȩ e kɔɔlè, ko aa wu ane ntsɔ̧̀, mbə è baka kɔ̀ɔ̀lê, à ghɨ̀ bɔ kòꞋ maꞋa a si.’ ”

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

Lûk 8:8

È weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le tètaã ènkɨ̀ ènkɨ̀.” Yesò làꞋ ale ndìà nê, “Wòt bɔ ètû̧, tà yute èngà̧ waa.”

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 8:47

Wòt tà wu wê Mbɔ̧ɔ̧mà la nàà njùta mèngǎ̧ tò. Lə yu bɨ̀a ka kɨ eyute mèngǎ̧ mbɔŋ la wu nê, bɨ ntsě bòt Mbɔ̧ɔ̧mà.”

ÀfaꞋa 16:14

Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

2 Kɔlìn 9:10

Mbɔ̧ɔ̧mà wu tàa ŋa èsaãaãme bòt e sà, mè ŋa èghɨjɨ bòt e jɨa la naa paa kwèꞋnè èghɨ bɨ bɔ la, mbɨ̀Ꞌɨ̀ bɨa me nɨ bùà ngɨa ntsɔ̧̀.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

2 Tèsàlonikà 2:10

Taa kɨꞋɨ enɨ àbɨꞋta èntɨ̧ɨ̧ efɨte bòt bu nga bê eleme la ane balu̧ bàgème. Bɔ gha eleme nkàà nê, bɔ li bɔ̀ ka wua nkɔ̀ŋkà nkûŋ yu nàa ghɨ̌ bɔɔ peme la.

Ebùlù 4:2

Ba li ndzəâ Ntu̧ Ntsɔ̧̀ Mbɔ̧ɔ̧mà wuê mbɨ̀Ꞌɨ̀ bɔ li ndzə la, ka ndzə ale èngǎ̧ mbɔŋ è ka ghɨ a ntsɔ̧̀ ko ane yɔb nkàà nê, bɔ li bɔ̀ ka bɨ̧ɨ̧nè a mèntɨ̧ɨ̧ mɔb nê Mbɔ̧ɔ̧mà naa ghɨ̀ mbɨꞋɨ̀ tà shu la.

Ebùlù 6:7

Mbɨ̀ŋ nàa me lu ane si, si mbɔŋ me ghɨ̌ èghɨ e tsəa ntɨ̀ŋa bòt bu bɔ liꞋi la, Mbɔ̧ɔ̧mà me lɔ̀ɔ̀le si mbɔŋ.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Jɔ̌n 5:20

Ba meè nko nê, Waã Mbɔ̧ɔ̧mà è kɨꞋɨ̀ ŋà àwa èyì mbɨ̀Ꞌɨ̀ baa ko atò wu, tà wu nkûŋ la. Baa tsiꞋi àghɨ yeamɔꞋ nè Mbɔ̧ɔ̧mà ngua shua nê ba tsiꞋi àghɨ yeamɔꞋ nè Waã tò Yesò Klistò. Yesò lâ ngu Mbɔ̧ɔ̧mà mè ngu wòt tàa ŋǎ awa mèmpème kàlìà la.