Matìù 13:11 - Mundani

¹¹ Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Matìù 13:11 ပူးပေါင်းရင်းမြစ်များ

Matìù 13:10

ÀfɨꞋa mbɔŋ, bɔkatè Yesò e kɨꞋɨ mbììte atò nê, “À ghɨ̀ na ka me làꞋa abua bòt bu ane mèngà̧teme à?”

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Matìù 19:11

Ka Yesò shuê abua yɔb nê “È nka laꞋà èngà̧ waa abua wàa, wàa; e ndàꞋa wuê abua bòt bu Mbɔ̧ɔ̧mà ghɨ bɔ bɨ̧ɨ̧ne èngǎ̧ mbɔŋ la.

Matìù 20:23

Yesò mè shu nê “Wu nkûŋ nê bɨa li ko enu ndɔŋ yaã, ka e tseke àbâ àbualu̧ am kò a yea ntɔŋ leꞋ è ntse mmɔ̌ màa ghɨ̀ la. ÈdziꞋ baa e wu abua bòt bu Tǎt am taŋkè nê bɔ̀ tseke abot la.”

Ntu̧ Ntsɔ̧̀ MAK 10:40

Ka e tseke àbâ àbualu̧ am kò a yea ntɔŋ leꞋ, è ntsě mmɔ̌ maa ghɨ̀ la. ÈdziꞋ baa e wu abua bòt bu Tǎt am taŋkè nê bɔɔ tseke abot la.”

Ntu̧ Ntsɔ̧̀ MAK 4:11

Yesò bɨ̀ɨ̀lè nê “Bɔ tuꞋu ànəa ndò̧ Kèfɔ̧̀ Mbɔ̧ɔ̧mà abua yɨ̧, ka è wu bòt kà zi mèntɨ̧ɨ̧ mɔb ane yaã ko bɔɔ̀ ndzəèa mènəè ègème ane mèngà̧teme,

Lûk 8:10

Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme, ‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye, bɔ̀ yute, bɔ̀ ka zə.’

Jɔ̌n 6:65

Ale, Yesò nê “Eyaa wu lə yu e ndi shu abua yɨ̧ nê betsiꞋa wòt kà kɨꞋɨ etsiꞋi wòt am kà Tǎt am ghɨ̀ ane ndɨ tàa kɨꞋɨ la.”

Jɔ̌n 7:17

Wòt tàa nkɨ e ghɨ̀ àghɨa Mbɔ̧ɔ̧mà nàa nkɨà la, wu tòà ka tàa ko nê èghɨ bàa e nyɨꞋtà la e dzəa abua Mbɔ̧ɔ̧mà ko abua am leꞋ la.

ÀfaꞋa 16:14

Wekǒ ayɔɔ bèzi bu bɔ̀ɔ njùtâ èngǎ̧ Mbɔ̧ɔ̧mà wu la, li ngu Lidìà, tà wu wòt tàa ntâ ndìte èkab la. Tà li ndzəè àlaꞋ a Tȩ̀tilà, mbɔ̂ ngu wòt tàa ngùꞋtà Mbɔ̧ɔ̧mà la. Ale, Mbɔ̧ɔ̧mà wu ghaꞋa èntɨ̧ɨ̧ tò nê tà yute mè mbɨ̧̀ɨ̧̀nê èngà̧ wu Pɔ̂l è làꞋà la.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 15:51

Bɨ̀ zə! TsiꞋ è shu awɨ̧ ànəa ko è li ngu ànəa ndò̧ la. Bà ka li pfəꞋte bàgème a, ka baa li kubte bàgème.

1 Kɔlìn 2:14

Wòt kà bɔ Fo Mbɔ̧ɔ̧mà nàà kà bɔ èghɨ bu Fo Mbɔ̧ɔ̧mà nàa ŋǎ la, nkàà nê èghɨ mbɔŋ abua tò wu èghɨ àkèghɨ̧̀, tà kà mê ngu ko eko àghɨ adù̧ nkàà nê, wòt baka bɔ Fo Mbɔ̧ɔ̧mà, tà kà ko àghɨa èghɨ mbɔŋ wu bùà la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Efesɔ̀s 5:32

Bɔ ghaꞋa taꞋà nkûŋ shu a èbem èngà̧ waa, mâ ko nê e wua ndàꞋà ànəa Yesò Klistò bɔ̂ chɔsì.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 3:9

Bɔ bɔ̂ ndɨ bɔ̀ɔ wu bòt bɔ neetè mbà̧aã èngà̧ wu Mbɔ̧ɔ̧mà è nyɨꞋte abua ya ka ba ko atò la, nè èntɨ̧ɨ̧ kà wua fèèlè àwɔb la.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

1 Jɔ̌n 2:20

È me wu awɨ̧, ko ngule Waã Mbɔ̧ɔ̧mà zi Fo zi ane yɨ̧ tè ngɨ̀ wòt ègème ane yɨ̧ ko nkûŋ.

1 Jɔ̌n 2:27

È me wu awɨ̧ ko Yesò Klistò è zi Fo zi adù̧ yɨ̧ tè è tsiꞋi ane yɨ̧. Mbɨ̀Ꞌɨ̀ Fo tò wû ane yɨ̧ la, Wòt tsa bakà tsi mbɔ̌ ndɨ tàa mě nyɨꞋte awɨ̧ àghɨa ko la. Aa ale nkàà nê Fo tò yu nàà nyɨ̀Ꞌta awɨ̧ èghɨ ègème. Àghɨa Fo yu nàa nyɨ̀Ꞌta la wu nkûŋ, àfɨte a ntsě adù̧. È wu ale, bɨ̀ me zə àghɨa Fo yu nàa nyɨ̀Ꞌta la, mè ngu àghɨ yeamɔꞋ bɨ̂ Yesò Klistò ba.