Matìù 12:32 - Mundani

³² Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut, ka wuê àfɨ̀Ꞌ yaa kò ndɨ ngɔ̀ŋ nàa li lìà la leꞋ.

Matìù 12:32 ပူးပေါင်းရင်းမြစ်များ

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Matìù 12:31

È wu ale, tsiꞋ è shu awɨ̧ nê wòt ghɨa kàbɔ̀ŋ kò ntsòkè èlen wòt kǒ leꞋ, ko betsiꞋa Mbɔ̧ɔ̧mà wàꞋa a kàbɔ̀ŋ tò, ka wòt tà tsòkè èlen Fo Mbɔ̧ɔ̧mà la Mbɔ̧ɔ̧mà ka waꞋa kàbɔ̀ŋ ŋut a.

Matìù 12:8

Bɨ̀ ko nê, Waã Wòt wu wòt tà bɔ àtɔŋ a ègwet àliapfəèa Bèjuê la.”

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Matìù 13:39

Tà wu wòt wu tà sà afəèꞋ kàbɔ̀ŋ wu la, nkàà nè tà wu wɔ̀mbù̧ tǎt mbȩ yu. Àlia màfuꞋa yu wu àlia ngɔ̀ŋ nàa li lìà la, bòt màfuꞋa bu wu bɔntu̧ Mbɔ̧ɔ̧mà.

Matìù 13:40

“Èlɨ bɔ̀ɔ fèta afəèꞋ kàbɔ̀ŋ wu ntò̧à a èbem èwet la, wu èlɨ bɔ̀ɔ li ghɨ̀ ane bòt kàbɔ̀ŋ àfɨꞋa ngɔ̀ŋ nàa li lìà la.

Matìù 13:55

Tè eyaa ntsě waã kapentà wuù? Ka Màlià wu nyɨ̌ tò à? Ka Jimsì bɔ̂ Jòsêb nè Simùn bɔ̂ Judàs wu bɔnyɨ tò à?

Matìù 8:20

Yesò shu abua tò nê, “Ètsɔ̀b e bɔ tègwòŋ tɔb, banɨ̧̀ bèa ndèa a ègwet la e bɔ tèjî tɔb, ka Waã Wòt kà bɔ àdziꞋa tàa nɔ̀ŋè àtsəa zi eyètè la.”

Ntu̧ Ntsɔ̧̀ MAK 10:30

nàà nga taꞋa ebɔ èghɨ ko tsa àfɨ̀Ꞌ yaa. Tàa bɔ èghɨ ngaa èdziꞋ ènkɨ̀, te tsě ndɨ e li nguê la, lobtsə, bɔnyɨ (mbâ̧ nè àvi), bènyɨ̌, bɔ̧, mbȩtsə, fɔ̀ɔ̀lè ne ndɨ bòt àa me kɨ àtsəa tò enɨ la. Tà bɔ̂ ngu e ghɨ̀ ale, e li bɔ mèmpème kàlìà mɨ̧̂ ane ngɔ̀ŋ yu nga ekɨꞋɨ la.

Ntu̧ Ntsɔ̧̀ MAK 3:28

TsiꞋ è shua wɨ̧ ane nkûŋ nê, Mbɔ̧ɔ̧mà naa li waꞋa kàbɔ̀ŋ bòt nè mènəè kàbɔ̀ŋ bɔ làꞋa ane zi la.

Ntu̧ Ntsɔ̧̀ MAK 3:29

Ka è wu wòt tà làꞋà mènəè kàbɔ̀ŋ ane Fo Kèfə la, Mbɔ̧ɔ̧mà ka waꞋa ayùà nkàà nê, ŋut è ghɨ̌ kàbɔ̀ŋ kà wu li elìa.”

Lûk 12:10

Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut.

Lûk 16:8

“Tǎt àfàꞋ wu bɨ̧ɨ̧ne ànəa waã àtsəa àfàꞋ bèyuŋ wu è ghɨ̀ la nê tà lâ mbɔ̂ èyì. Nkàà nê, bòt ngɔ̀ŋ yaa aa ngɨ̀à mènəè mɔb ane bèyuŋ tè ntsè bòt Mbɔ̧ɔ̧mà.

Lûk 18:30

naa bɔ àbȩ̀ a tsè èghɨ mbɔŋ la àfɨ̀Ꞌ yaa, e mèe li lɔ̀Ꞌɔ ebɔ mèmpème kàlìà àfɨ̀Ꞌ yu nga ekɨꞋɨ la.”

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 7:34

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ!’

Jɔ̌n 7:12

Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”

Jɔ̌n 7:39

Yesò nàà ndàꞋà ale ngua shua ànəa Fo Mbɔ̧ɔ̧mà yu bòt bu bɔ zi èntɨ̧ɨ̧ wɔb ane tò la àa bɔ la. È li me wu àfɨ̀Ꞌ yaa ale, Mbɔ̧ɔ̧mà kà ziꞋ ntsàà Fo zi, nkàà nê Mbɔ̧ɔ̧mà li tà kà zîꞋ ndɔ̀ke a Yesò etsàa a ègwet, e ghɨ̌ taa bɔ ènɨ̧ vi.

Jɔ̌n 7:52

Tà làꞋ ale, bɔ biite atò nê, “À dzəèa yê a Galìlî mɨ̧̂? Tɔ èngǎ̧ Mbɔ̧ɔ̧mà ndzè na àa zə nê, betsiꞋa ndàꞋàtɔŋ Mbɔ̧ɔ̧mà kǒ ka dzəa Galìlî la.” [

ÀfaꞋa 3:19

È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

Efesɔ̀s 1:21

Yesò Klistò wu a ègwet və àtsə àghɨ àgème àa mbà̧aã èlaꞋ mè ntsìta mènəè la, nè yea a bɔ àtɔŋ nè mètàŋ a ègwet la, mè ntsè èlen ègème bɔ̀ɔ ndzəa àfɨ̀Ꞌ yaa, nè àfɨ̀Ꞌ yu nga ekɨꞋɨ la.

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.

1 Tɔ̀màtià 4:8

Wòt me nyàbtè ènyit zi, à ka bɨ, ka wòt me taŋke avi e me ghɨ̌ àfàꞋa Mbɔ̧ɔ̧mà, àyea ngaa a bɔ̀ŋ ntsè àghɨ àgème, nkàà nê betsiꞋa a tɨŋe a ŋut ane mèntsèke atò a ngɔ̀ŋ ŋaa, mè ngu etɨŋe atò taa bɔ mèmpème kàlìà.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

2 Tɔ̀màtià 4:10

Demàs è zì èntɨ̧ɨ̧ vi ane èghɨ ngɔ̀ŋ yaa tè ngwaꞋ am ngà àvi a Tèsàlonikà. Klesèns è ghà a Gàlashìà, Tȩtɔ̀s è ghà a Dàmatìà.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.