Matìù 12:31 - Mundani

³¹ È wu ale, tsiꞋ è shu awɨ̧ nê wòt ghɨa kàbɔ̀ŋ kò ntsòkè èlen wòt kǒ leꞋ, ko betsiꞋa Mbɔ̧ɔ̧mà wàꞋa a kàbɔ̀ŋ tò, ka wòt tà tsòkè èlen Fo Mbɔ̧ɔ̧mà la Mbɔ̧ɔ̧mà ka waꞋa kàbɔ̀ŋ ŋut a.

Matìù 12:31 ပူးပေါင်းရင်းမြစ်များ

Lûk 12:10

Wòt làꞋà èngǎ̧ kàbɔ̀ŋ adù̧ Waã Wòt ko Mbɔ̧ɔ̧mà naa waꞋa kàbɔ̀ŋ tò, ka wòt tà laꞋa èngǎ̧ kàbɔ̀ŋ adù̧ Fo Kèfə la, betsiꞋa Mbɔ̧ɔ̧mà ka waꞋa a kàbɔ̀ŋ ŋut.

ÀfaꞋa 7:51

Stifèn làꞋ ale mè nê, “Bɨ ghɨ̀ na ka me kweele àtsə anè à? Mèntɨ̧ɨ̧ mɨ̧ ghɨ̀ na ka nkwèèle tè bɨ bê ntû̧ eyute èngǎ̧ Mbɔ̧ɔ̧mà à? Bɨ bê ngu wuê mbɨ̀Ꞌɨ̀ bètǎt nyaꞋ bɨ̧. Bɨ̀a mbɔŋ e taꞋa wua ntu̧a eyute ànəa Fo Kèfə nàa shua la.

Ebùlù 10:26

Ba ko nkûŋ tè ndɔ̀Ꞌ, mbɔ̂ mè me ghɨ̀ wuê a kàbɔ̀ŋ, ko àghɨa ko a te ntsě bɔ̀ɔ mèe kɨ̧ɨ̧me ane mènəè kàbɔ̀ŋ ma la.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 6:4

Bòt bu bɔ sa èngǎ̧ Mbɔ̧ɔ̧mà la, bɔ̀ɔ ghɨ̀ na ka ekubte e mě kɨꞋɨ abua tò à? Bɔ li ngua ngȩ̀ȩ̀na a èbem èkaꞋà Mbɔ̧ɔ̧mà. Bɔ li njùte èghab wu àa ndzəa a ègwet la, mè mbɔ̌ Fo Kèfə mbɨ̀Ꞌɨ̀ bòt ko.

1 Jɔ̌n 1:9

Ka ba bɨ̧ɨ̧ne mènəè kàbɔ̀ŋ ma a mbì Mbɔ̧ɔ̧mà, ko taa ghɨ̀ mbɨꞋɨ̀ tà li nkàꞋ la, e ghɨ̀ àghɨa a kùꞋù la, e waꞋà bèkàbɔ̀ŋ ba, e mě shùù awa ane èbɨꞋte ènəê ègème ba li mè ghɨ̀ la.

1 Jɔ̌n 5:16

Wòt yea wanyɨ vi ngɨa kàbɔ̀ŋ kà wu ewe betsiꞋa è ghɨ̀ tà pfə la, tà tsaꞋte a Mbɔ̧ɔ̧mà àtsəa tò, ko Mbɔ̧ɔ̧mà naa ŋa atò mèmpème. E shua bòt bu bɔ̀ bakà ghɨ mènəè kàbɔ̀ŋ è wu me betsiꞋa è ghɨ̀ bɔ pfəꞋtè la. Ka mènəè kàbɔ̀ŋ kǒ nàà və betsiꞋa è ghɨ̀ wòt pfə la. E ntsea shua nê bɨ̀ tsaꞋte a Mbɔ̧ɔ̧mà ane èwuu kàbɔ̀ŋ mbɔŋ.