Matìù 12:10 - Mundani

¹⁰ Wòt ko wu a èbèm və àbu atò a pfə la. Bòt ko e mè ngu abot me kɨ nyɨꞋte nê Yesò è ghɨa kàbɔ̀ŋ. Ale, bɔ biite atò nê, “Màmbəa wòt àliapfəèa Bèjuê aya wu màmpaata mbɨ̧?”

Matìù 12:10 ပူးပေါင်းရင်းမြစ်များ

Matìù 12:2

Bèfalèsiì e ye ale shu abua Yesò nê, “Ye àghɨa bɔkatè bê e ghɨ̀à, è wu àghɨa bɔ̀ɔ ka ghɨ àliapfəèa Bèjuê la.”

Matìù 19:3

Bèfalèsiì ko e kɨꞋɨ me kɨ enyɔ̀Ꞌte a Yesò, mbììte atò nê “Tè mbɨ̧ ta te bɨ̧ɨ̧nè nê, ànəa ko aà və betsiꞋa a ghɨ̀ tè wòt tû̧ vi vi mbɨ̀Ꞌɨ̀ tà kɔ̀ŋkè la à?”

Ntu̧ Ntsɔ̧̀ MAK 3:2

Bòt ko e mè ngu abot me kɨ nyɨꞋte nê Yesò è ghɨa kàbɔ̀ŋ. Ale, bɔ me nèèta ndȩ̀à tò nê kò taa bəa mbê wu àliapfəèa Bèjuê leꞋ.

Lûk 11:54

tò mbɨ̀Ꞌɨ̀ tà bela ndàꞋà tà fà̧ èngà̧ nkwene mbɨ̧ bɔ baãaã atò adù̧ la.

Lûk 13:14

Wòt tà wu àtsəa lob Mbɔ̧ɔ̧mà yu la bùꞋ me tsoo nê, Yesò bə wòt àliapfəèa Bèjuê. Wòt wu ghɨ̀ ale, shu abua bòt bu bàgème abot la nê, “Ba bɔ èli bentùa ba bɔ̂ ndɨ bàa ghɨ̌ àfàꞋ la, bɨ̀ kɨꞋɨ ane èli ngaa bɔ̀ bə awɨ̧, bɨ̀ ka nkɨ̀Ꞌɨ̂ ane àliapfəè.”

Lûk 20:22

Shu awa, tè mbɨ̧ ta tê bɨ̧ɨ̧nè nê bà me ŋa èkab taksì abua Sisà kò wu nê bà ka ŋa à?”

Lûk 23:14

shu abua yɔb nê, “Bɨ lɔ̀Ꞌ nɨ a mbê waa nɨŋ nkɨ̀Ꞌɨ̂ abua am nê, tàà ntsòkà ètsə bòt àlaꞋ, ka nè àfɨ̀Ꞌ yaa, mâ lɨ̀ŋke atò a kètsìà wɨ̧ tè ndze nê tà bakà paate mbɨ̧ ane mbɨ̧ tu bɨ shua nê tà pààtè la.

Lûk 23:2

Mbɨ̀Ꞌɨ̀ bɔ kɨꞋɨ tê ndzə a mbì tò la, bɔ bùꞋ me zì mènəè àtsəa Yesò shua nê, “Ba baãaã a mbê waa ndùta bòt ba shua nê, bɔ̀ ka ŋà èkab taksì abua Sisà, mè shua nê ye wu wòt wu Mbɔ̧ɔ̧mà yɔꞋ ntsà taa wu Fɔ̧̀ la.”

Jɔ̌n 5:10

Ale bɔɔjuŋ Bèjuê e shu abua mbê wu bɔ bə atò la nê, “Laane wu àliapfəè, mbɨ̧ ta te bakà bɨ̧̀ɨ̧̀ne laꞋnê, ŋeꞋa matà wê ane èwuu àli yàa.”

Jɔ̌n 5:3

Ènɔ̧̂ bòt nè èlɔ̀Ꞌ (bòt àghɨ àleme nè bòt èka bɔb e ŋɔꞋte la, ndɔ̀Ꞌ nè èbe èbâ ènyit bɔb e pfəꞋte la), e wu a mètsəê bɔ nɔ̀ŋkè la. [Bɔ li ngua nɔ̀ŋkà nchɨ̀Ꞌà àtɨ̀ŋ yu aa bente,

Jɔ̌n 7:23

Tè bɨ wu naŋe waã ane àliapfəè, bɨ̀a mbɔ̀a mbɨ̀Ꞌɨ̀ ka bɨ pààtè mbɨ̧ Musì la, mmɔ̌ mbɔŋ è ngɨa wòt pem nenkèm ane àlia mbɔŋ bɨ wua ntsòa ane yaã ne ghàà?

Jɔ̌n 8:6

Bɔɔ ndàꞋà ale ngua ntà̧à̧ta tò nkɨ eyute èngǎ̧ tàa shu la, mbɨ̀Ꞌɨ̀ eko ànəa bɔ̀ɔ zǐ àtsəa tò la. Yesò ŋɔ̀Ꞌne a si, nɨ̀ kèti fi me shɨ a si.

Jɔ̌n 9:16

Bèfalèsiì ko è nê, “Wòt wu tà ghɨ̀ àghɨ yàa la ka dzəa abua Mbɔ̧ɔ̧mà, nkàà nê tàa mpààtà mbɨ̧te àliapfəèa ya.” Ka èbeko e nê, “BetsiꞋa wòt tà wu wòt kàbɔ̀ŋ la ghɨ̀ èwuu ènəê kà ye fɨ̀Ꞌ bàa?” Bɔ làꞋ ale ntsìꞋi a mètsəê a mètsəê.