Matìù 11:21 - Mundani

²¹ “Aa li bɨa wɨ̧ bɨ̀a bòt Kolazìn, aa li bɨa wɨ̧ bɨ̀a bòt Bèsedà! Bɔ li ngɨ̀ ale ngɨ̀ tèwuute ènəê taà bɔ ghɨ a kètsìà wɨ̧ la àlaꞋ a bòt Tȩê nè Sidɔ̀n, ko bɔ li dzaŋe kwaã epfəə, mè fəèꞋəè muttsə ane yɔb, enɨ nyɨꞋte nê bɔ waꞋa mènəè kàbɔ̀ŋ mɔb.

Matìù 11:21 ပူးပေါင်းရင်းမြစ်များ

Matìù 11:22

Ka tsiꞋ è shu awɨ̧ nê Mbɔ̧ɔ̧mà naa li eku tèsȩte bòt Tȩê nè Sidɔ̀n àlia tàa li saꞋa ngɔ̀ŋ la, te tsě ndɨ tàa eku tɨ̧ la.

Matìù 15:21

Yesò lɔ̀Ꞌ abot nga àbâ àlaꞋ a Tȩê nè Sidɔ̀n.

Matìù 18:7

“Aa bɨɨ àbâ bòt ngɔ̀ŋ yaa. Èghɨ e taꞋa wu àa ngɨ̀à bòt e tsìà mèntɨ̧ɨ̧ mɔb ane Mbɔ̧ɔ̧mà la. A bɔ ndɨ àa wu ale la, ka ngoꞋ wu ye wòt wu tàa ngɨ̀à bòt e tsìà mèntɨ̧ɨ̧ mɔb a èlɨ mbɔŋ la.

Matìù 26:24

Waã Wòt naa pfə wuê mbɨ̀Ꞌɨ̀ bɔ shɨ a èbem àkata Mbɔ̧ɔ̧mà la, ka aa li bɨɨ àbâ wòt wu tàa fɨ̧̀ɨ̧̀ne atò la. A li mbɔ̀ŋ ko bɔ li bɔ̀ kà lem mbia ŋut.”

Ntu̧ Ntsɔ̧̀ MAK 3:8

nè Jèlusalèm, nè Idùmìà, nè èdziꞋ bu agua èdzî Jodàn la. Èbeko nè bòt e li ndzə a ngèt èpfəè nɨ̧ bu è wu Tȩê bɔ̂ Sidɔ̀n la, ngu ndɨ bɔ zə èghɨ tàa ngɨ̀à la.

Ntu̧ Ntsɔ̧̀ MAK 6:45

ÀfɨꞋa mbɔŋ Yesò ghɨ̀ bɔkatè bu e nyi a èbem ànkànuꞋ nga a mbì tò agua èlemè àko zia, a Bèsedà, tà tsìꞋi ngɨ̀ ènɔ̧̂ bòt bu e taatè.

Ntu̧ Ntsɔ̧̀ MAK 7:24

Yesò lɔ̀Ꞌ abot nga àbâ àlaꞋ a Tȩê nè Sidɔ̀n, nyi a èbem lob kǒ, ka tà kà wua nkɨà nê wòt kǒ nê ye wu abàꞋ və. Ka tà kà wu eko lò̧ò̧te.

Ntu̧ Ntsɔ̧̀ MAK 7:31

Yesò ghɨ̀ ale, ndɔ̀Ꞌ àbâ àlaꞋ Tȩê nga èlemè Galìlî. Me ghǎ abot ale, ntse àbâ àlaꞋ a Sidɔ̀n, nè àbâ àlaꞋ a Èpfəè nɨ̧ Èghem.

Ntu̧ Ntsɔ̧̀ MAK 8:22

Bɔ li nyi a Bèsedà, bòt ko e nɨ wòt kǒ àghɨ a tò a leme la, nkɨ̀Ꞌɨ̂ shù̧ù̧te nê Yesò baãaãte a ŋut, mbəèa tò.

Lûk 6:17

Yesò chu a ègwet èku̧u̧nè nè bɔntu̧ bu ntɨ̧ɨ̧ àdzìꞋa si tètoêꞋ, nè taꞋà ènɔ̧̂ bɔkatè bi nè taꞋà ènɔ̧̂ bòt bɔ dzəè a èdziꞋ ègème a Jùdià nè Jèlusalèm fɔɔle nè bòt bɔ dzəa Tȩê bɔ̂ Sidɔ̀n, è wu èpfəè nɨ̧ a ngèt *èdzî la.

Lûk 9:10

Bɔntu̧ bu bè kuà, bɔ shua Yesò àghɨ àgème bɔ ghɨ̀ la. Tà nɨ̀ àwɔb bɔ̂ tò ba e səèꞋtè àwɔb ngà àpfəèà nɨ̧ ako bɔ̀ɔ ntɔ nê Bèsedà la.

Jɔ̌n 1:44

Filìb li ndzə a Bèsedà, è wu àpfəè yu Andùlù bɔ̂ Pità e dzəè la.

Jɔ̌n 12:21

Ale, bɔ kɨꞋɨ abua Filìb wu tà dzəa Bèsedà a Galìlî la, shua abua tò nê, “Tê, baa nkɨ eye a Yesò.”

ÀfaꞋa 12:20

Elɔ̀d li taꞋa tsoo ane bòt Tȩê nè Sidɔ̀n. Ale, bɔ gha ane ènɔ̧̂ nê bɔ gha eye atò. Bɔ me bùꞋu, mbɨ̀ ngɨ̀ Blatùs wu tà wù àtsəa ntɔꞋ la ye nè nɔ̀b, bɔ ghà abua Elɔ̀d nê bɔ̂ tò ba è làŋkè laŋke, nkàà na àlaꞋ ayɔb àa nɨ̀a èghɨjɨ ne abua bòt àlaꞋ a Elɔ̀d la.

ÀfaꞋa 27:3

ÈtsəꞋ e tsi, ba nyi a Sidɔ̀n. Juliɔ̀s bɔ̌ èntɨ̧ɨ̧ ntsɔ̧̀ ane Pɔ̂l, sa atò nê, tà ghǎ ndzè bèshu̧ bi mbɨ̀Ꞌɨ̀ bɔɔ ŋa atò èghɨ tàa nkɨ̀ŋkà la.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

Ètsə 11:3

E mè ngu ŋa mètàŋ abua bòt babe, bɔ̀ɔ ndàꞋà èngǎ̧ am la, bɔ̀ɔ kwaãaã èpfəə elaꞋa èngǎ̧ Mbɔ̧ɔ̧mà ane èlibȩ tɔsì nè ènkɨ̀ yebe nè èghem yentùa.”

Ètsə 6:12

Mbɨ̀Ꞌɨ̀ tà nà̧à̧nè àdziꞋa àmènà yu, è wù àyea bentùa la, e me ye sitsǎꞋ bente kwàꞋ ànyaꞋne. Àtaãnyèm a tsiꞋa fèna mbɨ̀Ꞌɨ̀ ndǐ kèfen, àtaã èŋu a tsiꞋa mbèꞋa mbɨ̀Ꞌɨ̀ àlo̧.