Matìù 11:20 - Mundani

²⁰ Yesò ghɨ̀ ale, mbùꞋ me tsò̧o̧ èpfəè bu tà ghɨ̀ tèwuute ènəê kà ye efəa nyaŋ abàꞋ və la, nkàà nê bɔ li bɔ̀ ka waꞋa mènəè Kàbɔ̀ŋ mɔb.

Matìù 11:20 ပူးပေါင်းရင်းမြစ်များ

Matìù 12:41

Naa li ngu ane àlia saꞋa Mbɔ̧ɔ̧mà, bòt àlaꞋ a Ninevè e lɔꞋɔ a si mbà̧ wɨ̧ ane mènəè kàbɔ̀ŋ mu bɨ̀a ngɨ̀à la, nkàà nê bɔ li ngwàꞋ mènəè kàbɔ̀ŋ mɔb àfɨꞋa Jɔnà li ntsɔ̀tè ntu̧ Mbɔ̧ɔ̧mà abua yɔb la. TsiꞋ è shu awɨ̧ nê wòt kǒ naa àdzìꞋ yaa mènəè tò è tsě me Jɔnà la.

Ntu̧ Ntsɔ̧̀ MAK 16:14

A li ngà me lìa, Yesò puula a mbì bɔkatè bi bu bɔ̀ le tsiꞋi èghem ntsɔ̀b wemɔ̀Ꞌ la àfɨꞋa bɔ̀ le wua njɨ̀a èghɨjɨ la. Tà li ŋȩ̀te awɔb ndɨ̀ wu bɔ li bɔ̀ ka wua mbɨ̧̀ɨ̧̀na nê betsiꞋa tà yu̧u̧mè la, mè nè ndɨ̀ bɔ li bɔ̀ kà bɨ̧ɨ̧nè ànəa bòt bu bɔ li ndzèa atò àfɨꞋa tà yu̧u̧me la.

Ntu̧ Ntsɔ̧̀ MAK 9:19

Yesò bɨ̀ɨ̀lè nê, “Bɨ̀a waa bɨ wu àndǎ̧ kà koa Mbɔ̧ɔ̧mà. Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ nɨ waã mbɔŋ nkɨ̀Ꞌɨ̂ àdzìꞋ yaa ŋǎ abua am!”

ÀfaꞋa 17:20

Mènəè kǒ bàa ndzəa à làꞋà la wu mènəè kà ba li tè mè zə. È wu ale, ba me kɨ ezə ləte mèngǎ̧ mbɔŋ.”

2 Kɔlìn 12:21

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂ Mbɔ̧ɔ̧mà wu màa faꞋa abua tò la mè ngɨ̀ e mbɔ àtsəa kɔꞋɔ a mbì lɨ̧, e mè mbɔ̌ ndɨ màa me dɨ̌ nkàà nê bɔɔ mɨ̀ɨ̀tà mènəè kàbɔ̀ŋ ntu̧ kubte mèntɨ̧ɨ̧ mɔb la. Èghɨ mbɔŋ bɔ̀ɔ ngɨ̀à la wu mèmɨ̀ɨ̀te kàbɔ̀ŋ, màmpaꞋta bòt kà yɔꞋ awɔb, mà ngɨa kàbɔ̀ŋ kà bɔ àtsəa kɔꞋɔ.

Jimsì 1:5

Wòt bùa èyì, tà lò̧o̧ abua Mbɔ̧ɔ̧mà wu tàa ŋǎ èyì abua wòt ègème la, ko tàa ŋa abua tò. Tàà kà kuꞋte àbu, tà kà wua ŋȩ̀ta.

Ètsə 16:11

Bɔ me tsàà tèntsɔ̧̀ɔ̧̀mètsə adù̧ Mbɔ̧ɔ̧mà wu a ègwet la, nkàà ngoꞋ tɔb nè fɨŋ tu ane yɔb la. Ngɨ̀ ale bɔ̀ ka bɨ̧ɨ̧ne ekubte ane mènəè kàbɔ̀ŋ mɔb.

Ètsə 16:9

Àtaãnyèm yu a tò̧ò̧tè àwɔb ale, bɔ tsiꞋi me tsàà tèntsɔ̧̀ɔ̧̀mètsə adù̧ èlen Mbɔ̧ɔ̧mà wu tà bɔ mètàŋ a ègwet ngoꞋte mbɔŋ la. Ngɨ̀ ale ntu̧ kubte ane mènəè kàbɔ̀ŋ mɔb e ŋa mèngùꞋte abua Mbɔ̧ɔ̧mà.

Ètsə 2:21

E ndi ŋǎ atò àfɨ̀Ꞌ nê tà kubte, ka tà tu̧u̧ ekubte ane mènəè kàbɔ̀ŋ mi.