Matìù 10:5 - Mundani

⁵ Yesò li ntsà bɔntu̧ bi bàa ntsɔ̀b babe la àbȩ shu abua yɔb nê, “Bɨ̀ ka ngà àdziꞋa ko a èbem àlaꞋ a bòt kà wu Bèjuê. Bɨ̀ ka ngà ka wuê a èbem àpfəa ko ane èpfəè bòt Sàmalìà.

Matìù 10:5 ပူးပေါင်းရင်းမြစ်များ

Matìù 22:3

Tà li ntsà bètsoêꞋ bi nê bɔ gha ntɔ bòt bu bɔ yaã nkàꞋà wɔb a èpǎ̧ wu la, bɔ tu̧ ekɨꞋɨ.

Matìù 4:15

“Èbâ èlaꞋ Zebulùn nè Naptalì alu̧ èlemè Galìlî, àgua èdzî Jodàn, àdziꞋa bòt kà wu Bèjuê àa ntsèka la, bɨ ye èkaꞋà.

Ntu̧ Ntsɔ̧̀ MAK 6:7

Tà li ntɔ bɔkatè bi bu ntsɔ̀b babe la, ntsàà àwɔb àbȩ babe babe. Me tsà àwɔb ale, ŋa wɔb àtɔŋ bɔɔ me nɨa fəèà fote kàbɔ̀ŋ ane bòt la.

Lûk 10:1

Yesò Lefɨ̀Ꞌ li ntsèke tè ndàà bɔkatè ko èghem yesà̧à̧mbe ntsɔ̀b babe nɨŋ nkwèꞋnè ane bɔkatè bi bu èghem ntsɔ̀b babe la. Tà ghɨ̀ ale, ntsàà àwɔb babe babe a mbì, a èpfəè nɨ̧ ègème nè èdziꞋ ègème tà bɔ̂ ndɨ yèa ghǎ la,

Lûk 10:33

Ka wòt Sàmalìà kǒ, tàa ngȩȩna alu̧ ngaa la, kɨꞋɨ̀ nkwene ane ŋut. Mbɨ̀Ꞌɨ̀ tà ye atò la, tèsȩte ŋut te taꞋa ku atò,

Lûk 17:16

Nkɨ̀Ꞌɨ̂, ntèmè tènjûŋ ti a si a mbì Yesò, me ŋa atò mènkɔ̀ŋke. Ŋut bɔ̂ ngu wòt Sàmalìà.

Lûk 9:1

Yesò tɔ bɔkatè bi bu ntsɔ̀b babe la àdzìꞋ yeamɔꞋ, ŋà àwɔb mètàŋ nè àtɔŋ bɔɔ me nɨa fəèà fote kàbɔ̀ŋ ane bòt, mè mbəa èghɔ̧.

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

Jɔ̌n 17:18

Mbɨ̀Ꞌɨ̀ à li ntsàà am a ngɔ̀ŋ la, wu ndɨ mmɔ̌ mbɔŋ mâ tsàà wɔb a ngɔ̀ŋ la mɨ̧̂.

Jɔ̌n 20:21

Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

Jɔ̌n 4:20

Bètǎt nyaꞋ baa e li ngua nguꞋta Mbɔ̧ɔ̧mà a ègwet èbȩ làa, ka bɨ me shu nê àdziꞋa bɔ wu me wùꞋte atò la a wu nè Jèlusalèm.”

Jɔ̌n 4:5

Tà kɨꞋɨ tê tà dzəa a èbem àpfəèà nɨ̧ a ko a Sàmalìà bɔ̀ɔ ntɔ nê Sȩkà, à wu a ngèt àdziꞋa si yu Jàkɔ̂b li ŋǎ abua waã vi Jòsêb la.

Jɔ̌n 4:9

Vi Sàmalìà waa, bììte atò nê “Àwɔ̀ à wu wòt Juê la, à ghɨ̀ na ka me lo̧o̧ mèleb abua am e ngu vi Sàmalìà la à?” (Tàà mbììte ale ngu ndɨ̀ wu Bèjuê bɔ̂ bòt Sàmalìà àa ka fɔte èghɨ mbà̧à̧tê la.)

Jɔ̌n 7:35

ÀfɨꞋa mbɔŋ Bèjuê bu e bùꞋ me biite a kètsìà wɔb nê, “Mbê waa kɨ ghà neŋǎ kà ba wu eye atò à? Tè tà kɨ ghǎ àlaꞋ a bòt Glɨ̂k, àdziꞋa bòt baa ko àa ntsèka la, mbɨ̀Ꞌɨ̀ me nyɨꞋte awɔb?

Jɔ̌n 8:48

Mbɨ̀Ꞌɨ̀ Yesò làꞋ ale la, Bèjuê bu e bɨ̀ɨ̀le nê, “Tè bà ka shua nkûŋ nê, à wu wòt Sàmalìà, mè mbɔ̂ fo kàbɔ̀ŋ ane yê?”

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

ÀfaꞋa 10:45

Bòt Yesò bu bɔ̀ wu Bèjuê, bɔ li ndzə a Jopà nkɨ̀Ꞌɨ̂ bɔ̂ Pità ba la, e ye ndɨ Mbɔ̧ɔ̧mà zi Fo Kèfə ane bòt kà wu Bèjuê la, a taꞋa tsè àwɔb.

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.