Matìù 10:41 - Mundani

⁴¹ Wòt tà sèe ndàꞋàtɔŋ Mbɔ̧ɔ̧mà, nkàà nê ŋut wu ndàꞋàtɔŋ Mbɔ̧ɔ̧mà la, naa li bɔ àbȩ̀ bɔɔ ŋa abua ndàꞋàtɔŋ Mbɔ̧ɔ̧mà la. Wòt tà sèe wòt ntsɔ̧̀ ambo àfaꞋa ntsɔ̧̀ ŋut la, naa li bɔ àghɨa Mbɔ̧ɔ̧mà naa ŋǎ abua bòt ntsɔ̧̀ la.

Matìù 10:41 ပူးပေါင်းရင်းမြစ်များ

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 25:44

“Ko bɔɔ biite atò mɨ̧̂ nê, ‘Tê, bà li ndzè àwê a ka àfɨꞋa ndzìtsə tèa nku àwê, kò àtɔŋ yê a yu̧ la, kò à wu gɨ̧̀ la, kò àa ngȩ̀ȩ̀nà kà kwaãaã ndǐ, kò ngò̧ò̧nà, kò a lob tèfȩ la bà ka tɨŋe àwê à?’

Matìù 25:45

“Ko tàa bɨ̀ɨ̀le nê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li kaꞋa ghɨ̌ ane we tà lìa a kwèn ane bɔnyɨ bɔ̧ baa la, a wu nê bɨ li kaꞋa wua ngɨa abua am.’

Matìù 6:1

“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.

Matìù 6:18

mbɨ̀Ꞌɨ̀ bòt e ko nê à wua ntsèka kà jɨ àghɨ. Wu ndàꞋ tǎt wè wu bòt àa ka ye atò la, ewu tàa ndzèa mènəè nàa ntsea a ntsèm la ka tàa ye ebɔ ŋa àbȩ̀ yê la.

Matìù 6:4

Ghɨ̀ ale mbɨ̀Ꞌɨ̀ àghɨa à ghɨ̀à la aa wu a ntsèm, tǎt wè wu tàa ndzèa mènəè nàa ntsea a ntsèm la naa ŋa àbȩ̀ àyê.

Matìù 6:6

Ka wòt me tsàꞋte a Mbɔ̧ɔ̧mà tà nyi a èbem àtsəalob àzi, ngèbà ètsələèꞋ mbɔ̂ ntsaꞋta tǎt vi wu kà bɔ wua ndzèa tò la. Tà ghɨ̀ ale, ko tǎt tò wu tàa ndzèa mènəè nàa ntsea a ntsèm la naa ŋa àbȩ̀ atò.

Matìù 7:8

Nkàà nê wòt ègème tà lo̧ la nàà mbɔa, wòt tà kɨ la yea, èwe tà luꞋte ètsələèꞋ la bɔ tsɔꞋa abua tò.

ÀfaꞋa 16:15

Bɔ zì atò a èdzî bɔ̂ bòt lob tò, tà kàꞋ awa nê “Ndɨ̀ wu bɨ laꞋnê e ntsiꞋi ngule wòt Yesò la, bɨ̀ kɨꞋɨ me tseke a lob yaã.” Èngǎ̧ tò wu e ŋwèèlè awa ngɨ̀ ba gha a lob və.

Lûm 16:23

Gayɔ̀s wu màa ntsèka a lob tò la nè bòt chɔsì bàgème bɔ̀ɔ mbù̧ù̧tà a lob tò la aà ntsàꞋtà àwɨ̧. Èlastùs wu tà wu wòt tàa mpàŋa èkab àpfəèà nɨ̧ yaa la bɔ̂ wanyɨ wa Kwatùs aà ntsàꞋtà àwɨ̧. [

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

Ebùlù 6:10

Mbɔ̧ɔ̧mà nàà kà saꞋa ànəê kàbɔ̀ŋ. BetsiꞋa tà kà leene èfàꞋ bɨ̧, nè èkɔŋ wu bɨ nyɨꞋtè nkàà tò la. Bɨ li ngua ntɨ̀ŋa bɔnyɨ bɨ̧ bɔ̀ɔ nkùŋa a Mbɔ̧ɔ̧mà la, mè mbèla ngɨ̀à wuê a èlɨ mbɔŋ.

2 Jɔ̌n 1:8

È wu ale, bɨ̀ me ko awɨ̧ mbɨ̀Ꞌɨ̀ bɨ bi àghɨa bɨ fàꞋà tê mbɔŋ la. Bɨ bɔ ndɨ bɨ̀a bɔ àghɨ àgème Mbɔ̧ɔ̧mà taŋke abua yɨ̧ la.