Matìù 10:3 - Mundani

³ Filìb bɔ̂ Bàtòlomiò, Tɔmasì bɔ̂ Màtìù nɨa mèkab taksì, Jimsì waã Alfeɔ̀ bɔ̂ Tàdià,

Matìù 10:3 ပူးပေါင်းရင်းမြစ်များ

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

Matìù 27:56

Èbeko ayɔɔ ayɔb li ngu Màlià Màdàlin, bɔ̂ Màlià nyɨ̌ Jimsì bɔ̂ Jòsêb nè nyɨ̌ bɔ̧ Zebèdiì.

Matìù 9:9

Yesò lɔ̀Ꞌɔ̀ abot tà me ghà nembì, tà ye wòt mànɨa èkab taksì kǒ èlen tò wu Màtìù la àdzìꞋa àfàꞋ àzi. Yesò shu abua tò nê, “KɨꞋɨ nkùŋè am.” Tà bê ndɔ̀Ꞌ a si nkùŋè atò.

Ntu̧ Ntsɔ̧̀ MAK 15:40

Bèzi ko e li ngu abot bɔ tɨ̧ɨ̧ a endɨ̌ me ye àghɨa ngɨ̀à la. Màlià Màdàlin nè Màlià nyɨ̌ Jimsì tèchɨɨle bɔ̂ Jòsêb nè Sàlomè, e li ngu ayɔɔ bèzi mbɔŋ.

Ntu̧ Ntsɔ̧̀ MAK 2:14

MbɨꞋɨ tàa ngȩ̀ȩ̀tà la, tà yèa nɨà èkab taksì kǒ èlen to wu Levì, waã Alfeɔ̀ tà tsekè àdzìꞋa àfàꞋ àzi la. Yesò shu abua tò nê, “KɨꞋɨ nkùŋè am.” Levì lɔ̀Ꞌɔ a si nkùŋè atò.

Ntu̧ Ntsɔ̧̀ MAK 3:18

Andùlù, Filìb, Bàtòlomiò, Màtìù, Tɔmasì, Jimsì waã Alfeɔ̀, Tàdià, Simùn wu tà lè taꞋa wua nùà mènəè àlaꞋ la,

Lûk 18:10

Nê, “ÈtsəꞋ e li ndɔ̀Ꞌ ntsi, bòt ko babe e gha etsàꞋte a Mbɔ̧ɔ̧mà a èbem lob nɨ̧ Mbɔ̧ɔ̧mà. Wòt wemɔ̀Ꞌ wu Falèsiì, wekǒ wu fetà èkab taksì.

Lûk 18:11

Wòt Falèsiì wu lɔ̀Ꞌɔ a si ntɨ̧ɨ̧ a mbì ntsàꞋtè a èntɨ̧ɨ̧ vi nê, ‘Tǎt wa Mbɔ̧ɔ̧mà leꞋ, mâ taꞋa kɔ̀ŋkè àwê na màa ka ghɨ èghoꞋ, mènəè mɔ̧ ka toŋke mbɨ̀Ꞌɨ̀ me bòt ko, è nka mèe ngua njɨ̀a àbȩ la. Mâ kɔ̀ŋkè àwê na à ghɨ̂ è nka wu mbɨ̀Ꞌɨ̀ fetà èkab taksì via la.

Lûk 18:13

“È me wu a fetà èkab taksì wu, tà tɨ̧ɨ̧ a endɨ̌, tà kà lem ndɔ̀kè àtsə azi a ègwet, mbɔ̂ màꞋà èbu bi a tèkwȩ ti shuê nê, ‘Mbɔ̧ɔ̧mà, ku tèsȩ taã, e ngu wòt kàbɔ̀ŋ.’ ”

Lûk 19:2

Tǎt bèfetà èkab taksì kǒ tà lè taꞋa bɔ èghɨ la wu àpfəè və, bɔ mè tɔ̀ atò nê Zàkià.

Lûk 5:27

Mbɨ̀Ꞌɨ̀ Yesò paa la, tà dzəè a èbem àpfəè və ngà ndze wòt mànɨa èkab taksì kǒ èlen tò wu Levì la, tà tsekè àdzìꞋa àfàꞋ àzi la, shu abua tò nê, “KɨꞋɨ nkùŋè am.”

Jɔ̌n 1:48

Nàtanìà bììte atò nê “À ghɨ̀ na ka nko am à?” Yesò bɨ̀ɨ̀lè nê, “Filìb yaã me laꞋ nê yea ntɔ awê àfɨ̀Ꞌ yu à wu a èten àyɨt a fik la ale, e ndzaŋe ye awê.”

Jɔ̌n 11:16

Tɔmasì wu bɔ̀ɔ ntɔ atò ane wabenyì la, shu abua àbəꞋa bɔkatè ko bu nê, “Bɨ̀ ghɨa bà kùŋe a Tǎt wa mbɨ̀Ꞌɨ̀ epfə ba tò ba nɔ̂.”

Jɔ̌n 14:22

Judàs kǒ (kà wu Iskaliòt) bììte atò nê, “Tê, à ghɨ̀ na ka me kɨ enyɨꞋte awê nè abua ya ka à kà wua nkɨ enyɨꞋte awê abua bòt ngɔ̀ŋ à?”

Jɔ̌n 14:5

Tɔmasì nê, “Tê, ba bakà ko àdziꞋa à ghà la; ale ba wu ghɨ̀ na ka ko èlu̧ à?”

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

Jɔ̌n 21:2

Bɔkatè tò ko e li ngu abot bɔ bù̧ù̧tè la. Bèŋût li ngu Simùn wu èlen tò ko wu Pità la, bɔ̂ Tɔmasì wu bɔ̀ɔ ntɔ ane wabenyì la, nè Nàtanìà wu tà dzəa Kanà a èbem àlaꞋ a Galìlî la, bɔ̂ bɔ̧ Zebèdiì, ndɔ̀Ꞌ nè bɔkatè Yesò ko babe.

ÀfaꞋa 1:13

Bɔ ghà ale nkɔꞋ nga àtsəa lob a ègwet yu bɔɔ wua ndìa a èbèm la. Bɔntu̧ baa li ngu Pità, bɔ̂ Jɔ̌n, nè Jimsì nè Andùlù, nè Filìb bɔ̂ Tɔmasì, nè Bàtòlomiò nè Màtìù ndɔ̀Ꞌ nè, Jimsì waã Alfeɔ̀, bɔ̂ Simùn wu tà li ntàꞋa wua nùà mènəè àlaꞋ la, nè Judàs waã Jimsì.

ÀfaꞋa 12:17

Tà mɨ̀Ꞌtè àbu azi nê bɔ̀ ka tsi ndàꞋ, mbɔ̂ shu awɔb ndɨ Mbɔ̧ɔ̧mà è ghɨ̂ ka ntsì àvi a tèfȩ la. Mbɔ̂ mè nê, “Bɨ̀ shu a Jimsì bɔ̂ bɔnyɨ ba ko bu nê, mâ dzəè a tèfȩ tu.” Mbɔ̂ ngà adzìꞋa tsa.

ÀfaꞋa 15:13

ÀfɨꞋa bɔ paa èngǎ̧ wɔb la, Jimsì lɔ̀Ꞌɔ a si nê, “Bɔnyɨ bɔ̧, bɨ̀ yute èwɔ̧ ne èngà̧.

ÀfaꞋa 21:18

ÈtsəꞋ e tsi, Pɔ̂l nɨ̀ awa nê bà gha ndzea Jimsì. Bɔɔjuŋ ayɔɔ bòt Yesò bu e li ngu a si bàgème.

Gàlashìà 1:19

Mâ ghà ale, e nka ye wantu̧ Yesò kǒ tsa ka nè Jimsì wanyɨ Tè Yesò.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Jimsì 1:1

Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.