Lûk 9:56 - Mundani

⁵⁶ Ndɔ̀Ꞌ bɔ̂ tò ba e baãaã èlu̧ nga àpfəè ako tsa.

Lûk 9:56 ပူးပေါင်းရင်းမြစ်များ

Matìù 18:10

“Bɨ̀ ko mbɨ̀Ꞌɨ̀ bɨ me waa waã kǒ ane bɔtechɨɨle bàa, tsiꞋ è shua wɨ̧ nê, bɔntu̧ Mbɔ̧ɔ̧mà bɔb aa ntsèka nta mènəè mɔb a mbì Tǎt am a ègwet àfɨ̀Ꞌ àgème.

Matìù 18:11

[Waã Wòt li ngua nkɨ̀Ꞌa mbɨ̀Ꞌɨ̀ etsǐ bòt bɔ nyɔ la a èbem kàbɔ̀ŋ e ghɨ̌ bɔɔ peme.]

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 5:39

Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.

Lûk 19:10

Aa ale nkàà nê, Waã Wòt kɨꞋa ekɨ bòt bu bɔ nyɔ la, etsì àwɔb a èbem kàbɔ̀ŋ wɔb.”

Lûk 22:51

Yesò bê shu abua yɔb nê, “Bɨ̀ tsiꞋa yu ale.” Mbɔ̂ mbà̧à̧te àtû̧ atò ngɨ̀ tà pem.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 9:55

Yesò è ghèble avi ŋȩ̀ àwɔb nê, [“Bɨ bakà ko fo yu ane yɨ̧ ngɨ̀à bɨ làꞋà ale la. Waã Wòt li tà kà wua nkɨ̀Ꞌà eliime bɔbȩ, tà li ngua nkɨ̀Ꞌa e ghɨ̌ bɔɔ peme.”]

Lûk 9:57

Mbɨ̀Ꞌɨ̀ bɔ̀ɔ ngà la, wòt kǒ shu abua Yesò nê, “Maa kùŋè awê àdzìꞋ àgème àa ngà la.”

Jɔ̌n 10:10

Tsɔŋ nàa ngɨ̀ tà wua nkɨ̀Ꞌa wuê mbɨ̀Ꞌɨ̀ etsɔ, ebùŋe, tsòke. E ndɨ nkɨ̀Ꞌɨ̂ mbɨ̀Ꞌɨ̀ e ghɨ̌ bòt aa bɔ mèmpème, mbɔ̂ ngu ebɔ mùà nènkèm.

Jɔ̌n 12:47

“Wòt zəa mèngǎ̧ mɔ̧ mbakà ghɨ mbɨ̀Ꞌɨ̀ nàa shua la ko è nka saꞋa tò a, nkàà nê e ndi è nka wua nkɨ̀Ꞌa saꞋa bòt ngɔ̀ŋ, e ndi ngua nkɨ̀Ꞌa ŋa wɔb mèmpème.

Jɔ̌n 3:17

Mbɔ̧ɔ̧mà li tà kà wua ntsàà Waã vi a ngɔ̀ŋ ŋaa nê tà kɨꞋɨ ndzì ndɔ̀ àtsəa bòt. Tà li ngua ntsaa atò mbɨ̀Ꞌɨ̀ taa ghɨ̌ bòt aa bɔ mèmpème.

Lûm 12:21

Ka mbɨ̧̀ɨ̧̀ne kàbɔ̀ŋ màꞋà awê a si, ka tsiꞋi ntsɔ̧̀ wu àa ngɨ̀à la màꞋa kàbɔ̀ŋ a si.

1 Tɔ̀màtià 1:15

Èngà̧ waa e shua la wu ngule èngǎ̧ bòt e wu ebɨ̧ɨ̧ne, e mě zì mèntɨ̧ɨ̧ mɔb ègème adù̧ la. Yesò Klistò li nkɨ̀Ꞌɨ̂ a ngɔ̀ŋ ŋaa etsǐ bòt a èbem ndɔ̀ kàbɔ̀ŋ wɔb, e mbɔ̂ ngɨ̀a a kàbɔ̀ŋ tè ntsè bòt bàgème.