Lûk 9:44 - Mundani

⁴⁴ “Bɨ̀ zi ànəê yaa e nkɨ eshu awɨ̧ la a mèntɨ̧ɨ̧ mɨ̧. Bɔɔ baãaã Waã Wòt ezǐ a tèkitebu bɔbȩ.”

Lûk 9:44 ပူးပေါင်းရင်းမြစ်များ

Matìù 16:21

E buꞋu àfɨꞋa mbɔŋ e ghà nè mbì, Yesò bùꞋ me shu bɔkatè bi ndɨ yèa ghǎ a Jèlusalèm e tàꞋa ye ngoꞋ a tèkitebu bɔɔjuŋ nè bètǎt bèntsìà mèpɨ̧̀ Mbɔ̧ɔ̧mà ndɔ̀Ꞌ nè bènyɨꞋtà mbɨ̧te Musì la. Nè, bɔɔ̀ li ebùŋè àvi ka naa me wu ane èlibȩ betat yea yu̧u̧me.

Matìù 26:2

“Bɨ̀ ko nê, è tsìꞋi èlibȩ bebe, èpǎ̧ Màntsea a ègwet e kɨꞋɨ̀, è wù àlia bɔ̀ɔ baãaã Waã Wòt ezǐ a tèkitebu bòt, bɔ̀ɔ wu̧u̧te atò a mbɨ̧̀ mbasa la.”

Ntu̧ Ntsɔ̧̀ MAK 8:31

Yesò li mbùꞋ me nyɨꞋte bɔkatè bi nê, “Waã Wòt bɔ ndɨ tàa ye ngoꞋ nyaŋ la. Bèkěm nè bɔɔjuŋ nè bèntsìà mèpɨ̧̀ nè bènyɨꞋtà mbɨ̧te Musì, aa tsìa tò ayɔɔ, ebùŋe atò, ka naa me wu ane èlibȩ betat taa yu̧u̧me.”

Ntu̧ Ntsɔ̧̀ MAK 9:31

nkàà nê tà li ngua nyɨ̀Ꞌta bɔkatè bi shua nê, “Bɔɔ baãaã Waã Wòt ezǐ a tèkitebu bɔbȩ bɔɔ bùŋe atò, ka naa me wu ane èlibȩ betat, taa yu̧u̧me.”

Lûk 1:66

Bòt bàgème bɔ zə mènəè maa la, bɔ nɔ̀ŋè a mèntɨ̧ɨ̧ mɔb, ndɔ̀Ꞌ mbììte nê “Waã waa naa li wu wà à?” È li ngu nkûŋ nê mètàŋ Mbɔ̧ɔ̧mà li ngu ane tò.

Lûk 18:31

Yesò nɨ bɔkatè bi bu ntsɔ̀b babe la ngà a ntsèm, è shu awɔb nê, “Bɨ̀ zə, ba wua nkɔꞋɔ ngà a Jèlusalèm, àdziꞋa àghɨ àgème bèndàꞋàtɔŋ Mbɔ̧ɔ̧mà e le shu ane Waã Wòt la àa te la.

Lûk 2:19

Màlià zìambɔŋ li ngua nkù̧ù̧ta mènəè maa ègème mbɔ̂ me mɨ̀ɨ̀tè mùà a èntɨ̧ɨ̧ vi.

Lûk 2:51

Ale, Yesò lɔ̀Ꞌɔ a si nkua akwèn bɔ̂ tò ba ngà a Nazàlet, mè me zə awɔb nɨ̀a ngà nè mbì. Nyɨ̌ tò li ngua nkù̧ù̧ta mènəè maa ègème mè me mɨ̀ɨ̀te mua a èntɨ̧ɨ̧ vi.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Lûk 9:22

“Waã Wòt bɔ ndɨ tàa ye ngoꞋ nyaŋ la. Bèkěm, nè bɔɔjuŋ bèntsìà mèpɨ̧̀, nè bènyɨꞋtà mbɨ̧te Musì aa bùŋe atò, ka naa me wu ane èlibȩ betat taa yu̧u̧me.”

Jɔ̌n 16:31

Yesò bɨ̀ɨ̀lè nê, “Tè bɨ zì mèntɨ̧ɨ̧ mɨ̧ ane yaã àfɨ̀Ꞌ yaa à?

Jɔ̌n 16:4

Ka e shu awɨ̧ mènəè maa mbɨ̀Ꞌɨ̀ è lɔ̀Ꞌɔ è te bɨ ku̧u̧tè nê mâ yaŋe làꞋa ànəa mùà abua yɨ̧. E ndi è nka shu awɨ̧ mènəè maa àfɨ̀Ꞌ yu bɨ li mbùꞋ me kùŋè am la, nkàà nê ba nɨ̧̀ ba e li ngu nɔ̂.

Jɔ̌n 19:11

Yesò bɨ̀ɨ̀lè nê, “BetsiꞋa à kà ghɨ̌ àghɨ adù̧ yaã kà Mbɔ̧ɔ̧mà làꞋ nê, à wu ale. Ale, wòt wu tà baãaã am ŋǎ abua yê la, ghɨ ànəa kàbɔ̀ŋ tè ntsè awê.”

ÀfaꞋa 2:23

Mbɔ̧ɔ̧mà zìambɔŋ li ndzaŋe làŋke mè nko ndɨ bòt kàbɔ̀ŋ aa li ŋa Yesò abua yɨ̧ la. Bɨ li ngɨ̀ bòt kàbɔ̀ŋ e wu̧u̧te atò a mbɨ̧̀ mbasa, mbùŋè.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.