Lûk 9:41 - Mundani

⁴¹ Yesò bɨ̀ɨ̀lè nê “Bɨ̀a waa bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Ale, tà shu abua wòt wu nê, Nɨ waã wè nɨŋ nkɨ̀Ꞌɨ̂ adzìꞋ yaa!”

Lûk 9:41 ပူးပေါင်းရင်းမြစ်များ

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

Matìù 12:39

Yesò bɨ̀ɨ̀lè nê “Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨa nkɨà nê è nyɨꞋte awɨ̧ àlȩê ka bɨ̀ ka wu ye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.

Matìù 12:45

è mè ngà nɨ fote kàbɔ̀ŋ ko tesà̧à̧mbe te bɨɨtè ntsè yùà la nɨŋ kɨꞋɨ bɔ tseke a èbèm. À ghǎ a me lìa ŋut bê bɨɨ tê ntsè ndɨ tà ghɨ̂ ndzaã ngu la. Eyaa wu ndɨ àa li wu ane àndǎ̧ kàbɔ̀ŋ yaa laane la.”

Matìù 16:4

Bòt laane wu bòt kàbɔ̀ŋ bɔ̀ɔ ka bɔa Mbɔ̧ɔ̧mà la. Bɨà nkɨà nê è nyɨꞋte awɨ̧ àlȩê ka bɨ̀ ka wu eye. NdàꞋ èwuu ànəa kà ye fɨ̀Ꞌ màa nyɨꞋte awɨ̧ la wu à yu Mbɔ̧ɔ̧mà li ngɨ̀ ane Jɔnà la.” Tà ghɨ̀ ale, sà àwɔb me ghǎ.

Matìù 17:17

Yesò bɨ̀ɨ̀lè nê “Bɨ̀a wàà bɨ wu àndǎ̧ kà koa Mbɔ̧ɔ̧mà, mè ngu bòt kàbɔ̀ŋ! Màa tseke ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ̀ nɨ waã mbɔŋ nkɨ̀Ꞌɨ̂ adzìꞋ yaa ŋǎ abua am!”

Matìù 23:36

TsiꞋ è shu awɨ̧ ane nkûŋ nê, ànyem bòt baa bàgème aa li nɔ̀ŋke akedû̧tsə bòt laane wàa.

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

Ntu̧ Ntsɔ̧̀ MAK 10:14

Yesò è ye ndɨ bɔ ghɨ̀à la, a saa tò tà shu abua bɔkatè bi bu nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨ̀Ꞌɨ̀ bɔ̀ɔ̀ba wàà.

Ntu̧ Ntsɔ̧̀ MAK 10:49

Yesò tɨ̧ shu nê, “Bɨ̀ tɔ tò.” Ale, bɔ tɔ wòt àghɨ àleme wu nê, “WùꞋtè àwê; kȩ ndɔ̀Ꞌ a si, Yesò nàa ntɔ awê!”

Ntu̧ Ntsɔ̧̀ MAK 9:19

Yesò bɨ̀ɨ̀lè nê, “Bɨ̀a waa bɨ wu àndǎ̧ kà koa Mbɔ̧ɔ̧mà. Màa tseka ba nɨ̧̀ ba te e ghǎ wu a ka àfɨ̀Ꞌ à? Màa kuule èntɨ̧ɨ̧ am ane yɨ̧ te e ghǎ wu a ka àfɨ̀Ꞌ à? Bɨ nɨ waã mbɔŋ nkɨ̀Ꞌɨ̂ àdzìꞋ yaa ŋǎ abua am!”

Lûk 8:25

Tà bììte awɔb nê, “Èghǎ ghɨ̂ ka bɨ̀ ka zi èntɨ̧ɨ̧ wɨ̧ ane yaã à?” A taꞋa tsè àwɔb, bɔ bɔ̀ɔ ànyaꞋne, mbùꞋ me làꞋte a kètsìà wɔb nê, “Eyaa chɨɨme ngu wà ka àfeme bɔ̂ mèleb a me zəèa tò à?”

Lûk 9:40

Mâ yaãaã shù̧ù̧te bɔkatè bê nê bɔ̀ fəa yùà ka bɔ̀ fəè kekaŋ.”

Lûk 9:42

Mbɨ̀Ꞌɨ̀ waã wu lɔ̀Ꞌ te me kɨꞋɨ la, fo kàbɔ̀ŋ yu ŋeꞋe atò màꞋa a si ngɨ̀ àtsəadzə a lɔ̀Ꞌɔ ane tò. Yesò bê ŋȩ fo kàbɔ̀ŋ yu, mbəè waã wu, mvəèəè atò abua tǎt tò.

Jɔ̌n 14:9

Yesò shu abua tò nê, “Nko nê à bele kà ziꞋ nko am ane àfɨ̀Ꞌ à seè yaa mâ tseke ba nɨ̧̀ ba la a Filìb? Wòt tà ye am la ko nê, ye ye Tǎt am. À ghɨ̀ na ka nê è nyɨꞋte awɨ̧ a Tǎt am à?

Jɔ̌n 20:27

Tà làꞋ ale mbɔ̂ shu abua Tɔmasì nê, “Zì kèti fê a si ŋàa mbɔ̂ ndȩ̀ èbu bɔ̧ ndze, mè ntsàà àbu ayê mbà̧à̧te àbâ mbɨ̧̀ am. Bɨ̧ɨ̧ne, à ka tsi màkè.”

ÀfaꞋa 13:18

bɔ me ghɨ̀ mènəè kà kuêꞋ, ka tà bɔ̂ nkùùle èntɨ̧ɨ̧ vi ntsèke bɔ̂ tò ba ane èngùꞋ èghem yekwì àbâ àlaꞋ àyuube.

ÀfaꞋa 2:40

Pità làꞋà mènəè nyaŋ nɨŋ shù̧ù̧te awɔb, mè səèŋkè ètû̧ bɔb nê, bɔ̀ kubte ane mènəè kàbɔ̀ŋ mɔb mbɨ̀Ꞌɨ̀ ngoꞋ yaa nga ekwene a ègwet bòt kàbɔ̀ŋ la, è kwene a ègwet lɔb mɨ̧̂.

Lûm 2:4

Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

Ebùlù 3:19

Ale, ba ye nê bɔ li bɔ̀ ka nyi a èbem àdziꞋa mbɔŋ nkàà nê bɔ li bɔ̀ ka bɨ̧ɨ̧ne ànəa Mbɔ̧ɔ̧mà shu la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

Ebùlù 4:2

Ba li ndzəâ Ntu̧ Ntsɔ̧̀ Mbɔ̧ɔ̧mà wuê mbɨ̀Ꞌɨ̀ bɔ li ndzə la, ka ndzə ale èngǎ̧ mbɔŋ è ka ghɨ a ntsɔ̧̀ ko ane yɔb nkàà nê, bɔ li bɔ̀ ka bɨ̧ɨ̧nè a mèntɨ̧ɨ̧ mɔb nê Mbɔ̧ɔ̧mà naa ghɨ̀ mbɨꞋɨ̀ tà shu la.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.