19 Bɔ bɨ̀ɨ̀lè nê “Bòt ko aà shua nê à wu Jɔ̌n ndzìà èdzî, èbeko e shua nê à wu Èlȩjà, ka nè èbe bèa shua nê à wu ndàꞋàtɔŋ nyaꞋ Mbɔ̧ɔ̧mà kǒ tà yu̧u̧me la.”
Tà zə ale, shu abua bètsoêꞋ bi nê, “Mbê waa nàa nè ngu Jɔ̌n ndzìà èdzî tà yu̧u̧me la. Eyaa wu àghɨ yu a ghɨ̂ ka tà me ghɨ̀ tèwuute ènəê taà la.”
È lè wu àfɨꞋa mbɔŋ Jɔ̌n ndzìà èdzî kɨ̀Ꞌɨ̂ me làꞋa èngǎ̧ Mbɔ̧ɔ̧mà àbâ àlaꞋ àyuube a Jùdià shua nê
È li ngu àfɨꞋa mbɔŋ fɔ̧̀ Elɔ̀d zə èghɨ è le wua ngɨ̀à la nkàà nê èlen Yesò e li ntàꞋa ghȩ̀ȩ̀ne. Bòt ko e li ntsìꞋa shua nê, “Jɔ̌n ndzìà èdzî è yu̧u̧mè! Eyaa wu àghɨa a ghɨ̀ ka tà bɔ mètàŋ me ghɨ̀ tèwuute mènəè maa la.”
Bòt ko e me shu nê, “Wu Èlȩjà.” Èbeko e me shu ayɔb nê “Tà wu ndàꞋàtɔŋ Mbɔ̧ɔ̧mà mbɨ̀Ꞌɨ̀ èbe èlia mbì.”
Yesò li me tsàꞋte a Mbɔ̧ɔ̧mà àfɨ̀Ꞌ àko zìa ndziꞋne, bɔkatè tò e kɨꞋɨ̀ nkwène ane tò. Tà bììte awɔb nê, “Bòt àa shua nê, è ngu wàà?”
Tà mè ntsìꞋi biite awɔb nê, “È me wu awɨ̧ bɨ shu nê è ngu wàà?” Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la.”
Tà làꞋ ale, bɔ mè mbììte nê, “Tè à wu wàà? À wu Èlȩjà?” Jɔ̌n bɨ̀ɨ̀lè èngǎ̧ wɔb nê, “ÀwɔꞋ e ntsě tòà.” Bɔ mè mbììte atò nê, “Tè à wu ndàꞋàtɔŋ Mbɔ̧ɔ̧mà wu bɔ̀ɔ nchɨ̀Ꞌà la à?” Tà nê “ÀwɔꞋ.”
Bɔ mè mbììte a Jɔ̌n nê, “À bakà wu Fɔ̧̀ wu Mbɔ̧ɔ̧mà li ndzɔꞋ etsàà la, mbakà wu Èlȩjà mè mbakà wu ndàꞋàtɔŋ Mbɔ̧ɔ̧mà, ghǎ a ghɨ̀ ka à me zǐ bòt a èdzî à?”
Bòt e zə mèngà̧ maa ale èbeko ane yɔb e nê, “Mbê waa lâ ngu ndàꞋàtɔŋ Mbɔ̧ɔ̧mà wu baa nchɨ̀Ꞌà la.”
Ale, bɔ mè mbììte wòt mbɔŋ nê, “Àwɔ̀ mbɔŋ àa shua nè ghà ane mbê waa tà ghaꞋa àghɨ a yê la à?” Tà bɨ̀ɨ̀lè nê, “Tà wu ndàꞋàtɔŋ Mbɔ̧ɔ̧mà.”