Lûk 9:11 - Mundani

¹¹ Mbɨ̀Ꞌɨ̀ bòt e zə la, bɔ nkùŋè atò. Tà sèè àwɔb mè shu awɔb mènəè kèfɔ̧̀ Mbɔ̧ɔ̧mà mbəâ bòt bɔ̀ɔ ngò̧ò̧nà la.

Lûk 9:11 ပူးပေါင်းရင်းမြစ်များ

Matìù 12:15

Mbɨ̀Ꞌɨ̀ Yesò zə ànəa mbɔŋ la, tà lɔ̀Ꞌ abot me ghǎ. Bòt nyaŋ e me kùŋe atò tà bə bòt àghɔ̧ bàgème.

Matìù 14:14

Yesò me dzəâ a èbem ànkànuꞋ yu, ndzè taꞋà ènɔ̧̂ bòt bu, tèsȩ tɔb te kua tò, tà bùꞋ me bə bòt àghɔ̧ bèa a kètsìà wɔb la.

Matìù 21:31

“Yesò làꞋ ale mbɔ̂ mbììte nê ane bɔ̧ bàa babe la wàa li ngɨ̀ àghɨa tǎt tò li ngua nkɨà nê tà ghɨa la à?” Bɔ bɨ̀ɨ̀lè nê “Èwe mbì.” Ale, Yesò shu abua yɔb nê “Ane nkûŋ tsiꞋ è shua wɨ̧ nê, bèfetà èkab taksì nè bèghȩ̀ȩ̀nè ghȩ̀ȩ̀ne aa pààtè àwɨ̧ wàa e nyi a Kèfɔ̧̀ Mbɔ̧ɔ̧mà.

Matìù 21:43

“Ale, Yesò mè nê ‘TsiꞋ è shua wɨ̧ nê bɔɔ nɨ àdziꞋ yu Mbɔ̧ɔ̧mà ŋa abua yɨ̧ a èbem Kèfɔ̧̀ vi la eŋa abua bòt bɔɔ ghɨ̌ àghɨa Mbɔ̧ɔ̧mà nàa nkɨà la.’ ”

Lûk 1:53

Tà jɨɨ bòt ndzìtsə tèa nkua wɔb la ane èghɨ ntsɔ̧̀, èfèle bòt èkab bɔ ghà èbu fə.

Lûk 5:31

Yesò bɨ̀ɨ̀lè nê, “Bòt kekweelè aà kà kɨ ngàŋ. Bèngɔ̧̀ ka bɔ̀ɔ nkɨà ngàŋ la.

Lûk 8:1

Àfɨ̀Ꞌ a li ntsèke tè me wu, Yesò me ghȩ̀ȩ̀na ntsea a èpfəè nɨ̧ nè èbe techɨɨle ntsɔ̀tà Ntu̧ Ntsɔ̧̀ Kèfɔ̧̀ Mbɔ̧ɔ̧mà. Bɔkatè tò bu ntsɔ̀b babe la e wu bɔ̂ tò ba nɔ̂,

Lûk 8:10

Tà shu nê, “Bɔ ŋa wɨ̧ èyì a mànkoa ènəê ndò̧ Kèfɔ̧̀ Mbɔ̧ɔ̧mà, ka è me wu bòt ko, ko bɔɔ̀ ndzəèa mènəè ègème ane mèngà̧teme, ‘Mbɨ̀Ꞌɨ̀ bɔ̀ lâ bɔ̀ lɨŋka, bɔ̀ ka ye, bɔ̀ yute, bɔ̀ ka zə.’

Lûk 9:10

Bɔntu̧ bu bè kuà, bɔ shua Yesò àghɨ àgème bɔ ghɨ̀ la. Tà nɨ̀ àwɔb bɔ̂ tò ba e səèꞋtè àwɔb ngà àpfəèà nɨ̧ ako bɔ̀ɔ ntɔ nê Bèsedà la.

Lûk 9:12

È me wu àfɨꞋa nyèm tsiꞋa mbàꞋà la, bɔkatè bu ntsɔ̀b babe la e kɨꞋɨ̀ shu abua tò nê, “Ghɨa bòt baa e taate nga a èbem èpfəè nè mbȩ tu a ngèt àdzìꞋa yaa la nkɨ èghɨjɨ nè èdziꞋa màndia, nkàà nê eyaa wu àdziꞋa kà ye bòt.”

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

Jɔ̌n 4:34

Yesò shu abua yɔb nê, “Èghɨjɨ bɔ̧ wu nê è ngɨ̀ àghɨa wòt wu tà tsàà am la nàa nkɨà la, mè paa àfàꞋ yu tà ŋa abua am la.

Jɔ̌n 6:37

Waa waa Tǎt am nàa ŋǎ abua am la naa kɨꞋɨ etsiꞋi wòt am, è nka mèe ngu efəâ wòt kǒ tà kɨꞋɨ abua am la.

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

Lûm 10:14

Bòt àa tɔ atò nǎ kà zì mèntɨ̧ɨ̧ mɔb ane tò à? Bɔ mè ngu zì mèntɨ̧ɨ̧ mɔb ane tò na kà zə ànəa tò à? Bɔ̀ɔ zə na kà ye wòt tà tsɔ̀te èngǎ̧ Mbɔ̧ɔ̧mà abua yɔb la à?

Lûm 10:17

Ale, wòt nàa ngɨ̀ tà zə èngà̧, ka tà zì èntɨ̧ɨ̧ vi ane Mbɔ̧ɔ̧mà, èngǎ̧ mbɔŋ wòt zə la, wu èngǎ̧ bɔ̀ɔ ntsɔ̀tà ane ànəa Yesò Klistò la.

Lûm 15:3

Yesò Klistò li tà kà ghɨ̂ wuê àghɨa àa mbɔ̀ àvi la. A wu mbɨ̀Ꞌɨ̀ bɔ shɨ ànəa tò a èbem Àkata Mbɔ̧ɔ̧mà la nê, “Tèntsɔ̧̀ɔ̧̀mè tu bòt e li ntsɔ̧̀ɔ̧̀te àwê adù̧ la tê nɔ̀ŋke a ègwet laã.”

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.