9 Bɔkatè Yesò e biite atò lə èngà̧teme wàa.
ÀfɨꞋa mbɔŋ, bɔkatè Yesò e kɨꞋɨ mbììte atò nê, “À ghɨ̀ na ka me làꞋa abua bòt bu ane mèngà̧teme à?”
“Bɨ̀ zə lə èngà̧teme wu ane wòt wu tà li nga esà èsaãaãme vi la.
AfɨꞋa mbɔŋ Yesò sà ènɔ̧̂ bòt bu nga a lob, me ghǎ bɔkatè tò e kuŋe atò, shu abua tò nê, “Shu awa lə èngà̧teme wu ane afəèꞋ kàbɔ̀ŋ wu a mbȩ la.”
Pità shu abua tò nê, “Shu awa lə èngà̧teme wàa.”
È lè wu àfɨꞋa Yesò tseke zìa ndziꞋne la, bòt ko bɔ̀ le zə ndɨ tà làꞋà la, nè bɔntu̧ tò e kɨꞋɨ̀ nê tà shua wɔb lə mèngà̧teme mu.
Tà le kaꞋa wua mbê ndàꞋà ànəê abua yɔb kà zi ane èngà̧teme. Ka è wu àfɨꞋa tà wu zìa ndziꞋne nè bɔkatè bi la, tà yààtè ànəê àgème shua wɔb.
È nka tsi tɔ awɨ̧ ane bɔ̧ àfàꞋ bɔ̧a, nkàà nê wafàꞋ nàà kà ko ntsèmte tǎt àfàꞋ vi, ka mâ tsiꞋa ntɔ awɨ̧ ane bèshu̧ bɔ̧ nkàà nê, mâ shua wɨ̧ ànəa àgème mâ zə abua Tǎt am la.
