54 Ka Yesò baãaã àbu a waã wu nê, “Waã am, lɔ̀Ꞌɔ a si!”
Mbɨ̀Ꞌɨ̀ bɔ tsàà ènɔ̧̂ bòt bu àbȩ la, tà nyi a lob mbà̧à̧ waàvi wu ane àbu tò, tà lɔ̀Ꞌ a si.
Tà ghà a ngèt àvi wu mbà̧ àbu atò, ndɔ̀kè atò a si. Sɔ̧̀ɔ̧̀nà wu bê sà tò, tà lɔ̀Ꞌɔ a si mbùꞋ me taŋke awɔb.
Yesò baãaã wòt àghɨ àleme wu ane àbu atò nɨŋ ndzəè a èbem àpfəè və. Yesò dzəè ale, tà tsəè mat ane àghɨ a mbê wu, nɔ̀ŋè èbu bi ane tò, mbɔ̂ mbììte atò nê, “Tè à ye èdziꞋ?”
Yesò baãaã waã wu ntɨ̀ŋe atò tà lɔ̀Ꞌ ntɨ̧ɨ̧ àtatsi.
Mbɨ̀Ꞌɨ̀ bɔ kɨꞋɨ̀ tê ndzəè a lob la, Yesò nyî, ka tà kà bɨ̧ɨ̧nè wòt tsa ka nè Pità bɔ̂ Jɔ̌n nè Jimsì nè tǎt waã wu bɔ̂ nyɨ̌ tò e nyî a lob.
Bɔ me wȩ̀ȩ̀te atò, na bɔ li nko nê tà pfə tê fi la.
Tà bê njù̧ù̧me, ndɔ̀Ꞌ a si. Yesò shu nê, bɔ̀ kɨ àghɨ ŋa tà jɨ.
Mbɨ̀Ꞌɨ̀ Yesò tsàꞋte Mbɔ̧ɔ̧mà a èlɨ waa la, tà ŋȩ̂ ane àtɔŋ nɨ̧ nê, “Lazalɔ̀s, dzəa àbȩ!”
KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.
Pità fəè bòt bàgème ntsaa àbȩ, mbɔ̂ ntem tènjûŋ ti a si ntsàꞋte a Mbɔ̧ɔ̧mà, mbɔ̂ ngèble avi è shu abua mpfəà wu nê, “Tàbità, lɔ̀Ꞌɔ a si.” Tà ghàꞋa àghɨ azi ndze Pità me lɔ̀Ꞌɔ a si.
mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mâ ghɨ̀ awê nê àa wu tǎt èlaꞋ nyaŋ.” Ale, Abàlàghâm wu tǎt wa a mbì Mbɔ̧ɔ̧mà wu tàa njù̧ù̧me bèmpfəà mè ngɨ̀a èghɨ kà zìꞋì ngu e kɨꞋà ngua mbɨ̀Ꞌɨ̀ tà kàꞋà la.
