Lûk 8:13 - Mundani

¹³ Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

Lûk 8:13 ပူးပေါင်းရင်းမြစ်များ

Ntu̧ Ntsɔ̧̀ MAK 6:20

ngu nê Elɔ̀d li ngua mbɔ̀a a Jɔ̌n, ndɨ̀ wu tà lè ko nê tà wu wòt ntsɔ̧̀, mè ngu wòt Mbɔ̧ɔ̧mà la, ale, tà nɔ̀ŋè atò ntsɔ̧̀. Elɔ̀d li ngua nkɔ̀ŋkà e zə èngǎ̧ Jɔ̌n, ka tà zə a tàꞋa kɨ̀Ꞌne atò.

Lûk 8:12

Èsaãaãme wu e kwente alu̧ la, wu mbɨ̀Ꞌɨ̀ bòt bu bɔ̀ɔ ngɨ̀ bɔ̀ zə èngǎ̧ Mbɔ̧ɔ̧mà, Satàn wòt kàbɔ̀ŋ kɨ̀Ꞌɨ̂ ntsì wùà a mèntɨ̧ɨ̧ mɔb mbɨ̀Ꞌɨ̀ bɔ bɨ̧ɨ̧nè èngǎ̧ mbɔŋ Mbɔ̧ɔ̧mà ghɨ̀ bɔ pem la.

Lûk 8:14

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la.

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

Jɔ̌n 15:6

Wòt bakà wu àghɨ yeamɔꞋ nè nà̧, tà ko nê ye wu mbɨ̀Ꞌɨ̀ èntaãaã àyɨt yu bɔ̀ɔ ngɨ̀ bɔ lo ngwaꞋ e yu̧ la. Bɔ̀ɔ ngɨ̀ bɔ fetè èwuu mèntaãaã màa, maꞋa èwet ntò̧.

Jɔ̌n 5:35

Èngǎ̧ Jɔ̌n e li ngu mbɨ̀Ꞌɨ̀ èkaꞋà àa mbèꞋa mbàŋà èdziꞋ la, bɨ mè kɔ̀ŋkè ewùꞋtè àwɨ̧ a èbem èkaꞋà ngaa ane àfɨ̀Ꞌ àko.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 15:2

Wu Ntu̧ Ntsɔ̧̀ yaa nàa ghɨ̌ bɨa pema la na bɨ baãaã èngà̧ wu e ndi ndaꞋa abua yɨ̧ la me kweele adù̧ la. E bakà wu li ghɨ̌ bɨa peme, ko bɨ li mbɨ̧̀ɨ̧̀ne wùà àku.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 3:4

Bɨ li ngua ndzèa taꞋà ngoꞋ yu ale wuê àku? Mâ mɨɨtè nê è li è kà wu àku.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 2:7

Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.

1 Tèsàlonikà 3:5

Mbɨ̀Ꞌɨ̀ à yaa a ghɨ̀ e ntsiꞋa mbà̧aã èntɨ̧ɨ̧ am kekaŋ la, e tsàa a Tɔ̀màtià nê tà kɨꞋɨ ndzě ndɨ bɨ̀a mbà̧aã ànəa Yesò la. Me ghɨ̀ ale ngua mbɔ̀ɔ̂ mbɨ̀Ꞌɨ̀ ateko Satàn è kubte mèntɨ̧ɨ̧ mɨ̧ tè ngɨ̀ àfàꞋa ya yu ba li nkɨ̀Ꞌɨ̂ abàꞋ ŋu ngɨ̀ la a tsè àku.

1 Tɔ̀màtià 1:19

Me zi èntɨ̧ɨ̧ wê wuê ane Mbɔ̧ɔ̧mà, mè ngɨ̀ èntɨ̧ɨ̧ wê è ka me fèèlè àwê a mbì tò. Bòt ko aà və bɔ tu̧u̧ e ghɨ̀ mènəè bɔ ko nê è kùꞋù la, tè ntsì mèntɨ̧ɨ̧ mɔb ane Yesò Klistò la.

Ebùlù 10:39

Ba ntsě èwuu bòt bu bɔ̀ɔ ntsìà èntɨ̧ɨ̧ wɔb ane Mbɔ̧ɔ̧mà ndema la. Ka ba wu èwuu bòt bu bɔ̀ɔ ndzìà mèntɨ̧ɨ̧ mɔb ane Mbɔ̧ɔ̧mà mbɔ̌ mèmpème la.

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.

2 Pità 2:20

Wòt bùꞋà tè me ko a Lefɨ̀Ꞌ wa wu tà wu Mpemnà la, tè me luula èbɨꞋte èghɨ bu e li ngua ntsòka tò a ngɔ̀ŋ ŋaa la, mbɔ̂ mè nkua akwèn ngwènè a èbem èbɨꞋte èghɨ mbɔŋ, e mè nkùùle atò, ko mèntsèke tò naa bɨɨ te tsě ndɨ è li ndzaãaã ngu ka tà ko a Yesò la.

2 Pità 2:22

Àghɨa a li ngɨ ane èwuu bòt baa la a ghɨ̂ mèngà̧teme màa è te. Nê, “Abə tɨ mè nkua akwèn ngà me jɨ ètɨɨ mbɔŋ”, “Èkunyà̧ bɔ shùù la e kua akwèn ngà me fèlè àvi a èbem àtɔ̀blè.”

1 Jɔ̌n 2:19

Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.