Lûk 7:8 - Mundani

⁸ Mmɔ̌ mbɔŋ e ngu a èten bètǎt bèshujà ko, mè mbɔ̀ èbeko nè bèshujà a èten laã. Màa ngɨ̀ e shu abua waa nê ‘Ghǎ’, tà ghà, shu abua via nê ‘KɨꞋɨ’, tà kɨ̀Ꞌɨ̂, shu abua àbùꞋ am nê ‘Ghɨ àghɨ yaa’, tà bê ngɨ̀.”

Lûk 7:8 ပူးပေါင်းရင်းမြစ်များ

Lûk 7:7

È nka mě nkùꞋ we màa kɔꞋɔ a mbì lê a nkèm yaã la. Bê ndàꞋ èngà̧, ko wafàꞋ am naa peme.

Lûk 7:9

Mbɨ̀Ꞌɨ̀ Yesò zə èngǎ̧ tò wu la, a bê ntsè atò, tà shu abua banɔ̧̀ bu nkùŋà vi la nê, “Maa shua wɨ̧ nê, e mbakà ye wòt kǒ ka wuê ayɔɔ bòt Izəèlȩê tà bɔ ngɨŋa ntɨ̀ yaa mbê waa è bɔ ane yaã la.”

ÀfaꞋa 23:17

Pɔ̂l wu, tɔ wajûŋ banyà̧ kǒ, shu abua tò nê, “Nɨ wakèsà waa nga abua tǎt banyà̧ wu, tà bɔ ànəê àko tàa nkɨ eshu abua tò la.”

ÀfaꞋa 23:23

ÀfɨꞋa mbɔŋ, tǎt banyà̧ wu tɔ bɔɔjuŋ banyà̧ ko babe, shu abua yɔb nê, “Bɨ̀ taŋke banyà̧ ènkɨ̀ yebe, bɔ̀ɔ gha Sìsalìà la. Bɨ̀ taŋke beko èghem yesà̧à̧mbe bèa kɔꞋɔ a ègwet bèloà la, fɔ̀ɔ̀lè ne èbeko ènkɨ̀ yebe bèa bèà tèghɔŋtsə la. Bɨ̀ me taŋke ale, bɨ ko nê, naa me wu ane nyèm tebəèꞋa ètsəꞋ waa, bɨ lɔꞋɔ a mànga.

ÀfaꞋa 23:26

Wu mmɔ̌ Klɔdìàs Lȩsìàs mâ shɨ àkatè yaa abua yê: Ndì Gɔvanɔ̀ Felìk la. Maà ntsàꞋtà awê.

ÀfaꞋa 23:31

Banyà̧ bu e ghɨ̀ mènəè ègème tà shu la, nɨ a Pɔ̂l ètsəꞋ mbɔŋ nga a endɨ̌ tè ngu àpfəè yu è wû Àntipatìs la.

ÀfaꞋa 24:23

Tà ghɨ̀ ale, tà shu abua wajûŋ banyà̧ wu tàa mbààba a Pɔ̂l la nê, tà nɨ atò nɨŋ ngà. Mbɔ̂ mè nê, tà ka me lɨ̀ŋke atò nyaŋ, nê tà nyaꞋa ŋa atò èlu̧ ndɨ betsiꞋa bèshu̧ tò e ko ŋa atò èghɨ tàa nkɨ̀ŋkà la.

ÀfaꞋa 25:26

Ka e mbakà lem ndzè ngule ànəê ane tò waa màa shɨ abua empelɔ̀ wu la. È wu ale, mâ nɨ atò nɨŋ nkɨ̀Ꞌɨ̂ a si ŋàa a mbì lɨ̧ bɨ fɔ̧̀ Aglipà ba, nê tà làꞋa èngǎ̧ vi zìambɔŋ, fɔ̧̀ Aglipà zə. Ba me wu ale mbàŋè ànəa ngaa tè ndze, ko mâ ko ànəa màa shɨ abua empelɔ̀ wu la.

Kɔ̀losìà 3:22

ÈbùꞋ, bɨ̀ me zə bòt bu bɔ bɔ awɨ̧ la ane mènəè ègème. Bɨ̀ ka me fàꞋa abua yɔb wuê àfɨꞋa bɔ̀ɔ ndzèa wɨ̧ la nɨa nkɨà nê bɔ̀ me kɔ̀ŋkè àwɨ̧. Ka bɨ̀ me fàꞋa abua yɔb nè èntɨ̧ɨ̧ kèfə nkàà nê bɨa nkùkta Tè Yesò.