Lûk 7:39 - Mundani

³⁹ Wòt Falèsiì wu ye, ndèmtè nê, “Mbê waa ghɨ̀ ale, ngu ngule ndàꞋàtɔŋ Mbɔ̧ɔ̧mà, mbə tà ko àghɨa àvi waa mbà̧à̧ta tò la wu yùà la. Ko tà ko èwuu kàbɔ̀ŋ tàa ngɨ̀à la.”

Lûk 7:39 ပူးပေါင်းရင်းမြစ်များ

Matìù 20:16

Yesò ghɨ̀ ale, ndìà èngà̧ waa nê “Wu wuê a èlɨ mbɔŋ bòt bɔ̀ɔ ndzea wɔb nê bɔ wu a mbì àfɨ̀Ꞌ yaa la àa li tsiꞋi akwèn, èbe bɔ̀ wu akwèn la e tsiꞋi a mbì la.”

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”

Ntu̧ Ntsɔ̧̀ MAK 7:21

Ngu nê àghɨa àa ndzəa nè èbem a èntɨ̧ɨ̧ wòt la ka àa ngɨ̀à tà bɔ mèmɨ̀ɨ̀te kàbɔ̀ŋ, a màpaꞋte wòt kà bɔ̂ tò eyɔꞋ, nè ètsɔŋ, màmbuŋa wɔ̀bȩ̂,

Lûk 12:17

Tà bùꞋ me mɨ̀ɨ̀te a èntɨ̧ɨ̧ vi nê, ‘E mbakà bɔ àdziꞋa màa paŋe èghɨjɨ bɔ̧ bàà la. Màa ghɨ̌ na à?’

Lûk 15:2

Bèfalèsiì nè bènyɨꞋtà mbɨ̧te Musì e bùꞋ me lèmta shua nê, “Mbê waa nàà mbɨ̧̀ɨ̧̀nâ bòt kàbɔ̀ŋ e kɨꞋa a ngèt tò, tà mè njɨ̀a bɔ̂ tò ba.”

Lûk 16:3

“Wòt àtsəa àfàꞋ wu bììtè àvi zìambɔŋ nê, ‘Tǎt àfàꞋ am nàa tsǐ am anè, maa ghɨ̀ na à? E mbakà bɔ ètɨ̧̂ e tu si. È ngu bɔ àtsəa kɔꞋɔ a màndo̧a àghɨ.

Lûk 18:4

“Àvi wu me kɨꞋɨ ale, saꞋa mèkěm wu ka wua njùta ànəa tà shua la, ka àfɨ̀Ꞌ a tseke tè me wu tà nê, ‘Maa kà bàte mbɔ̀a a Mbɔ̧ɔ̧mà bɔ̂ bɔbȩ,

Lûk 3:8

Bɨ̀ ghɨ èghɨ bu àa nyɨ̀Ꞌta nê, bɨ waꞋa mènəè kàbɔ̀ŋ mɨ̧ la. Bɨ̀ ka mbùꞋ me ŋeꞋe awɨ̧ a ègwet è shua nê, bɨ̀ ka ghɨ̀à èlɨ waa nkàà ndɨ Abàlàghâm wu tǎt nyaꞋ wɨ̧ la a. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yàa e ghɨ̌ aa tsiꞋi bòt àndǎ̧ Abàlàghâm.

Lûk 7:16

Kèbɔɔ ke baãaã awɔb bàgème, bɔ kɔ̧ ngùꞋtè a Mbɔ̧ɔ̧mà nê, “TaꞋà ndàꞋàtɔŋ Mbɔ̧ɔ̧mà è saꞋa a kètsìà wa. Mbɔ̧ɔ̧mà è kɨꞋɨ̀ etɨŋe bòt bi.”

Lûk 7:37

Àvi kǒ tàa ntsèka a èbem àpfəa mbɔŋ ngu ghȩ̀ȩ̀nè ghȩȩne la, è zə nê Yesò wu a lob wòt Falèsiì wu njɨ̀a èghɨjɨ. Ale, tà nɨ mèwet àghaa ntsɔ̧̀ a èbem atǒꞋ nɨŋ nkɨ̀Ꞌɨ̂,

Lûk 7:38

ntɨ̧ɨ̧ àdziꞋa Yesò wù la, me dɨ̌, mèsi tò me chua shùa èka tò. Tà ŋɔ̀Ꞌne a si ndzòò èka tò bu ane nyemtetsə ti, èsènè ndɔ̀Ꞌ ndzɔꞋ ane mèwet mu.

Lûk 7:40

Tàà ndàꞋ ale, Yesò ko ànəa tà lèmtà shua la, shu abua tò nê, “Simùn, mâ bɔ èngà̧ màa nkɨ̀a nê bà mùa la.” Simùn bɨ̀ɨ̀lè nê, “Oò, a nyɨꞋtà, shu è ndzə.”

Jɔ̌n 4:19

Àvi mbɔŋ shuê abua tò nê “Tê, mâ ye nê à wu ndàꞋàtɔŋ Mbɔ̧ɔ̧mà.

Jɔ̌n 7:12

Ènɔ̧̂ bòt bu abot la e ghɨ̀ ale ntaꞋa làꞋa adù̧ èlen tò. Bòt ko e ghɨ̀ ale me shu nê tà wu wòt ntsɔ̧̀. Ka èbeko e me shu nê, “ChaꞋ, tàà ntsòkà ètsə bòt.”

Jɔ̌n 9:24

Bɔ ghɨ̀ ale mè ntɔ wòt wu àghɨ a tò a li ndzaã ndem la, shu abua tò nê, “WùꞋte a Mbɔ̧ɔ̧mà, ba ko nê mbê waa tà bə awê la wu wòt kàbɔ̀ŋ.”