Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lûk 7:2 - Mundani

2 Tǎt bèshujà Luêm kǒ wu a èbem àpfəè və, àbùꞋ a èkɔŋ tò a wua ngò̧ò̧nà te ntsìꞋi we pfəâ.

အခန်းကိုကြည့်ပါ။ ကော်ပီ




Lûk 7:2
24 ပူးပေါင်းရင်းမြစ်များ  

Mbɨ̀Ꞌɨ̀ tǎt bèshujà bu, nè bèshujà bu be li ngu bɔ̂ tò ba mbààba Yesò la, e ye ndɨ sitsǎꞋ nyìꞋnè la, nè àghɨa a ghɨ̀ la, bɔ taꞋa bɔa tè nê, “Ane nkûŋ, mbê waa li ngu Waã Mbɔ̧ɔ̧mà.”


Tǎt bèshujà wu tà wu abot la ye àghɨa a ghɨ̀ la, ŋà mèngùꞋte abua Mbɔ̧ɔ̧mà shu nê, “KwàꞋ ane nkûŋ, mbê waa li tà kà ghɨ̂ ànəa kàbɔ̀ŋ.”


Mbɨ̀Ꞌɨ̀ Yesò shu mèngà̧ maa ègème abua bòt tè mpàa la, tà ghà Kàpenàwuêm.


AfɨꞋa tà zə mènəè Yesò è ghɨ̀ la, tà tu̧u̧ bɔɔjuŋ Bèjuê ko nê bɔ̀ gha ntɔ atò, tà kɨꞋɨ mbə àbùꞋ àzi.


nkàà nê tà li mbɔ ndàꞋ waàvi vi tà wu èngùꞋ èghem ntsɔ̀b yebe ntsiꞋa mpfəèa pfə la. Mbɨ̀Ꞌɨ̀ Yesò lɔ̀Ꞌ tê me ghǎ bɔ̂ tò la, ènɔ̧̂ bòt e me ŋwèèle atò a èbâ ègème.


Wòt kǒ li ngu àpfəè ako bɔ̀ɔ ntɔ nê Sìsalìà la, èlen tò wu Kɔ̀nilìà. Tà wu tǎt bèshujà à Luêm. Bɔ li ngua ntɔ bèshujà tò nê, “Àlaã bèshujà Itàlì.”


Wantu̧ Mbɔ̧ɔ̧mà wu tà wua ndàꞋa abua tò la è ghǎ, Kɔ̀nelìà tɔ ndaŋe bɔfàꞋ bi babe nè shujà kǒ, tà kǒ a Mbɔ̧ɔ̧mà mè ngu wòt tàa fàꞋà ngule mènəè Kɔ̀nelìà la.


Mbɨ̀Ꞌɨ̀ wajûŋ banyà̧ wu è zə èngà̧ waa la, tà gha abua tǎt banyà̧ wu, mbììte atò nê, “Eyaa chɨɨme ngu ghà bɨ ghɨ̀à la à? Mbê waa wu wòt Luêm?”


Pɔ̂l wu, tɔ wajûŋ banyà̧ kǒ, shu abua tò nê, “Nɨ wakèsà waa nga abua tǎt banyà̧ wu, tà bɔ ànəê àko tàa nkɨ eshu abua tò la.”


È li ngu àfɨꞋa bɔ laŋkè nê bà nyi a èbem ànkànuꞋ nga a Itàlì la, bɔ zi a Pɔ̂l bɔ̂ bɔtefȩ ko a tèkitebu Juliɔ̀s, wajûŋ àtsəa bèshujà Luêm bu bɔ̀ɔ ntɔ awɔb nê, “Banyà̧ Fɔ̧̀ Nɨ̧” la.


ÈtsəꞋ e tsi, ba nyi a Sidɔ̀n. Juliɔ̀s bɔ̌ èntɨ̧ɨ̧ ntsɔ̧̀ ane Pɔ̂l, sa atò nê, tà ghǎ ndzè bèshu̧ bi mbɨ̀Ꞌɨ̀ bɔɔ ŋa atò èghɨ tàa nkɨ̀ŋkà la.


Ka wajûŋ bèshujà bu kele awɔb, ndɨ̀ wu tà li tà kà wua nkɨ̀a nê Pɔ̂l pfə la. Tà tsiꞋi shu abua wòt ègème tàa ko eyɔꞋɔ la nê, bɔ̀ kȩ ndebe a èbem mèleb, ndzɔꞋ nga aguŋ,


ÈbùꞋ, bɨ̀ me zə bòt bu bɔ bɔ awɨ̧ la ane mènəè ègème. Bɨ̀ ka me fàꞋa abua yɔb wuê àfɨꞋa bɔ̀ɔ ndzèa wɨ̧ la nɨa nkɨà nê bɔ̀ me kɔ̀ŋkè àwɨ̧. Ka bɨ̀ me fàꞋa abua yɔb nè èntɨ̧ɨ̧ kèfə nkàà nê bɨa nkùkta Tè Yesò.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ