Lûk 6:45 - Mundani

⁴⁵ Wòt ntsɔ̧̀ nàà nyɨ̀Ꞌta ntsɔ̧̀ vi ane èghɨ ntsɔ̧̀ bu a èntɨ̧ɨ̧ tò la, wòt kàbɔ̀ŋ me nyɨꞋta kàbɔ̀ŋ vi ane èghɨ kàbɔ̀ŋ bu a èntɨ̧ɨ̧ tò la. Ètsəê wòt aà ndàꞋà wuê àghɨa àa èbem èntɨ̧ɨ̧ tò la.

Lûk 6:45 ပူးပေါင်းရင်းမြစ်များ

Jɔ̌n 7:38

Àkata Mbɔ̧ɔ̧mà a làꞋ nê wòt zìà èntɨ̧ɨ̧ vi ane yaã ko badzì mèleb bèa ŋǎ mèmpème la bea me dzəâ a èntɨ̧ɨ̧ tò.”

ÀfaꞋa 5:3

Pità bììte a Ànàniàs nê, “Ànàniàs, ghǎ ghɨ̂ ka a ghɨ̀ Satàn nyi a èntɨ̧ɨ̧ wê, tè ngɨ̀ à làꞋà mèfà̧ abua Fo Kèfə, kwat tè ndò̧ àbəèꞋ ane èkab wu bɨ fɨ̧̀ɨ̧̀nè àdziꞋa si yu nɨŋ la à?

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

Efesɔ̀s 5:19

Bɨa me làꞋa abua bɔnyɨ bɨ̧, bɨ me kɔ̧ɔ̧ mètsəkû̧ è dzə a èbem Àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà zi a mèntɨ̧ɨ̧ mɨ̧ la. Bɨa me kɔ̧ɔ̧ bɨ me kɔ̧ɔ̧ ne èntɨ̧ɨ̧ wɨ̧ ègème, ŋǎ mèngùꞋte abua Yesò Klistò.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Kɔ̀losìà 4:6

Bɨ̀ tsiꞋ mèngǎ̧ mɨ̧ wu me nàa mbɔ̀, bòt e mè me kɔ̀ŋke eyute la. Bɨ̀ me ghɨ̀ ale, mbɨ̀Ꞌɨ̀ me koa ntsɔꞋɔ èngǎ̧ waa waa ane ndɨ bɔ̀ɔ zə la.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

Jûd 1:15

Tà kɨꞋa esaꞋa bòt bàgème e màꞋa bòt bu bɔ tu̧u̧ atò la a èbem ngoꞋ ane èbɨꞋte ènəê bu bɔ ghɨ̀ la, nè èwuu èbɨꞋte mèngà̧ mu bòt kàbɔ̀ŋ baa e làꞋà adù̧ tò la!”