Lûk 6:27 - Mundani

²⁷ “Ka maà shua wɨ̧ wu bɨ̀a ndzəèa am la nê, bɨ̀ me kɔ̀ŋke bɔmbù̧ bɨ̧, ngɨa ntsɔ̧̀ abua bòt bu bɔ̀ɔ ka kɨ eye awɨ̧ la.

Lûk 6:27 ပူးပေါင်းရင်းမြစ်များ

Ntu̧ Ntsɔ̧̀ MAK 4:24

Tà mè shu abua yɔb nê, “Bɨ̀ me ko awɨ̧ ndɨ bɨ̀a njùta èngǎ̧ Mbɔ̧ɔ̧mà la. Ndɨ bɨ̀a ngɨ̀à nè wùà la, wu ndɨ Mbɔ̧ɔ̧mà nàa ghɨ̀ ne nɨ̧̀ te kwèꞋnè la.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Lûk 6:35

Àghɨa bɨ bɔ ndɨ bɨ̀a me ghɨ̀ la wu nê, bɨ̀ me kɔ̀ŋke bɔmbù̧ bɨ̧ mè ngɨ̀a ntsɔ̧̀ abua yɔb; à fù wòt àghɨ à ka me chɨ̀Ꞌɨ̀ taa vəâ. Bɨ ghɨ̀ ale, ko bɨa li ebɔ taꞋa àbȩ̀, abua Mbɔ̧ɔ̧mà e mě wu ngule bɔ̧ Mbɔ̧ɔ̧mà Àtsèàngɔ̀ŋ. Ngu nê tàà ngɨ̀à a ntsɔ̧̀ abua bòt kàbɔ̀ŋ nè bòt bu bɔ̀ɔ ka ŋa mènkɔ̀ŋke abua tò la.

Lûk 8:15

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu, mbɨ̧̀ɨ̧̀nê nè èntɨ̧ɨ̧ wɔb wemɔꞋ nkùùla èntɨ̧ɨ̧ wɔb me ghɨ̀ àghɨ àa shua la nɨa ngà nè mbì la.”

Lûk 8:18

È wu ale, bɨ̀ me ko awɨ̧ ndɨ bɨ̀a njùtâ èngǎ̧ Mbɔ̧ɔ̧mà la. Nkàà nê bɔɔ kwèꞋne àghɨ wòt bɔ la, ka wòt tà tanda nê ye bɔ àghɨ la bɔɔ paa ka wuê adzìꞋ wu tà bɔ la enɨ.”

Lûk 8:8

È weko nè èsaãaãme e kwente adù̧ ètsaꞋ ntsɔ̧̀, nkɔꞋ nkɔ̀ɔ̀le tètaã ènkɨ̀ ènkɨ̀.” Yesò làꞋ ale ndìà nê, “Wòt bɔ ètû̧, tà yute èngà̧ waa.”

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

ÀfaꞋa 16:28

Ka Pɔ̂l è ŋȩ ane ètɨ̧̂ nê, “Ka mbùŋè awê. Ba bele a si ŋàa bàagème.”

ÀfaꞋa 7:60

Tà ntèm tènjûŋ ti a si ŋȩ̂ ane àtɔŋ nɨ̧ nê, “Lefɨ̀Ꞌ, ko mbɨ̀Ꞌɨ̀ à bèà ànəa kàbɔ̀ŋ yaa bɔ ghɨ̀ la a èntɨ̧ɨ̧ wê.” Tà shu ale, mbɔ̂ mpfə.

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

3 Jɔ̌n 1:11

Ngule shu̧ yaã, à ka me fɨŋe bòt bu bɔ̀ɔ ngɨa kàbɔ̀ŋ la. Me fɨŋe wuê è bu bɔ̀ɔ ngɨa ntsɔ̧̀ la. Waa waa tàa ngɨ̀à ntsɔ̧̀ la wu wòt Mbɔ̧ɔ̧mà, ka wòt tàa ngɨ̀à kàbɔ̀ŋ la, wu wòt kà ko a Mbɔ̧ɔ̧mà.