Lûk 6:22 - Mundani

²² Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Lûk 6:22 ပူးပေါင်းရင်းမြစ်များ

Matìù 10:18

Bɔɔ li esəèŋnè àwɨ̧ enɨ ghǎ a mbì bègɔvanɔ̀, nè bèfɔ̧̀ ambo yaã, bɨa shu ànəa bɨ ye mè ko ane yaã la a mbì lɔb bɔ̂ bòt kà wu Bèjuê.

Matìù 10:22

Bòt bàgème aa li me pààbè àwɨ̧ ambo yaã, ka wòt tà baãaã èntɨ̧ɨ̧ vi tè ngà ndìà la, wu li e peme.

Matìù 10:39

Wòt me kɨ ebɔ wuê mèmpème mi ko taa bi mèmpème mbɔŋ, ka wòt tà ŋà àtsəa zi ambo yaã la naa bɔ mèmpème.

Lûk 20:15

Ale, bɔ bê màꞋà atò àbȩ akwèn mbȩ yu, mbùŋè atò.” Yesò bɔ̂ mbììte bòt bu nê, “Bɨ mɨɨtè nê, wòt wu tà bɔ èbaꞋ laa la nàa ghɨ̌ èghà ane bɔfàꞋ bu à?”

Lûk 21:17

Bòt bàgème aa li me pààbè àwɨ̧ ambo yaã.

Lûk 6:21

Ntsɔ̧̀ wu bɨ̀a wu ndzìtsə tèa nkua wɨ̧ àfɨ̀Ꞌ yaa la, bɨa li jɨ te yele. Ntsɔ̧̀ wu bɨ̀a wu bɨ̀a ndɨ̀à àfɨ̀Ꞌ yaa la, bɨa li tsoꞋo.

Jɔ̌n 12:42

A li mbàte ngu anè ale, ka bɔɔjuŋ nyaŋ ayɔɔ Bèjuê bu e bɔ̂ ndzì èntɨ̧ɨ̧ wɔb ane Yesò ka ndɨ̀ wu bɔ̀ɔ mbɔ̀a Bèfalèsiì la, bɔ̀ ka nɨ ètsəê wɔb elàꞋa bòt aa zə, mbɨ̀Ꞌɨ̀ ka bɔ fəè àwɔb a èbem lob Mbɔ̧ɔ̧mà yɔb.

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

Jɔ̌n 17:14

Mâ shua wɔb èngǎ̧ wê ale, bòt ngɔ̀ŋ e me pààbè àwɔb ndɨ̀ wu bɔ ntsě àghɨ yeamɔꞋ nè bòt ngɔ̀ŋ wuê mbɨ̀Ꞌɨ̀ e ntsě àghɨ yeamɔꞋ nè bòt ngɔ̀ŋ la.

Jɔ̌n 7:7

BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ.

Jɔ̌n 9:34

Bɔ shu abua tò nê, “Bɔ li mbia wê kwàꞋ a èbem mènəè kàbɔ̀ŋ, ngule si àghɨ yu à ko te enyɨꞋte awa la wu ghà à?” Bɔ ghɨ̀ ale mbɔ̂ ntsi atò ayɔɔ bòt lob Mbɔ̧ɔ̧mà.

ÀfaꞋa 22:22

Bòt bu e buŋ me yute tê Pɔ̂l è làꞋ ànəê yaa, bɔ bùꞋ me ŋȩ ane ètɨ̧̂ shua nê, “Bɨ̀ tsi atò a sitsǎꞋ ŋàa. Bɨ̀ bùŋe atò. Tà bakà kùꞋu wòt tàa me tseke a ngɔ̀ŋ ŋaa la.”

ÀfaꞋa 24:5

“Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

1 Pità 3:14

Ka wòt màà me ye ngoꞋ nkàà ndɨ tàa ngɨa àghɨa Mbɔ̧ɔ̧mà nàa nkɨà la, tà nɨ̀ àvi mbɨ̀Ꞌɨ̀ wòt èsi ntsɔ̧̀. Bɨ̀ ka me bɔɔ bòt, mèntɨ̧ɨ̧ mɨ̧ ka me bente.