Lûk 6:21 - Mundani

²¹ Ntsɔ̧̀ wu bɨ̀a wu ndzìtsə tèa nkua wɨ̧ àfɨ̀Ꞌ yaa la, bɨa li jɨ te yele. Ntsɔ̧̀ wu bɨ̀a wu bɨ̀a ndɨ̀à àfɨ̀Ꞌ yaa la, bɨa li tsoꞋo.

Lûk 6:21 ပူးပေါင်းရင်းမြစ်များ

Matìù 5:4

Ntsɔ̧̀ wu bòt bu bɔ̀ɔ ndɨ̀à la, Mbɔ̧ɔ̧mà naa li bɔte awɔb.

Matìù 5:6

Ntsɔ̧̀ wu bòt bu bɔ̀ɔ mbê ndâ nkɨ ghɨ̌ àghɨa Mbɔ̧ɔ̧mà nàa nkɨà la, Mbɔ̧ɔ̧mà naa ghɨ̌ aa wu ale.

Lûk 1:53

Tà jɨɨ bòt ndzìtsə tèa nkua wɔb la ane èghɨ ntsɔ̧̀, èfèle bòt èkab bɔ ghà èbu fə.

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Lûk 6:25

Aa li bɨ̀a awɨ̧, bɨ̀a wu bɨ̀a njɨ̀a àfɨ̀Ꞌ yaa ndzèla la, bɨa li tseke ndzìtsə. Aa li bɨa awɨ̧, bɨ̀a wu bɨ̀a ntsòꞋa ngùꞋtà àwɨ̧ àfɨ̀Ꞌ yaa la, bɨa li lù èvə me dɨ̀ mèsi.

Jɔ̌n 11:35

Yesò dɨ̀.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

Jɔ̌n 6:35

Yesò shu abua yɔb nê, “E ngu èghɨjɨ bu àa ngɨ̀a bòt e bɔ mèmpème la. Wòt tà kɨꞋɨ̀ ndzì èntɨ̧ɨ̧ vi ane yaã la, ndzìtsə tè ka li tsi eku atò a, àtɔŋ tò à ka tsi ndɔ̀Ꞌ àlia nju̧.

1 Kɔlìn 4:11

E kɨꞋɨ dzəâ àfɨ̀Ꞌ yaa bàa ntsèka kà jɨ àghɨ àtɔŋ ya a mè me yu̧; Baa kwaãaã wuê è ntɔ̀Ꞌte ndǐ; bòt e lene awa, baa me ghaãaã ntsèka ntsèà tsě,

2 Kɔlìn 11:27

Mâ fâꞋ mbɔ̀ tèbəꞋtsə, ndì àtatsi ngò̧ nyaŋ, ntsèka kà ye èghɨjɨ ejɨ kò mèleb enu leꞋ. Mâ tsèke ngò̧ nyaŋ kà jɨ àghɨ, è nka mê ndzè lob e tseke a èbèm, è nka mê ndzè ndǐ ekwaãaã a èfɨ̀Ꞌ ko.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Ètsə 21:3

E me zə àtɔŋ ko a dzəê adù̧ àtɨ̧a kèfɔ̧̀ yu è shuê nê, “Bɨ̀ ye, àpfəèà Mbɔ̧ɔ̧mà a kɨꞋɨ tê ntsìꞋi a kètsìà bɔbȩ. Taa me tseke bɔ̂ tò ba, bɔ̀ɔ wu bòt tò, Mbɔ̧ɔ̧mà wu zìambɔŋ naa mě wu Mbɔ̧ɔ̧mà wɔb.

Ètsə 7:16

Ndzəètsə tè ka li tsi eku awɔb a, ètɔŋ bɔb è ka wu li tsi eyu̧. Nyèm ka li tsi ete awɔb a, è kà mě ngu li tsi etɔ̧̀ɔ̧̀tè àwɔb.