Lûk 24:36 - Mundani

³⁶ Bɔ̀ bela ndàꞋà, Yesò zìambɔŋ bê saꞋa a kètsìà wɔb, shu abua yɔb nê “Àlàŋkè à wu ne nɨ̧̀.”

Lûk 24:36 ပူးပေါင်းရင်းမြစ်များ

Matìù 10:13

È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧.

Ntu̧ Ntsɔ̧̀ MAK 16:14

A li ngà me lìa, Yesò puula a mbì bɔkatè bi bu bɔ̀ le tsiꞋi èghem ntsɔ̀b wemɔ̀Ꞌ la àfɨꞋa bɔ̀ le wua njɨ̀a èghɨjɨ la. Tà li ŋȩ̀te awɔb ndɨ̀ wu bɔ li bɔ̀ ka wua mbɨ̧̀ɨ̧̀na nê betsiꞋa tà yu̧u̧mè la, mè nè ndɨ̀ bɔ li bɔ̀ kà bɨ̧ɨ̧nè ànəa bòt bu bɔ li ndzèa atò àfɨꞋa tà yu̧u̧me la.

Lûk 10:5

“Bɨ nyi a lob wòt, ànəa mbì bɨ bɔ̂ ndɨ bɨ̀a shu la wu nê, ‘Àlàŋkè à wu a lob ŋàa.’

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Jɔ̌n 20:26

Nkàb è tem, bɔkatè Yesò bu e mè mbù̧ù̧te a èbem lob, Tɔmasì wu bɔ̂ tò ba mɨ̧̂. Bɔ tseke ale mbɔ̂ ngàbtè mètsələèꞋ, ka Yesò bɔ mpùùla ntɨ̧ a kètsìà yɔb nê, “Àlàŋkè a wu ne nɨ̧̀.”

ÀfaꞋa 1:3

Mbɨ̀Ꞌɨ̀ bɔ ghɨ̧̀ɨ̧̀ne a Yesò tè tà pfə mè njù̧ù̧mê la, tà nèètè nyɨ̀Ꞌte avi abua bɔntu̧ bi bu ane ndɨ bɔ̀ɔ ko nkûŋ nkûŋ nê Tà yù̧ù̧mè la. Tà li ntaꞋa pùùla a mbì lɔb ane èlibȩ èghem yekwì, ndaꞋa abua yɔb ndɨ Mbɔ̧ɔ̧mà nàa mbà̧aã kèfɔ̧̀ vi la.

1 Kɔlìn 15:5

Tà li mpuula a mbì Pità, mè mpuula a mbì bɔntu̧ bu ntsɔ̀b babe la.

1 Kɔlìn 15:7

Tà lè lɔ̂Ꞌ mè mpuula a mbì Jimsì, me tsɔꞋɔ mpùùlà a mbì bɔntu̧ bu bàgème.

2 Tèsàlonikà 3:16

Baa ntsàꞋtà nê, Tǎt wa Yesò zìambɔŋ, wu tàa ngɨ̀à bòt e bɔ àlàŋkè la, ghɨa bɨ̀ bɔ àlàŋkè a mèntɨ̧ɨ̧ mɨ̧ ane balu̧ bàgème àfɨ̀Ꞌ àgeme. Baa ntsàꞋtà nê, Tè Yesò wu ne nɨ̧̀ bɨ̀agème.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.