Lûk 21:8 - Mundani

⁸ Yesò shu abua yɔb nê, “Bɨ̀ me ko awɨ̧ mbɨ̀Ꞌɨ̀ wòt fɨte awɨ̧, na bòt aa li taꞋa kɨꞋɨ ane èlen laã e me shu nê, ‘E ngu tòà’, e mě laꞋnê ‘Àfɨ̀Ꞌ a kuêꞋ’ la. Ka bɨ̀ ka nkùŋè àwɔb.

Lûk 21:8 ပူးပေါင်းရင်းမြစ်များ

Matìù 24:11

Bòt nyaŋ aa li lɔ̀Ꞌte a si àfɨꞋa mbɔŋ e me fɨta shua nê bɔ wu bèndàꞋàtɔŋ Mbɔ̧ɔ̧mà, ngɨ̀à bòt e fà̧à̧tà èka bɔb.

Matìù 3:2

“Bɨ̀ waꞋa mènəè kàbɔ̀ŋ mɨ̧ nkàà nê Kèfɔ̧̀ Mbɔ̧ɔ̧mà kɨꞋɨ̀ tê ntsìꞋi a ngèt yɨ̧.”

Matìù 4:17

E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Lûk 17:23

Bòt aa li shu awɨ̧ nê, ‘Bɨ̀ ye atò adzìꞋ yaa,’ mbə ‘Bɨ ghà ndze atò àbà nyià.’ Bɨ̀ ka nga akwene yɔb.

Lûk 21:7

Bɔ biite atò nê, “NyɨꞋtà,” èghɨ bàa àa li ghɨ̌ a ka àfɨ̀Ꞌ à? “Ghǎ aa li nyɨ̀Ꞌte nê èghɨ ngaa e tsiꞋa nkɨ̌ me ghɨ̌ à?”

Lûk 21:9

Bɨa tseke tê bɨ̀ me zə èlaꞋ è buꞋa è me nù èbeko, ngoꞋtsə tè mě tè me dzəâ ayɔɔ bɔbȩ, mèntɨ̧ɨ̧ mɨ̧ ka bentè. Èghɨ ngaa e bɔ̂ ndɨ àa bɨ̌ ghɨ̌ la, ka è ka wua nyɨ̀Ꞌta nê àfɨꞋa ngɔ̀ŋ nàa lìa la a kuêꞋ.”

Jɔ̌n 5:43

Mâ kɨꞋɨ ane èlen Tǎt am, bɨ̀ ka wua nkɨ eyute ànəa e shua la, ka wòt kǒ tsa ghɨ̀ ale nkɨ̀Ꞌɨ̂ ane èlen li zìambɔŋ ko bɨ bɨ̧ɨ̧ne ànəa ŋut shua la.

Jɔ̌n 8:24

Eyaa wu lə yu mâ yaã shu abua yɨ̧ nê, bɨa pfə ne mènəè kàbɔ̀ŋ mɨ̧ la. Bɨa pfə ne mènəè kàbɔ̀ŋ mɨ̧, na bɨ bakà bɨ̧ɨ̧ne laꞋnê, e ngu wòt è ngu wùà la.”

Jɔ̌n 8:28

ale, tà shu abua yɔb nê, “ÀfɨꞋa bɨ lɔ̀kè Waã Wòt ngù̧ù̧te a mbɨ̧̀ mbasa la, ka bɨ bɔ̂ nko nê, e ngu wòt è ngu wùà la. ÀfɨꞋa mbɔŋ ka bɨ bɔ̂ nko nê, maa kà ghɨ àghɨa ko nè mɔ̧ ne mètàŋ. Maa shua wuê àghɨa Tǎt am wu tà tsàà am la, è nyɨꞋte am la.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

2 Tèsàlonikà 2:3

Bɨ̀ ka mbɨ̧̀ɨ̧̀ne wòt kǒ fɨte awɨ̧ ka wuê ane alu̧ kǒ, ngu nê betsiꞋa àlia ngaa à ka kɨꞋɨ̀ tè àfɨ̀Ꞌ yu bòt nyaŋ àa me səèꞋtè àwɔb ane Mbɔ̧ɔ̧mà nè mènəè tò la a kùꞋ. Eyaa wu àfɨ̀Ꞌ yu wòt wu tàa ka bê nkɨ ezə ànəa Mbɔ̧ɔ̧mà ko tsa la nàa pùùlà la. Tà wu wòt wu Mbɔ̧ɔ̧mà nàa li e nyɔŋe atò a èbem èwet la.

2 Tɔ̀màtià 3:13

È me wu bòt kàbɔ̀ŋ nè bòt mèfà̧, ko bɔɔ me bɨa ngà wuê nè mbì, fɨ̀ta bòt ko, mè fɨ̀ta awɔb mɨ̧̂.

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Ètsə 1:3

Ntsɔ̧̀ wu wòt wu tàa tɔ mèngǎ̧ màa Mbɔ̧ɔ̧mà nyɨꞋte atò la abua bòt la. Ntsɔ̧̀ mè ngu bòt bu bɔ̀ɔ ndzəa mè nɔ̀ŋà èghɨ bàa bɔ shɨ la, nkàà nê àfɨꞋa èghɨ mbɔŋ àa ghɨ̀ la aà nkùꞋà.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.