Lûk 20:5 - Mundani

⁵ Bɔ bùꞋ me kààne a kètsìà wɔb shua nê “Bàa laꞋnê ghà à? Ba wu anè nê ‘Mbɔ̧ɔ̧mà’ ko taa biite awa nê, ‘À wu ale ghǎ a ghɨ̀ ka bà ka bɨ̧ɨ̧ne èngǎ̧ tò à?’

Lûk 20:5 ပူးပေါင်းရင်းမြစ်များ

Matìù 16:7

Bɔ bùꞋ me làꞋa a kètsìà wɔb shua nê, “Tà làꞋ ànəa yis anè ndɨ̀ wu ba me kɨꞋɨ bà ka nɨa bled la.”

Matìù 21:25

Wàa ka tà li ntsà a Jɔ̌n nê tà me zǐ bòt a èdzî la à? È li ngu Mbɔ̧ɔ̧mà kò wuê bɔbȩ à?” Bɔ zə ale, mbùꞋ me kààne a kètsìà wɔb shua nê “Bàa laꞋ nê ghàà? Ba wu anè nê ‘Mbɔ̧ɔ̧mà’, ko taa biite awa nê, ‘a wu ale ghǎ a ghɨ̀ ka bà ka bɨ̧ɨ̧ne èngǎ̧ tò à?’

Lûk 20:4

wàa ka tà li ntsàà a Jɔ̌n nê tà me zǐ bòt a èdzî la à? È li ngu Mbɔ̧ɔ̧mà kò wuê bɔbȩ à?”

Lûk 20:6

Ka ba shua nê, abua bɔbȩ, ko ènɔ̧̂ bòt baa aa temte awa, nkàà nê bɔ bɨ̧ɨ̧ne nê Jɔ̌n li ngu ndàꞋàtɔŋ Mbɔ̧ɔ̧mà.”

Jɔ̌n 1:30

Eyaa wu tòà wu e ndi shu nê, wòt kǒ nàà kɨꞋɨ akwene yaã tà tsè am la, nkàà nê bɔ li me bi am tà yaŋe wu la.

Jɔ̌n 1:34

Mâ ye, mè me kɨ e shu awɨ̧ nê eyaa wu Waã Mbɔ̧ɔ̧mà.”

Jɔ̌n 3:26

Ale, bɔkatè Jɔ̌n ko e kɨꞋɨ̀ shu abua tò nê, “Labȩ̀, wòt wu bɨ tò e li ngu agua Jodàn la, ye wu à li ndàꞋà ànəa tò la, wu abà nyia. Tà wua ndzìà bòt a èdzî tè bòt nyaŋ e tsiꞋa nkuŋa tò ngà.”

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

ÀfaꞋa 13:25

Jɔ̌n li tà tsiꞋa nkɨ epaa àfàꞋ àzi, tà bììte bòt bu nê, ‘Bɨ mɨɨtè nê è ngu wà à? E ntsě wòt wu bɨ chɨ̀Ꞌà la. ChaꞋ, e ntsě tòà. E mbakà lem nkùꞋ wòt tàa ko etsǐ gùbtsə a èka tò la.’