Lûk 20:16 - Mundani

¹⁶ “Ŋut naa kɨꞋɨ ebùŋe bɔfàꞋ bu, èbɔ ŋa èbaꞋ lu abua bɔfàꞋ tsa.” Bòt bu è zə ale nê, “Mbɔ̧ɔ̧mà ka mbɨ̧̀ɨ̧̀ne a wu ale.”

Lûk 20:16 ပူးပေါင်းရင်းမြစ်များ

Matìù 21:34

ÀfɨꞋa mànkaaba tètaãaãte vȩn tu a tseke te nkùꞋ, tà tsà bɔfàꞋ bi nê bɔ̀ gha ngɨ̀ bèlentà bu è ŋa evi ne èghàb ane èghɨ bɔ fùꞋù la.

Matìù 21:41

Bɔ bɨ̀ɨ̀lè nê “Ko taa bùŋe bòt kàbɔ̀ŋ mbɔŋ kà ku tèsȩ, ebɔ ŋa mbȩ mbɔŋ abua bòt tsa bɔɔ me faꞋa ŋa èwe tò nè èghàb àfɨꞋa ntsɔ̧̀.”

Matìù 22:7

Fɔ̧̀ wu ye ale a saa tò kwàꞋ ànyaꞋne tè tà tsà bèshujà bɔ ghà bùŋè bòt mbɔŋ mbɔ̂ ntò̧ àpfəè ayɔb.

Ntu̧ Ntsɔ̧̀ MAK 12:9

Yesò bììte bòt bu nê, “Bɨ mɨɨtè nê tǎt èbàꞋ lu nàa ghɨ̀ na à? Tàà kɨꞋɨ bùŋe bɔfàꞋ bu ebɔ ŋa èbàꞋ lu abua bòt tsa.

Lûk 19:27

Ka è me wu bɔmbù̧ bɔ̧ bu bɔ̀ le kaꞋa wua nkɨ̀a nê e ngu fɔ̧̀ wɔb la, bɨ̀ səèŋnè àwɔb nɨŋ nkɨ̀Ꞌɨ̂ nkɨ̧̀ɨ̧̀me a mbì laã.’ ”

Lûk 20:15

Ale, bɔ bê màꞋà atò àbȩ akwèn mbȩ yu, mbùŋè atò.” Yesò bɔ̂ mbììte bòt bu nê, “Bɨ mɨɨtè nê, wòt wu tà bɔ èbaꞋ laa la nàa ghɨ̌ èghà ane bɔfàꞋ bu à?”

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

Lûm 11:1

Ale, tsiꞋ è mbììte nê: Tè Mbɔ̧ɔ̧mà waꞋa bòt bi? ChaꞋ, ta bakà waꞋa awɔb. Mmɔ̌ mbɔŋ e ngu wòt Izəèlȩê, wòt àndǎ̧ Abàlàghâm, mâ dzəa a ləlob Benjamèn la.

Lûm 11:11

Ale, mâ biite nê bɔ sèmnè ale mbɨ̀Ꞌɨ̀ kwene te li tseke ka tsi ndɔ̀Ꞌ? A ntsě a èlɨ mbɔŋ. Bɔ li ngɨ̀a kàbɔ̀ŋ ale, è ghaꞋa èlu̧ abua bòt kà wu Bèjuê bɔ̀ɔ bɔ mèmpème, mbɨ̀Ꞌɨ̀ e ghɨ̌ bòt Izəèlȩê aa me ghòꞋnè àwɔb.

Lûm 3:31

Tè aà anè ngua shua nê mbɨ̧ yu Mbɔ̧ɔ̧mà ŋa la tsiꞋi àku, ndɨ̀ wu è tsìꞋi àyea màndzia èntɨ̧ɨ̧ ane Yesò la à? A mbê ntsě ale! Àghɨa àa və la wu nê baa nɔ̀ŋà mbɨ̧ mbɨ̀Ꞌɨ̀ ba wu nɔ̀ŋè la.

Lûm 3:4

A ntsě ale. Bòt bàgème e màà ngu wuê bòt mèfà̧, ko Mbɔ̧ɔ̧mà naa tɨ̧ɨ̧ wuê ane èngǎ̧ vi, mbɨ̀Ꞌɨ̀ bɔ shɨ a èbem Àkata tò la nê, “Àa ngɨ̀ à laꞋa, bòt è zə bɔ nê ànəa à laꞋà la wu nkûŋ, bɔ̀ mee bɔ̀ bàŋè mènəè mê, bɔ̀ ka bê ndze àlɔꞋ adù̧.”

Lûm 3:6

A mbê ntsě ale. Mbɔ̧ɔ̧mà bakà wua saꞋa mènəè ndɨŋndɨ̀ŋ, ko tàa saꞋa ngɔ̀ŋ naa?

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Lûm 7:13

Tè àa ně ngua shua nê àghɨa ntsɔ̧̀ a nɨ èvə nkɨ̀Ꞌɨ̂ adù̧ yaã? ChaꞋ, a ntsě ale. È li ngu kàbɔ̀ŋ è nɨ àghɨa ntsɔ̧̀ ka ngɨ̀ èvə e kɨꞋɨ̀ adù̧ yaã la. Kàbɔ̀ŋ li nɨ mbɨ̧, è wu àghɨa ntsɔ̧̀ la ngɨ̀ èvə e kɨꞋɨ̀ adù̧ yaã mbɨ̀Ꞌɨ̀ bɔɔ ye ngule àghɨa kàbɔ̀ŋ wu yùà la. Ale, mbɨ̧ ghɨ̀ bɔ paa ndze ndɨ kàbɔ̀ŋ nàà mbɨ̀a la.

Lûm 7:7

Tè e ngua anè shua nê mbɨ̧ wu àghɨa kàbɔ̀ŋ? ChaꞋ, a ntsě ale. Mbɨ̧ ntsě àghɨa kàbɔ̀ŋ. Mbɨ̧ li ngɨ̀ ale è kà wuê, ko e mbakà ko àghɨa kàbɔ̀ŋ wu yùà la. Mbɨ̧ li ngɨ̀ ale è kà shu laꞋnê, “À ka me kɨ nê àghɨa wòt tsa a wu wu a ye”, ko e mbakà ko laꞋ nê mànkɨa nê àghɨa wòt tsa a wu wu a yaã wu kàbɔ̀ŋ.

Lûm 9:14

Tè aà anè ngua nyɨ̀Ꞌta nê Mbɔ̧ɔ̧mà nàà kà ghɨ mènəè ndɨŋndɨ̀ŋ? A ntsě ale.

1 Kɔlìn 6:15

Bɨ bakà ko laꞋ nê mbɨ̧te ènyit tɨ̧ wu èdziꞋi ènyit Yesò Klistò? Tè aa nè ngu nê maa nɨ àdziꞋa ènyit a Yesò e ghɨ̌ naa tsiꞋi àdziꞋa ènyit a ghȩ̀ȩ̀nè ghȩȩne? ChaꞋ, à ka mbê ngu ale.

Gàlashìà 2:17

Baa me kɨ nê Mbɔ̧ɔ̧mà nɨa wa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ ndɨ̀ wu ba zì mèntɨ̧ɨ̧ ma ane Yesò Klistò la, ka bɔ ye nê ba wu bòt kàbɔ̀ŋ, ko a wua nyɨ̀Ꞌta nê Yesò Klistò nàa ngɨ̀à bàa ghɨa kàbɔ̀ŋ? ChaꞋ, Mbɔ̧ɔ̧mà è tu̧.

Gàlashìà 3:21

Tè àyaa a nyɨꞋtè nê mbɨ̧tsə te tsòke ànəa Mbɔ̧ɔ̧mà li nkàꞋ la à? ChaꞋ, a ntsě ale. Mbɨ̧tsə te ghɨ̀ ale ngua nkɨ̀Ꞌa mbɨ̀Ꞌɨ̀ eŋa mèmpème abua bɔbȩ, ko bòt aà ntɨ̧a ndɨŋndɨ̀ŋ e mbì Mbɔ̧ɔ̧mà nkàà na bɔ̀ɔ ngɨ̀à àghɨa mbɨ̧tsə te kɨa la.

Gàlashìà 6:14

Ka betsiꞋa mmɔ̌ mbɔŋ è nka wuꞋte am ane ànəa ko tsa kà wu mbasa wu Yesò Klistò Lefɨ̀Ꞌ wa li pfə adù̧ la. Èvə tò e li ngɨ̀ e mpfə àghɨ a ngɔ̀ŋ yaa, ngɔ̀ŋ yaà mè mpfə àghɨ am.