Lûk 2:34 - Mundani

³⁴ Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Lûk 2:34 ပူးပေါင်းရင်းမြစ်များ

Matìù 11:19

Waã Wòt kɨ̀Ꞌɨ̂ me jɨ èghɨjɨ mè nua mèlùꞋ, bɔ nê, ‘Bɨ yea mbê waa! Tà wu mpfəà èghɨjɨ, mè ngu àbaala mèlùꞋ, mè ngu shu̧ bòt bɔ̀ɔ nɨa mèkab taksì la, nè bòt kàbɔ̀ŋ ko’. A batè ngu ale, ka bòt e bɔ̂ ndâ me ye èyǐ Mbɔ̧ɔ̧mà ane èghɨ èyǐ mbɔŋ àa ngɨ̀à la.”

Matìù 12:46

MbɨꞋɨ Yesò bèla ndàꞋà bɔ̂ bòt bu la, nyɨ̌ tò bɔ̂ bɔnyɨ tò e kɨꞋɨ ntɨ̧ɨ̧ àbȩ me kɨa e mù bɔ̂ tò ba.

Matìù 21:44

Wòt tà kwene a ègwet èti làa la, tàa bəꞋte atem atem, ka èti ngaa è kwene a ègwet wòt, ko aa ŋèꞋne atò.

Matìù 27:63

nê “Tê, ba ku̧u̧te ndɨ wòt mèfà̧ waa li mbèle yû̧ nê, yea li mpfə è me wu ane èlibȩ betat ye yu̧u̧mè la.

Lûk 2:35

E bɔ ghɨ̀ ale, e tùꞋtè mènəè ndò̧ mu a èbem mèntɨ̧ɨ̧ mɔb la. E ghɨ̀ ale, tèsȩte waã wè tea sɔ̀ɔ̀be èntɨ̧ɨ̧ wê mbɨ̀Ꞌɨ̀ àlùmbà̧.”

Jɔ̌n 3:20

Wòt ègème tàa ngɨa kàbɔ̀ŋ la nàà mpààbà èkaꞋà, tà kà wua nkɔ̀ŋkà ekɨꞋɨ a èbem èkaꞋà, mbɨ̀Ꞌɨ̀ ka bɔ gha ghɨ̌ ndzè mènəè kàbɔ̀ŋ tò.

Jɔ̌n 5:18

Eyaa wu àghɨa a li ngɨ̀ bɔɔjuŋ Bèjuê e paa me kɨa tò ebùŋe la, nkàà nê tà bakà bəꞋə wuê ndàꞋà mbɨ̧ àliapfəèa yɔb, tàa ntɔ fɔ̀ɔ̀le Mbɔ̧ɔ̧mà ane Tǎt vi, ale ngua nɨa vi fɨꞋna ane tò.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

ÀfaꞋa 17:6

Ka mbɨ̀Ꞌɨ̀ bɔ bəꞋə àpfəè yu nkɨ awɔb kekaŋ la, bɔ səèŋnè a Jasɔ̀n bɔ̂ bɔnyɨ ba ko nga a mbì bɔɔjuŋ àpfəèà nɨ̧ və mbɔ̂ ŋȩ nê, “Bòt baa e lɔ̀ke ngoꞋ adzìꞋ àgème,

ÀfaꞋa 24:5

“Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

ÀfaꞋa 4:26

Bèfɔ̧̀ ngɔ̀ŋ ŋaa nè bòt bɔ̀ɔ mbà̧aã èlaꞋ la e li ntàŋkê mbù̧ù̧tè a si, nê bɔ kɨ tsɔꞋɔ a Tǎt wa Mbɔ̧ɔ̧mà bɔ̂ Fɔ̧̀ tò wu tà li ndzɔꞋ etsàà la.’

ÀfaꞋa 6:7

Ale, èngǎ̧ Mbɔ̧ɔ̧mà e me paa nga a èdziꞋ èdziꞋ. Bɔkatè Yesò e mè ntaꞋa kwèꞋne a Jèlusalèm tè bèntsìà mèpɨ̧̀ Mbɔ̧ɔ̧mà nyaŋ e zə ndzì mèntɨ̧ɨ̧ mɔb ane Yesò mɨ̧̂.

Lûm 9:32

Lə bɔ li bɔ̀ ka bɔŋ la wu nê bɔ li bɔ̀ ka zi mèntɨ̧ɨ̧ mɔb ane Mbɔ̧ɔ̧mà ka me kɨ, bɔ li mɨ̀ɨ̀tè nê aa wu ale nkàà àfaꞋa ntsɔ̧̀ bɔ̀ɔ ngɨ̀à la. Bɔ li sèmnè a ègwet èti lu bòt àa sèmnà adù̧ la.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

Ebùlù 7:1

Mèkizedèk waa li ngu fɔ̧̀ Salèm, mè ngu ntsìà mèpɨ̧̀ Mbɔ̧ɔ̧mà Àtsèàngɔ̀ŋ. Tà li mbù̧ a Abàlàghâm nkua a èbet tà li bùŋè bèfɔ̧̀ la, fà̧à̧te atò.

Ebùlù 7:7

È ntse ànəa ko bɔ̀ɔ mèe me màkè la, nê wòt tàa faãaãta bòt la è tsě wòt wu bɔ fà̧à̧te atò la.

1 Pità 4:14

Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.