Lûk 19:38 - Mundani

³⁸ “TsiꞋ Mbɔ̧ɔ̧mà lɔ̀ɔ̀le a fɔ̧̀ wu nkɨ̀Ꞌa ane èlen tò la; Àlàŋkè a wu a kèfɔ̧̀ Mbɔ̧ɔ̧mà, mèngùꞋte wu abua Mbɔ̧ɔ̧mà wu a ègwet la.”

Lûk 19:38 ပူးပေါင်းရင်းမြစ်များ

Matìù 2:2

Bɔ kɨꞋɨ ale, me biite nê, “Waã wu bɔ bi, tàa wu Fɔ̧̀ Bèjuê la nàa wa à? Baa ye kěnto̧ tò àbâ yu nyèm nàa sàꞋa la ka nkɨ̀Ꞌɨ̂ ewùꞋte atò.”

Matìù 21:9

Bòt bu nga a mbì tò la nè è bu akwèn la e bùꞋ me ŋȩa shua nê “MèngùꞋte wu abua waã Fɔ̧̀ Dàbid; TsiꞋ Mbɔ̧ɔ̧mà lɔ̀ɔ̀le a wòt wu nkɨ̀Ꞌa ane èlen tò la; MèngùꞋte wu abua Mbɔ̧ɔ̧mà wu a ègwet la.”

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Lûk 13:35

Bɨ̀ zə! Mbɔ̧ɔ̧mà tsì èsi vi ane àpfəè ayɨ̧ tè ndɔ̀Ꞌ. TsiꞋ è shu awɨ̧ nê, bɨ̀ ka tsi e ye am a, tè àli yu bɨ̀a li lete ngùŋ nê, ‘TsiꞋ Mbɔ̧ɔ̧mà lɔ̀ɔ̀le wòt wu nkɨ̀Ꞌa ane èlen tò la’, a kùꞋ.”

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Efesɔ̀s 1:12

Tà li ngɨ̀ anè mbɨ̀Ꞌɨ̀ bàa wu Mbɔ̧ɔ̧mà li ngɨ̀ ba wu bòt mbì e nɔ̀ŋe ntɨ̀ ya e me chɨ̀Ꞌɨ̀ a Yesò Klistò la, aa me tseke ndɨ bòt àa me wùꞋtè ènɨ̧ Mbɔ̧ɔ̧mà la.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

Efesɔ̀s 3:21

TsiꞋ Mbɔ̧ɔ̧mà bɔ mèngùꞋte nkàà bòt chɔsì nè Yesò Klistò àfɨ̀Ꞌ àgème ane àlia nè àlia. Àmèn.

Kɔ̀losìà 1:20

Mbɔ̧ɔ̧mà li ntse ane Waã vi mbɔŋ ka ngɨ̀ èghɨ ègème e mè ngwènè a èten Mbɔ̧ɔ̧mà wu. Èvə Waã Mbɔ̧ɔ̧mà a mbɨ̧̀ mbasa ka e li ngɨ̀ Mbɔ̧ɔ̧mà ghɨ̀ àlàŋkè, èghɨ ègème a ègwet nè sitsǎꞋ e mè ngwènè a èten tò la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Pità 1:12

Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.